مراهقة تطلب النصيحة منكم

[nouna ninoucha]

السلام عليكم

انشاء الله راكم ملاح
انا طفلة 17 سنة عاقلة وخاطيني صحاب و مشاكلهم علاقتي بدارنا مليحة و دايرين فيا ثقة

مشكتي انها صحبيتي عرفتني على واحد وليد خالتها في الفيس بوك حكيت معاه وانا نيتي صافية لكن نفاجئة انو قالي نحبك ومن هذي الهدرة وانا اول مرة تفاجئت معاه مع انو وهو ماشافنيش و ميعرفنيش ومشي من نفس الولاية من بعد والفتو و عجبني لحال معاه ولينا نحكو في الفيسبوك فقط و ذرك عندنا 8اشهر ولكن في هذي 3 اشهر ذاربنا بزاف لاني انا محبيتش نخليه يجي عندي ولاانو يحكي معي في الهاتف او يشوف صوتي لاني منقدرش نخون ثقة اهلي

نتمنى انكم تفهمومني و تساعدوني لاني الان اخاف يجي يحكي مع دارنا او يعرفو دارنا بيه وخايفة يسببلي مشاكل قولوللي كيفاش ندير معاه هل نحيه من الفيسبوك نخاف من مشاكل او ماذا افعل انصحوني لوجه الله

[الملتزمة بالدين]

السلام عليكم

نصيحتي لك اقطعي علاقتك بك فورا وابتعدي عن رفيقات السوء

الهاي في قرايتك ولا تخوني ثقة والديك

موفقة

[عميروش الحر]

المصريين يقولو .. "الباب لي يجيك منو الريح سدو و استريح"
اقطعي العلاقة به .. فعلاقتك به باطلة على جميع المستويات و انسيه و انزعي هاد الخزعبلات من راسك لأنك صغيرة .. و همك الوحيد الان يجب أن يكون الدراسة
و لا تحاولي ابدا أنك تعاندي البنات الاخريات و ما يفعلنه و اجعلي لنفسك شخصية مستقلة و هذبي عواطفك

[nouna ninoucha]

جزاكم الله الف خير على النصيحة

[تفـღـآؤل ツ وردٍ✿]

السلام عليكم ورحمة الله وبركاته

أختي ، قلت أنك لا تحبين أن تخوني ثقة أهلك .. أتعلمين ؟ كان يفترض بك أن تقطعي علاقتك بهذا الذئب الصغير منذ أن تجرأ وتلفظ بتلك الكلمة الوقحة ،

لا تسمحي لكرامتك أن تداس مجددا ، لا تقولي إنه قريب صديقتك .. هذا نذل يريد أن يفسد عليك دنياك وآخرتك

أختآه من ترك شيئا لله عوضه الله خيرا منه ‘ لا تترددي في هذا القرار ولا تجعلي الشيطان يعيقك عن ذلك

أعانك الله وثبتك على دينه *

[شرشورة2]

الهاي في قرايتك يا بنتي و لكل حادث حديث انت مازلتي صغيرة و خسارة عليك لوكان تضربي ثقة والديك عرض الحائط الله يهدينا اجمعين

[طالبة علم شرعي]

السلام عليكم ورحمة الله ............................. اختي اقطعي علاقتك به فورا وعاجلا فهو يضحك عليك فقط واكيد يعيش في فراغ لهذا يتسلى بك فيكذب عليك من يقول لك انه يحبك لمجرد انكما تبادلتما الرسائل في الفيس ولن يتقدم لخطبتك مستحيل وان اعطيته صورتك فترتكبين غلطة عمرك التي ستندمين عليها ايما ندم طيلة حياتك كوني كالذرة المصونة وحافظي على نفسك لا تتلكمي مع الذكور في الفيس صادقي البنات فقط وابتعدي عن رفاق السوء ولا تجعليهم يلوثون اخلاقك ....... كوني واثقة ان الفيس وكلامه بالنسبة لاشباه الرجال تمسخير برك ويوم يحب ان يتزوج تبحث له امه عن فتاة عاقلة كما قالو انت عندك17 سنة اهتمي بالدراسة واملئي اوقاتك بما يفيدك وحاولي ان تبتعدي عن هذا الفيس اي افتحي واحد جديد او احظري هذا الدي كنت تتكلمين معه كي لا يخضعك باقواله وتنسين كل النصائح التي قيلت لك
وفقك الله وحفظك وابعد عنك كل شر وسوء

