لست صاحبة العضوية

التـــــــــــــــــــائهة · 2013-01-29, 11:43

السلام عليكم في الحقيقة أنا لست صاحبة العضوية و لكني صديقة مقربة للياسمين الحرة منحت لي كلمة المرور من أجل أن أكتب مشكلتي ذ
مشكلتي أيها الاصدقاء مع بيت زوجي هم الحمد لله لا يتدخلون في شؤوني انا اسكن معهم و انا عاملة و زوجي كذلك مرتبنا نحن الاثنين يكفينا ...
ارجو ان تفهموني و تجاوبوني
زوجي عندو الدين واحد ثلاثيم مليون
اب زوجي عامل يخلص 26000.00 دج
فررنا انا و زوجي نمدو للدار 5000.00 دج الى حين يكمل الدين هادوك 5000.00 دج يمدهم للباباه هدا في الشهور الأولى . راجلي كي شاف باباه يخسر دراهم بزاف أي يصرف برك ولا يمدلو هادوك 5000 و يديه للسوق يشريو قاع مستلزمات الشهر : مقرون ، سباقطي ، صابون تاع المشينة ن القهوة و السكر ................إلخ و الله أشراو كلش و هكداك بقى الصرف أداهم بابات راجلي ... للحد الساعة عادي
شيخي يشري غير الحليب تاع الشكارة 05 شكاير و يوم الجمعة دايمن مكاش الحليب لاخاتر شيخي خدام هاد اليوم يتوجب علينا أنا و لا راجلي نشرو و دايمن اعجوزتي تمعني كو راجلها ماعندوش الدراهم .. هادي من جهة
من جهة أخري شيخي يقضي الخضرة .. أعجوزتي الشاطرة تخبي النص لاخاتر هي مريضة ليسطوما و احنا إذا حبينا ناكلو نشرو .... عجب
و البارحة كنت صايمة و كان عندي خدمة لراسي
كي دخلت لدار نلقاها قاع مخربة كوزينة خاصة لقيت عجوزتي تعجن غير شافتني دخلت للكوزينة راحت خلاتني و حدي صايمة و شغل لراسي راحت تتفرج مسلسل فاطمة و كانت الثلاجة فارغة والــــــــــــو حتى حبة بصلة مكاش و هي كانت مخبية بطاطا و زرودية باش تطيبهم تاكلهم في الغدا و الله العظيم ماخسرت كلمتها تقولي هاكي طيبي واش حبيتي راك صايمة و الوقت فات
.................
.....................
....................
انا حكيتلكم حبيت نشوف ردودكم كيفاه نتعامل مع عجوزتي و الله انا نشري كاش فاكهة دايمن نسبق فيها هي حبة بطاطا عزتها عليا ............
واش رايكم كيفا نتعامل معاها ...
شكرا لك ياسمين عل منحي الفرصة انا انتظر

sali-sali · 2013-01-29, 11:48

حاولي تهددري معاها و تتفاهمو
احكي لزوجك دون اثارة مشاكل
و اذا ممكن استقلو في بيت وحدكم هكدا احسن

ماريا205 · 2013-01-29, 13:56

اختي نشكىك على وضع ثقتك فينا
انا من رايي اتفاهمو مع بعض بالتي هي احسن بلاك المصروف ما كفاهمش حابتكم تزودو

karimblida · 2013-01-29, 14:07

الله غالب يا اختي..........ما تحبكش.....معذرة.
اقترح عليك .مرة على مرة شريلها حاجة كادو ........و تسقم روحها بادن الله
من وزاوية اخرى ...نلاحظ العجوزة هادي وفية لزوجها....هههو تخمم على جيبو...
ان شاء الله الاخوات يعطوك حل

طيب القلب · 2013-01-29, 14:09

ديري النية يسلكك ربـــي

karimblida · 2013-01-29, 14:10

ملاحظة لو سمحت
المراة الخدامة في المحيط نتاعنا
ادات شيعة .....ماترحمهاش عندها صوارد.....اضرب فيهم قبل ما تعلقهم دهب

sarl02 · 2013-01-29, 14:20

وانت في ميزك 5000دج راهي دراهم هذا الوقت حتى راكي اتقولي انها مصروف شهر ؟؟ولنفرض انك ساكنة بمفردك هل كنتي ستصرفين فقط 5000 دج في الشهر؟؟...يا اختي انت وزوجك راكم تحملون صفة عائلة صغيرة يعني مساهمتكم في البيت الكبير على الاقل لازم تكون 15000 دج ...اما باقي الامور مع ام زوجك تعتبر من روتنيات الحياة الزوجية والعائلية وعليك بالتصرف فيها بحنكة وعدم الانتباه لتوافه الامور ....بالتوفيق.

