اخي يضربونيييي 2

[كريمة 118]

السلام عليكم درت واش قلتولي تجنبت اخي يعني خالي كيما انصحتوني لكنه متجبر كنت نخدم في الانترنت في لاشمبر تاع ماما ;دخل وقعد يهدر مع ماما ومبعد قالتلي اغلقي الباب ندت غلقتوا قالي وعلاش راكي تغلقي في الباب بالقوة قلتلوا ماهوش الباب تاع الشمبرة نتاعك قالي كلش نتاعي اسكتي ولا درك نبزقلك في وجهك انتوما تتصوروا انسان في سنوا 35سنة يقول هدا الكلام قلتلوا هادي الاطفال ومايقولوهاش وسكت قالي راكي تاكلي وتشربي في سبيل الله اسكتي كيما انحب انديرلك قالتلوا ماما انت ثان راك تاكل في سبيل الله قالها انا دار بابا وهي لا وانا قعدت غير نبكي حتى قنطت خبرت بابا قالوا روح وسعني خمل قشك وروح قالوا رجعوا نساء يحكموا قالوا خليها مادرتلك والوا وزيد هو كاين خويا الكبير يعني خالي في عمروا 46سنة راه مشيطنوا وراه حاقد عليا انوا انا قريت وبنتوا قعدت في الدار وزيد انا ملي كنت نقرا مزال مسمعوا عليا ولا درت حاجة تخل بالحياء وبنتوا ماهي مرة يصيبوها عندها بورتابل وليبيس بالخيانةوووو رغم انوا راهوا حاج مكة وزيد امام و انا الحمد لله متحجبة ومتدينة غير الحسد يقتل فيهمومبعد انا خملت قشي ورحت عند اختي ومبعد يومين جات ماما تديني قلتلها مانروحش ومبعد جا بابا غاظني مع هو عندوا 70سنة ومع الكبر شفت لوجهوا غير قولولي كي ندير كرهت راني مظلومة ومقنوطة ودمعتي راهي غير تسيل انصحوني مصبتش لمن نحكي غير انتوما لي تفهموني

[مريم الصابرة]

السلام عليكم
انا نصحتك من قبل لكن ما كنتش عارفاتو متجبر هاك لازم باباك يوقفو عند حدو لو فرضا بعيد الشر كاش ما صرا لباباك يدفنك هذا ما عندوش قلب عليك غدعي ربي يهديه لكن لو نهار باباك درلو عقوبة وحاوزو من الدار تشوفي كان يزيد يدور بيك وإن شاء الله تتزوجي وتتهناي منو من رأي لازم والديك يديرو معاه امر ضروري لأانو راح يزيد يتمادى وما راهش حنيني معاك لكن نظن راه تحراش من خالك على جال قريتي وخوك بغا يدفنك هذا ما عندو الحق باباك حي وكلمتو تفوت ربي يهديه تحملي مي لازم تهدري مع باباك ربي يهديه

[z.abdo]

السلام عليكم اختي ..........المرة الثانية اقرأ موضوعك لكن بصراحة لم افهم سبب تصرف خالك أو اخاك معك بهذه الطريقة ؟؟؟

اريد ان اسألك اختي متى بدا اول مرة يعاملوك بهذه الطريقة ؟؟؟؟ ومـــــــــــــا هو السبب في رأيك

فقط كوني صريحة على الأسئلة وبإذنه سنجد احل

[كريمة 118]

نعم هو خالي راهوا يحرش فيه ويسير فيه من بعيد يحوسني نخرج من الدار وانا منقدرش لانوا تربيت معاهم على اساس اخواني ووو وفرضا كن نخرج معنديش وين نروح كون نروح لعند امي الحقيقية منقدرش هي تخلات علي معلاباليش واش ندير و كلما نهدر على حقي يقولوا انا مرانيش مليحة وراني نردلهم في الهدرة هما يحوسوا تقضي و تخدمي الشغل وهما يدحسوا عليك ويهينوك انا كرهت لكن الحمد لله هكدا ولا كتر

