متى تتم خطبتي

[مشكلتي]

سلام عليكم
انا فتاة عمري 25 سنة ادرس ماستر
عندي مشكل في خطبة وتأخرها بحيث كل ما يجي يخطب ما يرجع او يقولو راح نجي وما يجو مهم حاسة كاين شيديما تصرا معايا ديما تقلقت بزااااااااف حابة تنهنى ونرتاح ونزوج صحباتي كامل تخطبو وكاين الي تزوجو ااا
ساعدوني يا ناس حتى نفسيتي تعبت

[mino 13]

مكتوب اختي فقط
انا اعرف ما هم اكثر منك ولحد الان لم يتم خطبتهم
ومشكل ليس فى الزين او التربية والله نعم التربية والزين
لكن مكتوب ربي

[toulay]

وعليكم السلام ورحمة الله تعالى وبركاته
اختي ليسمعك تقول في عمرك 70 سنة راك 25 سنة ماشاء الله مزالك صغيرة ركز في قرايتك والماستر تاعك وتاني في la soutenance تاعك ان شاء الله
وصحاباتك مبروك عليهم وادعي ربي يهنيهم واصبر حتى يجيك مكتوبك وخلاص
وعلاش نفسيتك تتعب يا اختي متخليش الهدف تاعك غير خطبة وزواج عندك قرايتك الحمد الله وقت ماتتزوج تتزوج
بالتوفيق

[ام رضوان]

السلام عليكم
يابنتي ربي ورحمتو
راكي تقرااي ومازلتي صغيرة وزيد الزواج مش هو كل شيء
راااااااااهههههههههي ماشي كل متزوجة سعيدة ومتهنية
كملي قرايتك وادعي ربي في نفس الوقت يرزقك بولد الحلال
ربي يسعدك ويرزقك بالزوج الصالح اااااممممممميييين.

[عثمان الجزائري.]

25 سنة ما زالك صغيرة فالصبر إلى أن يأذن الله...

[mhd-life]

اختي مزالكي صغيرة ,ركزي مع الماستر و زواج خليه علي ربي علي خاطر مكتوب من عند الله, ربي اوفقك الاخت

[نورسين سوف]

ربي يفرجها عليك ويعطيك ما تتمني يا ربي

[RAHETBAL45]

الله كريم اختى الان انت فى مرحلة دراسة فاجلى الامر لحينه و حاولى ان تقومى برقية شرعية ممكن يكون فيه تعطيل و لا تنسى ان لكل اجل كتاب

[AMINA.Z]

علاواه مزروبة يا الاخت !!!!!!!!!!
المراة مطلووووبة و ليست طالبة
كي يكتب ربي او يجي بلاما تحوسي عليه
و زيد بطلي التخمام هاذا و الا راح تقبلي باللي يجي
ادعي ربي و عيشي حياتك حتى يجيك رزقك

[sarah ab]

اول حاجة راكي صغير ختي وماشي محتم كي يتزوجو صحاباتك حتى انت تزوجي لانو كل تاخيرة فيها خيرة ............ وبيناتنا زواجلت الوقت والله ما يفرحو وربي يكتبلك الي فيه الخييييييييييير و صتبري فالصبرو جميل

[sinou19]

وعليكم السلام

انستي واش راح نقلك


نتوما لبنات عموما في الجامعة تعسو بعضاكم بزاف وهدا الشي لي خلى نصف البنات يتاثرن والاكثرية صار عندهم مرض نفسي

التقرعيج والستشغيل في الناس ياسبحان الله

عمرك 25سنة وتدرسي ماشاء الله ماستر يعني راكي ناضجة وعلى قدر من العلم

ولا القدرات العلمية لي اكتسبتوها ماتستغلوهاش حتى في ابسط مشكلة قد تتعرضون لها في حياتكم الشخصية

هنا راكي غالطة

شهدي واستغفري هذا قضاء وديري في بالك مليح بلي راجلك راهو مكتوبلك في جبهتم عينيك مايشوفوهش

عمرك 25 راكي في الوسط يعني كاين نسا تزوجو في 30 وطلع وكاين في 35

ابداي بروحك اهدري مع نفسك طبقي واش قال الدين

السترة والحياء اول حاجة يحوسو عليها الرجال في النسا ومن بعد يجي الجمال وحنة يديك واش يطيبو

+ لازم تعرفي واش يحبو الشباب المقبلين على الزواج ركزي مليح المقبلين على الزواج في نساهم المستقبليات
ماشي واش يحب الذيابة في البنات ومن بعد يطيشها كي الكلبة وتقلك خدعني وماحطيتوش

هدي ديريها مليح

وكاينة حاجة اخرى تاخر الزواج وهدي نشوف فيها ماتخصكش باصكو مازالك صغيرة باه تقولوي فاتي القطار ودارولي السحور
وماشي بعيدة هي الاخرى ديري رقية مليحة عند امام الرقية مليحة تبعد العين والحسد والسحر

وربي يهدينا ويهدي بناتنا واولادنا

وربي يفارقنا بلا ذنوب

[صمت الرجوله]

المشاركة الأصلية كتبت بواسطة مشكلتي

سلام عليكم
انا فتاة عمري 25 سنة ادرس ماستر
عندي مشكل في خطبة وتأخرها بحيث كل ما يجي يخطب ما يرجع او يقولو راح نجي وما يجو مهم حاسة كاين شيديما تصرا معايا ديما تقلقت بزااااااااف حابة تنهنى ونرتاح ونزوج صحباتي كامل تخطبو وكاين الي تزوجو ااا
ساعدوني يا ناس حتى نفسيتي تعبت

مازالكي صغيرة اختي ...كاين بنات تجاوزوا 35 سنة و مازالهم شادين في ربي و يستنو دون كلل...انت ما شاء الله بنت في عمر الزهور و راكي مقلقة كيما هاك

[11mohamed17]

تتزوجين حين يشاء الله تعالى , عليك بالصلاة و الدعاء

نسال الله ان ييسر امرك و امر الجميع

[نارينا]

وهل انت مستعدة للزواج وأهل لكل مسؤولياته

ام انك ستتزوجين لان صديقاتكِ تزوجن ؟؟

ربي يفرج عليه وكل شيء في اوانه حلو

[إسلام الفاروق]

انشاء الله يجيك ابن الحلال ركزي على قرايتك احسن و زواج قسمة و نصيب
سلام