عاجل

mimi sahera · 2012-09-13, 20:44

[size="5"]حبيباتي الله يرزقكم جنة عرس بنت اخي علي اسبوعين وانا اعمل لها حلويات مقروط اللوز و عرايش 300 حبة مقروط الوز و300حبة لعرايش ولم اعرف كم كيلو كاوكاو وسكر ناعم

mimi sahera · 2012-09-13, 21:28

بليز جواب ياخواتي الله يرضى عليكم

MERIEM SETIF-2- · 2012-09-13, 21:38

والله أختي تمنيت نقدر نفيدك لكن أنا عن نفسي نشري كيلو كوكاو و 3 شكاير سكر قلاصي لعرايش و نفس الشيئ بالنسبة لمقروط اللوز و نشوف شحال يصدرولي منهم نقدر نميز شحال نزيد .وربي يعاونك و يجيوك ملاح كيما راكي حابة .

MERIEM SETIF-2- · 2012-09-13, 21:44

والله أختي تمنيت نفيدك لكن جامي خدمت بهذه الكمية انا عن نفسي نشري كيلو كوكاو و 3شكاير سكر قلاصي لعرايش و نفس الشيئ لمقروط اللوز ونخدم نشوف شحال يصدرولي ومنهم نقدر نميز شحال نزيد .و ربي يعاونك ويجيوك ملاح كيما راكي حابة .

mama43 · 2012-09-13, 22:07

choufi hanouna makrout louz kilou ntae louz ydirlak 50 haba yaeni ylik 6kilou louz ama l arayech je pense 3kilou yekfiw

jackin · 2012-09-13, 22:31

بارك الله فيك و يعطيك الصحة

liliane24 · 2012-09-14, 08:45

شوفي أختي مقروط اللوز الكيلو لوز يديرلنا 50 حبة أي أنك تحتاجين 06 كيلو هذا باعتبار الحبة مليحة توزن تقريبا 30غ مايش صغيرة.
العرايش الكيلو يدير تقريبا 120 حبة تقريبا ، أي أنك ستحتاجين تقريبا إلى 2 كيلو و نصف لوز أو كاوكاو.
انا هذه هي المقادير اللي نستعملها ، وكل واحد حسب حجم الحبة و الحشو ، ودائما الاحتياط واجب نزيد كيلو كاوكاو و مانرحيهش إلا إذا إحتجته.
أما بالنسبة للسكر قلاصي انا مانخدمش مقروط اللوز و العرايش به نخدمهم بالسكر العادي ، في كيلو لوز ندير 250غ سكر عادي لأنه فيه القلاصاج مانحبوش يحرق في الحلق من الحلاوة على هاذي مانديرش 300غ ندير فقط 250غ، و بالتالي نحتاج 02 كيلو سكر في 06 كيلو لوز.
كذلك العرايش تبلي الحشو بالسكر العادي و ماء الزهر مايش بسكر قلاصي.

نتمنى نكون أفدتك أختي.

mimi sahera · 2012-09-14, 20:53

الحمد لله الذي كفى والصلاة على الرسول المصطفى النبي المجتبى محمد بن عبد
االله عليه افضل الصلاة واتم التسليم...احييكم بتحية من عند الله طيبة مباركه
السلام عليكم ورحمة الله وبركاته...وان يغمركم بنفحاته...طبتم وطاب ممشاكم وفي الجنة ان شاء الله نلقاكم وناكل من نعيمه ونتسابق الى قصورنا...بارك الله بكم وبارك الله باعماركم بارك الله بهذه الايدي المتوضئه والسواعد المشمره والوجوه النيره الغر المحجله انما هو دعاء لكل اخواتي في الاسلام ولكل اخ له اخت ومن يريد ان يكون لي اخا في الله...
اللهم اني اسالك لاخواتي ...اللهم اسلك لهم العفو والعافيه والمعافاة التامه في الدين والدنياوالاخره اللهم استرهم بسترك الجميل الذي سترت به نفسك..اللهم ارزقهم بلباس التقوى اللهم ارحمهم برحمتك التي وسعت كل شيء ونحن لا شيء فلتسعنا رحمتك........

اللهم اني اسالك ان تهديهم لما تحبه وترضاه اللهم نور دربهم وقوي عزائمهم