[z.abdo]

المشاركة الأصلية كتبت بواسطة كريمة 118

نعم هو خالي راهوا يحرش فيه ويسير فيه من بعيد يحوسني نخرج من الدار وانا منقدرش لانوا تربيت معاهم على اساس اخواني ووو وفرضا كن نخرج معنديش وين نروح كون نروح لعند امي الحقيقية منقدرش هي تخلات علي معلاباليش واش ندير و كلما نهدر على حقي يقولوا انا مرانيش مليحة وراني نردلهم في الهدرة هما يحوسوا تقضي و تخدمي الشغل وهما يدحسوا عليك ويهينوك انا كرهت لكن الحمد لله هكدا ولا كتر

يعني هذه زوجة والدك ......وهل هي تعاملك معاملة جيدة ؟؟
كذالك اريد ان اعرف عمر اخوك هذا كم عمره ؟؟؟

[كريمة 118]

المشاركة الأصلية كتبت بواسطة z.abdo

يعني هذه زوجة والدك ......وهل هي تعاملك معاملة جيدة ؟؟
كذالك اريد ان اعرف عمر اخوك هذا كم عمره ؟؟؟

لا هذه جدتي ام امي واخي عمره 34سنة و الاكبر منوا الي يظل يحرش فيه عليا 46سنة وزيد هو امام و حاج مكة
اذا عندك اسئلة نجاوبك

[z.abdo]

متى بدأ أول مرة هذا المشكل وفي راييك ما سبب معاملة اخيك بهذه الطريقة

[كريمة 118]

المشاركة الأصلية كتبت بواسطة z.abdo

متى بدأ أول مرة هذا المشكل وفي راييك ما سبب معاملة اخيك بهذه الطريقة

كان كلما يرجع من فرنسا يقعد 10ايام او ااقل وسبب معاملته لي بهذه الطريقة انوا اخي الكبير ووهو امام يحرشوا ويشيطنهم علي لاني انا بنت اختوهم ولست اختهم يحوس يخرجني من الدار وزيد الحقد والغيرة انوا انا نقرا وبنتوا كان يتمنى باه تكمل لكن بسبب الفوضى نتاعها طردوها وانا كنت دائما من المتفوقيين كان يقلها علاه هي تقرى وانت لالا وزيد في الحجاب انا درتوا في سن 13سنة وبارادتي وهي دارولها بسيف والصلاة انا بديت نصلي وحدي وهي بالهدرة والخطاة باش بدات تصلي ونهار تصلي ونهار لا
انا هنا واش ذنبي ولا ذنبي انوا ربي قاس فيا ثمرة طيبة مع اني مع الذئاب

[z.abdo]

المشاركة الأصلية كتبت بواسطة كريمة 118

كان كلما يرجع من فرنسا يقعد 10ايام او ااقل وسبب معاملته لي بهذه الطريقة انوا اخي الكبير ووهو امام يحرشوا ويشيطنهم علي لاني انا بنت اختوهم ولست اختهم يحوس يخرجني من الدار وزيد الحقد والغيرة انوا انا نقرا وبنتوا كان يتمنى باه تكمل لكن بسبب الفوضى نتاعها طردوها وانا كنت دائما من المتفوقيين كان يقلها علاه هي تقرى وانت لالا وزيد في الحجاب انا درتوا في سن 13سنة وبارادتي وهي دارولها بسيف والصلاة انا بديت نصلي وحدي وهي بالهدرة والخطاة باش بدات تصلي ونهار تصلي ونهار لا
انا هنا واش ذنبي ولا ذنبي انوا ربي قاس فيا ثمرة طيبة مع اني مع الذئاب

في ردك لم اعرف متى بدا المشكل بالظبط

اريد ان اعرف كيف انت طريقة معا ملتك لهم وكم لديك عدد أخوتك واخوات الأشقاء .............. من المقربين لك في عائلتك؟؟

كذالك اريد تخبريني كل واحد بدرجة قرابته لك مثلا خالك لا تقولي لي انه اخوك حتى افهم القصة جيدا