وحسبي الله ونعم الوكيل في اشباه الرجال من يضحكون على بنات الناس

موفقة دون ان انسى نصيحة اخيرة لا تجاهري بالمعصية اختي فموضوعك هو مجاهرة والله المستعان

[naamane3]

شوفي يا بنتي اخطيك من هاذ العلاقة
وقوليلو فيها براكة وربي يجيبلنا الخير
وربي يغفرلنا ويهدينا
ولا تتمادي في هذه العلاقة لان آخرها مر
والندم لا يصلح الامور لكن يزيدها مرارة

[غريبة الاطوار]

لي يحبك ...يدخل من الباب ماشي من الفيسبوك و الهاتف .....اتلهاي بقرايتك ......و كوني انسانة صالحة .....باش ربي يرزقك الانسان الصالح .......اقطعي علاقتك به .....و شوفي في قرايتك .....و تاخذي رايي .....حتى صاحبت هاذي نقصي معاها العلاقات .....لانها لو كانت تحبك صح .....ما تفسدلكش ثيقة اهلك فيك

[ailemak]

le fait لي كتبتي الموضوع إذن راكي عارفة أهن خطأ, يا حنونتي deja قالولك قبلي واش لازم ديري, زيدي أغلقي هذ الفايس لي يجيب صداع الراس, الناس داروا ثورات بيه و أحنا قاعدين مع بحبك وحشتيني, يا أختي هذا كيفاش ماشافكش ميمpa و قالك نحبك , و كي يتلاقاك كيفاش!!!!
ماتزعفيش من كلامي حنونتي, عندي ختي قدك و تخيلتها في بلاصك و نقولها نفس الكلام
ماتخونيش نفسك قبل ما تخمي في أهلك, أتهلاي في قرايتك, هذيك هي الفايدة, و هذاك المحب مسكين يروح يزمر على روحو, يشوف من جهة أخرى يفوت وقتو
صح, أنتي في ميزك هذا قاصد الزواج???ياو مسكين بالاك 100دج ماعندوش في جيبو,
أختي ربي يعوضك الأحسن لي يجيك من الباب

[بصمة قلم]

المشاركة الأصلية كتبت بواسطة nouna ninoucha

السلام عليكم

انشاء الله راكم ملاح
انا طفلة 17 سنة عاقلة وخاطيني صحاب و مشاكلهم علاقتي بدارنا مليحة و دايرين فيا ثقة

مشكتي انها صحبيتي عرفتني على واحد وليد خالتها في الفيس بوك حكيت معاه وانا نيتي صافية لكن نفاجئة انو قالي نحبك ومن هذي الهدرة وانا اول مرة تفاجئت معاه مع انو وهو ماشافنيش و ميعرفنيش ومشي من نفس الولاية من بعد والفتو و عجبني لحال معاه ولينا نحكو في الفيسبوك فقط و ذرك عندنا 8اشهر ولكن في هذي 3 اشهر ذاربنا بزاف لاني انا محبيتش نخليه يجي عندي ولاانو يحكي معي في الهاتف او يشوف صوتي لاني منقدرش نخون ثقة اهلي

نتمنى انكم تفهمومني و تساعدوني لاني الان اخاف يجي يحكي مع دارنا او يعرفو دارنا بيه وخايفة يسببلي مشاكل قولوللي كيفاش ندير معاه هل نحيه من الفيسبوك نخاف من مشاكل او ماذا افعل انصحوني لوجه الله