dahbi01 · 2013-01-29, 14:20

ربي يهديها والله حنا مزال رانا روطار ..........الله غالب الجهل صعيب. الكثير من المنازل فيهم هاد ليجاست نتاع شكوبي وحدة تحب راجلها يكونوا عندو الدراهم والأخرى تقولو ما تصرفش خلي خوك يجيب ووووو رانا في لآخر الزمان.............الله يحفظ ......وكاين الرجال كيما هاك

نقول لكل واحد عقليتو كيما هاك أصرف على الزوجة ديالك راك مأجور عليها
الله يهدي ما خلق
أختي الكريمة أصبري عليها والدنيا ماراهي دايمة لحتى واحد والي حاب يربح ويجمع الدراهم العام طويــــــــــــــــــــــــــــــــــــل

نعيمة29 · 2013-01-29, 14:31

الله يهديها ويهدي الجميع انا نقولك كبري قلبك واصبري بيدما فرج ربي .

amira19 · 2013-01-29, 14:48

روحي اسكني وحدك بركايك ما تصبري كرهنا من الصبر كرهنا

كيفاه يا عباد ربي وحدة صايمه ما تلقاش وش توكل لاه خلات ؟؟؟؟؟؟؟؟؟؟؟؟؟؟؟ روحي اشري هناك و سعادتك و كي تعودي في دارك تحبي توكلي الحجر توكليه

التـــــــــــــــــــائهة · 2013-01-29, 15:27

اقتباس:

المشاركة الأصلية كتبت بواسطة karimblida

الله غالب يا اختي..........ما تحبكش.....معذرة.
اقترح عليك .مرة على مرة شريلها حاجة كادو ........و تسقم روحها بادن الله
من وزاوية اخرى ...نلاحظ العجوزة هادي وفية لزوجها....هههو تخمم على جيبو...
ان شاء الله الاخوات يعطوك حل

للعلم صاحبتي تشريلهــــا حوايج و مرات تمدلها دراهم انا كي حكاتلي تشوكيت .... واش دير انا في راي دير النية و تصبر هادا مكان

biba04 · 2013-01-29, 16:12

شوفي اختي هدي هي عقلية لعجايز تاع بكري كامل نفس العقلية يديرو الف حساب لحاجة وبلاخص ماكلة تقولي راهم في عام الشر
والماكلة راح تخلص هههه انا تاني عجوزتي كيفك هي مليحة فل عقلية بصح الماكلة ياويلك مع انا ساكنة وحدي الحمد لله
كي تحب تبعث لراجلي حاجة يكلها تبعث شوية ليه وبس ماتقولش راهي عندو مرة فدار يخي ناس بكري ربي يهديهم والله حرت
ويدحكوني نقولك مكانش قد الواحد في دارو وحدو من الافضل تكري دار وتعيشي هانية متهنية قبل مايحمك مرض بعيد الشر

**مياس تسنيم** · 2013-01-29, 16:46

الحل اكري انتي وراجلك وحدك وحاولي تهدي الاوضاع شوي قبل ما تخرجي

~~دروب التابعين~~ · 2013-01-29, 16:59

اختي احسني الى من اساء اليكي وسترين النتيجة
مترديش الشوك بالشوك دايمن كيتمدلك سدرة رديهالها بلبانان والله راح تولي تخجل من روحها وماجزاء الاحسان الا الاحسان وتولي تحسن اليك
-ليس هناك ادنى شك انها دايرة في بالها بلي راكي خدامة وتقدري تتكلي على روحك يا اختي عجوزتك هذي كبيرة واكبر منك والدنيا ماهيش راح تدوم للحتى واحد ديري الخير ونسايه وكيتديري الشر تفكريه
-نورمالمو لواحد كيشوف واحد جاهل يعلمو الاحسان وهو صامت -ادعو الناس الى اخلاقك وانت صامت-وعمرك ولا تديري على شيخ ولا عجوزة لاخاطر عقولهم خرفو ولهذا السبب ربي قلك احسن الى والديك وعاملهم بحنان مثل الاطفال لانو حقيقة تتحول عقليتهم للعقلية تاع اطفال ولازم نحملوهم بحسناتهم وبسيئاتهم والدنيا مش دايمة تعياي تتفكري غير فلخير لي درتيه فيها
ماتديريش عليها مهما بدر منها

sarah1424 · 2013-01-29, 17:05

SLM
saraha ntouma f 2 takhdmou wsaknin f dar chikhek tmeddou 5000 da
rahi denia ghlat bzfffff
koun jitou saknin wahedkom wallah hadi 5000 da madirlkom walou taklouha f une semaine
hatta wandkom eddin a3rfou kifeh tetsarfou mat3ichouch 3ala alihom
wzidou ihkou maahom 9oloulhom rana f eddin whaslin 3awnouna
wrabbi yehdi