[كريمة 118]

المشاركة الأصلية كتبت بواسطة z.abdo

في ردك لم اعرف متى بدا المشكل بالظبط

اريد ان اعرف كيف انت طريقة معا ملتك لهم وكم لديك عدد أخوتك واخوات الأشقاء .............. من المقربين لك في عائلتك؟؟

كذالك اريد تخبريني كل واحد بدرجة قرابته لك مثلا خالك لا تقولي لي انه اخوك حتى افهم القصة جيدا

اخواني الحقيقيين والاشقاء 4ذكور الاكبر27سنة والاخر 25سنة وهما مقاجيين في الخدمة العسكرية وواحد 21سنة في فرنسا وواحد 18سنة يدرس وكل واحد لاهي في روحوا وانا نهدر معاهم هدرة خفيفة
والاناث 2 واحدة متزوجة وعمرها 30سنة كلما نحكيلها تقلي مكتوب ربي وكاين لي كثر منك احمدي ربي والاخرى 19سنة وواحد مرانيش متقربة منوا الا اختي الكبرى كنت نحاول باش تعاوني لكن دايمن ماتفهمنيش كرهت وماوليتش نحكيلها

وفي مايخص اخوالي يوجد واحد في انجلترا وعمره 40سنة و 4في فرنسا واحد في عمروا 29سنة و واحد 27 وواحد 25وهذا لي حاقرني 34سنة
و2هنا في الجزائر واحد 36سنة والامام الحاقد عليا 46سنة والاناث وحدة ماتت منت متقربة منها بزاف ووحدة متزوجة متقدرش تدخل روحها وانا في اخوالي متقربة من الي عمروا27سنة وهو ثان محقور من خالي نفسوا لي حاقرني وهو متداقي معاه وميكلموش غير مرات

[hakeem]

هو متجبر و انت لسانك طويل ؟؟؟ ماشي كي عندك الحق فإنه يحق لك قول ما تريدين و إرجاع الكلام لخوك كبير عليك ؟؟ و ماشي كي باباك أعطاك الحق و وقف في جنبك تروحي انت تذليه و تكثري عليه الحس ؟ حسب ما أرى أنه ربما يعاني من مشاكل ما و هذا ما جعله مشارجي و عليك تجنبه و تجنب الإجابات التي تستفزه حتى و إن كان عندك الحق ؟؟؟ يا اختي أنت راكي تتعاملي معاه كأنه في سنك و كانه ليس اخاك ؟؟؟؟ هذا خوك و راهو كبير عليك و عليك أن تسمحي شويا من حقك و إدفعي بالتي هي أحسن و أنا أؤكد لك أنه سوف يتوقف عن هذه المشاكل و في الأخير إنه اخوك و شيء طبيعي يكون المورال تاعو ماشي مليح و ربما يخطئ في حقك لكن حاولي أن تكبري عقلك و لا تدخلي في مشاكل قد تخلق بينك و بينه احقاد

[بنت اولاد نايل]

المشاركة الأصلية كتبت بواسطة hakeem

هو متجبر و انت لسانك طويل ؟؟؟ ماشي كي عندك الحق فإنه يحق لك قول ما تريدين و إرجاع الكلام لخوك كبير عليك ؟؟ و ماشي كي باباك أعطاك الحق و وقف في جنبك تروحي انت تذليه و تكثري عليه الحس ؟ حسب ما أرى أنه ربما يعاني من مشاكل ما و هذا ما جعله مشارجي و عليك تجنبه و تجنب الإجابات التي تستفزه حتى و إن كان عندك الحق ؟؟؟ يا اختي أنت راكي تتعاملي معاه كأنه في سنك و كانه ليس اخاك ؟؟؟؟ هذا خوك و راهو كبير عليك و عليك أن تسمحي شويا من حقك و إدفعي بالتي هي أحسن و أنا أؤكد لك أنه سوف يتوقف عن هذه المشاكل و في الأخير إنه اخوك و شيء طبيعي يكون المورال تاعو ماشي مليح و ربما يخطئ في حقك لكن حاولي أن تكبري عقلك و لا تدخلي في مشاكل قد تخلق بينك و بينه احقاد

