جرح جديد

corinna · 2015-09-18, 13:35

السلام عليكم خياتي
حبيت نستشيركم في حاجة بزاف مهمة ,انا على ابواب الطلاق الله غالب متفاهمناش و عائلتو جاو ضدي و انا من النوع اللي ميعرفش يعايب الناس و لا يدير المشاكل خاطيني انا المهم نتهنى و طحت في ناس ميخافوش ربي و هدمو عائلة , ربي وكيلهم
مشكلتي انو عندي بنتي و عمرها .................................................. ..............................زعما تتخايلو شحال
13 شهر ايه 13 شهر مسكينة صغيرة , حبيت نعرف هل لازملي متابعة نفسية باش نقدر نوالف الوضع
مع العلم انو نفسيتي تاعبة و شوية مقللقة مالا خفت الزعاف تاعي يأثر على بنتي
كيفاش ندير ؟؟؟؟؟؟؟

hadjer17000 · 2015-09-18, 13:51

rabi ykon m3ak

kikimnarim2 · 2015-09-18, 21:52

ربي معاكي
ماشي ساهلة
أنا نقولك ادعي ربي كثري من الذكر الدعاء وقراءة القرآن أحسن من كل طبيب نفسي

ام رضوان · 2015-09-18, 23:28

السلام عليكم
اختي عليك بالدعاء الدعاء الدعاء
والله يا اختي ربي حنين كريم ادعيه وانت موقنة بالاجابة
اختي احنا في ايام فضيلة ادعي ربي يفرج كربك
اما عن اهل زوجك ان كانو ظالمينك ادعي وقولي اللهم اكفنيهم بما شأت والله يا اختي عن تجربة شخصية راح يجيبلهم ربي باه يتلهاو وينساوك
اللهم فرج كرب المكروبيين والف بين قلب اختي السائلة وزوجها وحنن قلبو على بنتو وانزع فكرة الطلاق من فكرو وهدي سرهم امييييييين يارب العالميين

أم شهد* · 2015-09-19, 01:45

يااختي الطلاق مش مليح لا ليك لا لبنتك
انا انقوليك شدي في ربي سبحانو و كثري من الدعاء و اقراي القران و ننصحك بسورة البقرة راه فيها سحر عجيب و ربي يفرج
واذا احتجتي اي حاجة رانا كامل خوتاتك نساعدوك و ربي يفرج
و ننصحك اذا كنت قادر تكملي مع راجلك متهديش حياتك على جال بنت الوقت راه صعيب و المراة قبل الزواج و بعد ماتطلاق متكونش عندها نفس مكانا في بيت والديها حاولي و ادعي ربي و رانا ندعولك

غزالة1 · 2015-09-19, 08:34

السلام عليكم
ربي يفرج عليك اختي
صلي و ادعي ما ليك غير ربي سبحانه
لو كنت وحدك نقلك ممكن يكون الطلاق حل في بعض الحالات اما و معاك طفلة واجب عليك تتراجعي و ضحي و مهما كان الوضع صعيب مراحش يكون اصعب من انك مطلقة ببنت
استغفري و ادعي ربي و تكلمي مع راجلك وحدكم بلا عصبية و لا نكد و اتنازلي على خاطر بنتك
ربي يوفقك للخير سلام

sinda · 2015-09-19, 17:41

والله بكتيني أختي أحكمي في ربي سبحانه ووكلي ربي والطالم تجي في راسه أطلبي ربي يقويك لازم توقفي على روحك وتكوني قوية باه تربي بنتك وربي يكون في عونك وربي يجيبلك حقك وحق بنتك

ام عبد الواحد 2016 · 2015-09-21, 16:25

الطلاق حل في بعض الحالات لكنه يبقى ابغض الحلال . حاولى ان تكافحي و تناضلي من اجل هدا العش الدي اكيد تعبتي لتبنيه ادا عندك مشكل فتاكدي ان هناك من يعاني اكثر منك و مع دالك يضحون و يتنازلون من اجل اطفالهم
ارجوا ان تسمعينا اخبار سعيدة قريبا و ربي يفرج عليك

corinna · 2015-10-19, 14:04

ربي يخليكم كااااامل على الردود
بصح اخر الاخبار بعثلي ورقة الطلاق؟!

nihal159 · 2015-10-19, 14:31

والله قلبي وجعني عليك؛ ربي يكون معاك ويقدرك على مسؤولية بنتك

أم رقية نسرين · 2015-10-19, 18:42

ربي يكون في عونك يا ختي
حسبنا الله و نعم الوكيل

طيور الجنان · 2015-10-20, 21:50

والله تأثرت بزاف اختي اهل زوجك ربي وكيلهم و انت ربي معاك ومع بنتك كوني ليها ام و اب توكلي على ربي و اكيد مايضيعكش.

corinna · 2015-10-20, 23:35

ياطيكم الصحة على الكلام اللي كتبتوه. متقدروش تعرفو شحال فرحت
و عليه هو و دارهم ربي وكيلهم
و انا ليا ربي سبحانو