وعليكم السلام ورحمة الله وبركاته
لقد نصحك الاعضاء وارجو ان تعملي بنصحائهم
اردت فقط ان أعلق على اخر جملة ، لا تخافي فلن يفعل شيئا ولن يتجرأ على الاقتراب من اهلك لانه على يقين انه سياتذى من طرفهم قبلك
وما تهدري معاه ما تقوليلو نقطع العلاقة ، اغلقي حسابك واقطعي علاقتك به مباشرة واستغفري لذنبك
و ان فتحتِ حسابا اخر (وافضل الا تفعلي) فارجو ان تكوني اكثر وعيا واكثر خشية لله في كل ما تقومين به ولا تقبلي صداقات من اي كان، ولا تنسي ان تقطعي علاقتك بصديقة السوء هذه طبعا بعد نصحها بان ما تفعلانه خطأ

[مريم الصابرة]

السلام عليكم
شكرا لثقتك فينا وبما أنو وثقت فينا وراكي صغيرة والحمد لله إنت راكي لاقيتنا ننصحوك في وقتنا كنا مراهقات تصرفنا من انفسنا اي نعم مرينا بتجربتك وما نكذبوش ونقولو خاطينا لالا الحب هذا كلنا مرينا به فالفترة هذي لكن وقتها ماكانش فايس بوك كانت برية وقلب مرسوم وفليشة جاية من وهرن هههههههههه
شوفي اختي اولا بدلي الفايس بوك او نحيه عليه من غير تكسار الراس يعرفك اليوم على 11 على 12 يقولك نحبك يعني رجعو شناوة ماكانش أسرع من الحب عند الرجال يحب فال 60 دقيقة 60 مرة قلبو موتور نتاع مازدا وإنت واش دراك قالها لطفلة اخرى راهم زوج كلمات يحفظوهم ويقولهم كامل للبنات اخطيك منو وما تهدري معاه ما تكملي معاه واصلا لما راكي تهدري معاه راكي خنت ثقة اهلك ما تستنايش حتى للتلفون كان توصل للتلفون راهي مرحلة تطبيق وفقط يعني خذي الراي اللي يبكيك ارمي عليك وقطعي علاقتك به شوفي قرايتك ودراستك ويوم يجي النصيب يجي لباب الدار لما تخلي روحك عزيزة وقيمتك عالية تبكري شوي يولو الخطابة يجوك للدار و تحبي وتتزوجي خليك من حب الفايس بوك وفايس خوك
موفقة

[nouna ninoucha]

شكرا لكم جميعا و جزاكم الله خيرا على نصائحكم

اريد فقط ان اوضح لكم اكثر

انا لم اترك له الفرصة لكي يخدعني او يستغبيني
ومن البداية قلت له انك كاذب وانك لن تحصل على ما تريد معي
واني مهتمة بالدراسة فقط
ولكن فوجئت ان قال لي اني متخلفة و معقدة و عقلية قديمة كيما قال
فقطعت علاقتي معه ولكني الان اخاف ان ياتي او يبحث عني او يسبب لي مشاكل

[رقيه الحضنه]

احذري يا ابنتي احذري احذري من العسل المغشوش والعسل المغشوش هو الحب والفيسبوك احذري اقطعي علاقتك دون ادنى تفكير

[samirabahi]

وكان جيتي اختي راكي تقولي 17 سنة نعطيك وحد السوطة تعقلي عليها صحبتك جابتهلك عرفتك به وتهدري معاه فالفايسبوك راكي تقولي خايفة على الثقة ..... الفايسبوك كالهاتف كيفكيف بلاك هو كثر شوفي خطيك من هاديك البنت اولا والفايسبوك ثانيا متزعفيش مني راني اختك حبيبتي .