يعطيك الصحة اخي هذه هي النصيحة نتاع الصح
انتى يااخت كريمة تعرفي خوك عصبي تزيدى عليه بالهدرة الى تنرفز
كيما هذي (قالي وعلاش راكي تغلقي في الباب بالقوة قلتلوا ماهوش الباب تاع الشمبرة نتاعك )
قادرة كان قلتى مش بلعاني ولا باب زلق منى واش فيها
يااختى اتجبيه كليا وماتقطعيش خوك يااختى ماتعرفي واش مخبي الزمان
بلاك مع الزمن هو يكون سند نتاعك سايسي خوك
بهذي مشاكل راكى تتعبي الوالدين نتاوعك
بدلي طريقتك معاه مهما كان هذا خوك الكبير 34 او 35 سنة
مش 14 او 15 سنة وربي يهدي القلوب وصفي النفوس

[كريمة 118]

المشاركة الأصلية كتبت بواسطة hakeem

هو متجبر و انت لسانك طويل ؟؟؟ ماشي كي عندك الحق فإنه يحق لك قول ما تريدين و إرجاع الكلام لخوك كبير عليك ؟؟ و ماشي كي باباك أعطاك الحق و وقف في جنبك تروحي انت تذليه و تكثري عليه الحس ؟ حسب ما أرى أنه ربما يعاني من مشاكل ما و هذا ما جعله مشارجي و عليك تجنبه و تجنب الإجابات التي تستفزه حتى و إن كان عندك الحق ؟؟؟ يا اختي أنت راكي تتعاملي معاه كأنه في سنك و كانه ليس اخاك ؟؟؟؟ هذا خوك و راهو كبير عليك و عليك أن تسمحي شويا من حقك و إدفعي بالتي هي أحسن و أنا أؤكد لك أنه سوف يتوقف عن هذه المشاكل و في الأخير إنه اخوك و شيء طبيعي يكون المورال تاعو ماشي مليح و ربما يخطئ في حقك لكن حاولي أن تكبري عقلك و لا تدخلي في مشاكل قد تخلق بينك و بينه احقاد

الله غير غاضتني كي قلتلي انوا انا لساني طويل وانا والله مارجعتلوا الهدرة انا كنت محترماتوا ومقيماتوا والحاجة اللي يقلي عليها نديرهالوا يااخي راني مظلومة وزيد كاين اللي راه يحرش فيه ضدي بسبب الحقد والغيرة

[sabra2009]

الله إيفرج عليك حبيبتي
أني حاسة بيك، ما تعنديهش أسكتي ما عندك واش رايحة تعملي
هذا حال أغلبية الأسر الجزائرية المرأة محقورة..

[hakeem]

لسانك طويل أقصد أنك تناقشيه على الرغم انه كان بإستطاعتك السكوت و هذا ماشي عيب إذا سمحتي من حقك قدام خوك الكبير ؟ بل إنه شيء رائع إذا سمحتي من حقك ثم إن هذه المشاكل تصرا في كل الأسر الجزائرية و لا تصنف في خانة المشاكل الكبيرة ... تجنبي الرد عليه حتى و إن اخطأ في حقك عدة مرات و إذا لم يتوقف مع مرور الوقت عندها يمكنك القول إنو يحقرك

خوك يا سيدتي عندو مشاكل ما لا نعلمها و لو كان حياتو نورمال كون ما تقدريش تتلاقاي بيه و كون راهو مشغول مع الأسرة تاعو و أبناءه


أختي كلش يفوت و يبقاو غير الذكريات ... اليوم راكم كيفي كيف و غدوا إن شاء الله تتزوجي و ربما يسافر و تولي تتوحشيه و تتفكري في هذ الأيام و تضحكي ..... ربي يعاونك و يعطيك الصبر و إن شاء الله محنة و تفوت