Aidez moi svp

[mouna29200]

salam saha remdankoum habitkom t3awnouni kifah ndir el 3sel w el glassage w netmena tkouno mjarbinha w saha ftourkom

[زرابة]

welah ya khti ana la3sal nachri wajed ndafih chwiya we nzidlou ma zhar bah yakhfaf we benasba lalglassage ana ndir bayad bayda ntal3ouh ki talj we chkara dyal sucre glacé morjan we nos kas dyal atay nta3 zit we zestz citron we chwiya ma zhar tkhalti elkol wila habiti tkadi diri 2 cuillére a soupe nta3 hlib ana haka ndirou we yatla3li mlih

[بنـ الشاوية ـت]

السلام عليكم
صح رمضانك اختي

بالنسبة للعسل ديري الماء والسكر وتغليهم حتى كي يعقد ويولي عسل

اما القلاصاج
ديري بياض بيض مع 4 مغارف سكر وخطيهم حتى كي يولي قلاصاج ابيض

تقبلي مروري

بنـ الشاوية ــت

[chaima-twilight]

العسل:
مقدار سكر مع مقدارين من الماء وتخليهم يتغالاو حتان تعقد.

اما بالنسبة للقلاصاج:
ديري شاربات : يعني لعسل اللي وصفتهولك دورك بعد ما يعقد تخليه يبرد تضيفيلو بياض بيضة او حسب الكمية اللي تبغيها وتخفقيه مليح مبعد تبدي تزيدي السكر الناعم حتان يخثار مليح و يولي يابس نوعا ما وجربي انتي على الحبة تاع القاطو.

[bassamat]

اختى صح رمضانك

هاذ الوصفة راه ناجحة و مضمونة
خوذى رطل سكر فى كسرونة ثقيلة وخليه فوق النار ذرك يبدا يذوب و يو لى سائل قهوى ضيفيلو كاس ماء سخون لكن حذارى يديك راه سخون ياسر وحركى بمغرف حطب
ثم زيدى رندالة قارص و خليه يبرد راه يولى عسل حقيقى
واذا حبيتى اكثر اضيفى arome miel راه يتباع فى المحلات


و القلاصاج البسيط انك ديرى فنجال ماء زهر و اضيفى سكر قلاص حتى يخثار و جربى فوق الحبة اضيفى اللون او الذوق لى حبتيه

واى سؤال اخر رانى هنا

[mouna29200]

BARAKA allah fikom rakom 3awentouni bezaf w nchaallah njarabhom

[سَلْسَبِيّلْ]

شوفي اختي هذه الطريقة مجربتها 100 100 ديري الكيل كاس سكر بزوج ماء


حطي السكر وحدو وحركي بملعقة خشب حتا يولي بصفورة ويذوب اكل ثم ضيفي زوج ماء وبين صباعك شب باه يزرب يعقاد ويجيك زاكي والله يجي كيماالمشري