ساعدوني ربي يخليكم

ietikaf · 2013-03-07, 16:33

أنا بنت من العاصمة لكن ما أعرف أطبخ و بقى على عرسي 3 أشهر و سأعيش مع أهل زوجي رغم أن أهل زوجي و زوجي يعرفوا بلي خاطيني الكوزينا مي عيب احنا الجزائريات مأصلات
راني كي نلفى وصفة تعجبني هنا و الله نجربها مي أنا نطيب و نخمم إذا بنينة و لا لا حتى نولي نبكي و ندير حكاية

ساعدوني بتجاربكم الله يخليكم

الوهرانية 1 · 2013-03-07, 16:50

حبيبتي المنتدى راه مملوء وصفات والاخوات اكيد جاوبو ادا سالتيهم المهم واسمحيلي على هاد الكلمة حبيبتي يكون عندك القلب كيما احنا نقولو في وهران
يعني تشجعي روحك وبروحك وتحبي من قلبك الطبخ هكدا تساعدي روحك وتتعلمي بلخف
المهم ننصحك تقسمي الوصفات
يعني الاطباق الرئيسية
المقبلات
السلاطات
الحلويات
الخ
وماتخافيش كلنا رانا معاك
حبيبتي اسالي واحنا نجاوبوك

oum anas 69 · 2013-03-07, 16:55

أهلا بك أختي و مرحبا بيننا و ربي يهنيك أختي
1- ما تقلقي روحك ما والو كامل رانا نتعلموا واحد مازاد من كرش مو متعلم
2-أبداي أتعلمي الاساسيات الساهلين اولا ثم بالشوية حتى توصلي للصعيب
3-كي تتزوجي حطي بالك مليح لاهل زوجك كيفاش يطيبو هكذا رايحا تتعلمي
4-راه المتدى مليئ بالوصفات السهلة و البسيطة و الشهية

ietikaf · 2013-03-07, 17:08

الله يخليك و الله كلامك يدعمني و يحفزني و وصفاتك روعة نجربها ان شاء الله و هكذا ننشرها في العاصمة لأنك لم تبخلي علي أكيد لن تبخليها على شخص آخر و سأسميها وصفات بنت بلادي الوهرانية

ietikaf · 2013-03-07, 17:10

راني منكم نتعلم شكرا لك

linda yasmin · 2013-03-07, 17:13

اتكلي على ربي ومتخافيش
اللى معرفتيهاش هذا شحال تتعلميها في شهر
حطي راسك و بداي تتعلمي الماكلة الي احبها راجلك
ويلا كنتي في المدينة روحي للجمعيات باش تتعلمي
والا تاخذي رايي اسمعي لمدام سليمة يعلى في اذاعة البويرة
والله غير تولي ندو من عندك لي روسات

fafi05 · 2013-03-07, 17:16

السلام عليكم
اختي العزيزة كيما قالو الاخوات قبلي المنتدى ملىء بالوصفات الرائعة اللي تقدري تبهري بيها زوجك و اهله ما عليك الا انك تنحي الخوف و تثقي بنفسك و بداي جربي واش عجبك من الاطباق و عادي اذا فشلت تجربتك اليوم عاوديها و باذن الله تنجح الطبخ ما نتعلموهش مرة واحدة و كل مرة تجربي رايحة تكتشفي خطاك في المرة السابقة وقادرة مع الوقت تولي تبدعي و تغيري من الوصفات و تحطي فيهم لمستك صدقيني اختاه عن تجربة كنت انا كيفك و اليوم الحمد لله مانيش محترفة بصح نسلك روحي هههههه نصيحتي لك نحي الخوف و ثقي بنفسك و اصدمي على الكوزينة و شوفي بالعزيمة واش تقدري ديري بالتوفيق و ارجو ان تتقبلي مروري