لاريد الزواج بسبب الوسواس القهري اين الحل

[mrmilano1984]

لسلام عليكم اردت من هدا الموضوع ان اتكلم علي شخص صراحة دهشت وحرت جدا لحالتو النفسية والعقلية هو في 31 سنة طبعا وعاطل الان عن العمل وقصير القامة 1.69 وزنه 55 كغ المهم فقط تفاصيل لايهم مشكلته انو حكتها لي لاني اقرب منه جدا طبعا انا معتاد ياتي لمحلي لايهم انا طبعا اتعاطف معه وحاولت نصحه مرارا واكرارا لكن راسو يابس بزاف بزاف يحب يدر واش كاين في راو وفقط نقولو علاش يقو لي علاش النساء وكل واحد يحبو يديرو واش كاين في راسه وقلبها مثلا يقولي كل وحدة تقولك انا نخير راجل لي نحب ونديه كما نحب ويدير كما نحب انا ويوالم عقليتي هو يقول علاش هوما مايديروش كما انحب انا يحبو الا نفوسهم ويضل يكررها يقولي نبقي هاك بعقبيتي يابس وقبيح بي تحب تحب ولي ماتحبش تخبط راسها في الحيط علاش هم يعيشو بعقليتهم ويفتخرو وكي يجي وحداخر يبقاو يعلقو عليه هدا هاك ومانديهش واعر وقبيح ومانقدرش نحبو او نعاشرو ووو
هل تفكيره سوي او مادا في نفسه للعلم اصبح متعصب جدا جدا ويدير في بالو انو موحال راح يتزوج لانو يقول اعرف عقليتهم واش يحبوا

[NasredineDZ]

الرجل لديه عقدة نفسية بسبب شكله.شخصه.وحالته المادية

لانه يكره ذاته وايضا بسبب معايير التصنيف التي تتبعها المراة الجزائرية المستمدة من الدراما التركية التي سببت اكبر ازمة تاع بايرات في التاريخ الجزائري
اصبح يعتبر المراة عدو له بسبب الرفض الدائم الذي يتعرض له
و كيما نقوقلوا حنا راه حاقد عليهم

[mrmilano1984]

نعم اصبح جد حاقد عليهم اخي جد جدا يقولي كفاه وحدة ماتقبلنيش كما راني مثلا او تحبو مثلا طبعا مش وحدة 2 ماتحبوش حاجة باينة يقولي ولكن كاين قباخات هه مثله مايحبوهش

[NasredineDZ]

قلك

زدت في وقت الارهاب او عشت في وقت الا........

انتا او فهمها وحدك

[mrmilano1984]

لا لا لم يزد في وقت الارهاب بل قبل اخي

[رقة زمان]

الراجل مايتعيبش. انا عن نفسي ندي القبيح ومانديش الوسيم وراك عارف علاه هادي نقطه.الراجل صاحبك بلاخدمه شكون هادي الي راح تقبل بيه .لاخدمه=الجوع والتمرميد.انتهى

[NasredineDZ]

المشاركة الأصلية كتبت بواسطة رقة زمان

الراجل مايتعيبش. انا عن نفسي ندي القبيح ومانديش الوسيم وراك عارف علاه هادي نقطه.الراجل صاحبك بلاخدمه شكون هادي الي راح تقبل بيه .لاخدمه=الجوع والتمرميد.انتهى

المهم هو الخلق و الدين اختي الكريمة

فكل شيئ ياتي و يذهب الا الاخلاق

[mrmilano1984]

يعني حسب النساء هناك ادواق كاينة طبعا لي تحب الراجل المتعصب يعني مش قضية متعصب يكسر او يخرب وووو يعني هو شنايفي صدقوني علي العام يضحك طبعا لي تعرف تضحكو يضحك معاها ويدخل في الجو معاها وماتبينلوش حقدها او كرهها له لانو كاين بزاف يخزرو فيه اقصد بنات بنوع من الخوف او احتقار او عدم الاعجاب ووو فه ايضا يبادلهم نفس الشعور يولي مايقيمهمش مي مثلا لو وحدة يقولي تضحك معايا دايمن ثم ثم تواسيلو قلبو ويولي يعاملها عاد وممكن اكثر حتي ولو لم تحبو لعقليته علي الاقل تكون بشوشة معاه وتتحمل مزاو وطبيعتو الله غالب هو داير هاك

[mrmilano1984]

لا لا اختي هو متخلق صراحة واشهد له بدلك لايتبع النساء ابدا ولا يدخن ولايشرب ولا يعمل امور الشر الصلاة كان يصلي ويبطل ونصحتو قال لي راح نعمل جاهد نولي لوجه الله طبعا فقط عندو مشكلة نفسية تاع مالقاش الحنان تاع مرا لدا راهو ولا عصبي جدا جدا ويخمم بزاف وطبعا كرهم بسبب انو لم يجد لي تفهمو مليح اوك يقولي علاش وحدة مانعجبها تحير تخمامو

[NasredineDZ]

هههههههههههه

الصراع بين الرجل و المراة

صراع ازلي لن يتنهي اطلاقا

[رقة زمان]

المشاركة الأصلية كتبت بواسطة mrmilano1984

لا لا اختي هو متخلق صراحة واشهد له بدلك لايتبع النساء ابدا ولا يدخن ولايشرب ولا يعمل امور الشر الصلاة كان يصلي ويبطل ونصحتو قال لي راح نعمل جاهد نولي لوجه الله طبعا فقط عندو مشكلة نفسية تاع مالقاش الحنان تاع مرا لدا راهو ولا عصبي جدا جدا ويخمم بزاف وطبعا كرهم بسبب انو لم يجد لي تفهمو مليح اوك يقولي علاش وحدة مانعجبها تحير تخمامو

هه الحنان ياتي بعد الزواج....خليه يبطل من العلاقات باش يروحله هاد الوسواس (انت قلت مالقاش الي تفهمو اكيد عنده علاقات مع بنات)...الزواج مكتوب مش نتاع يفهموني وما يفهموني......اصلا شكون الراجل الي لقى الي تفهمو هو يفهم روحو هه

[mrmilano1984]

لا لا جامي لو نقلك سر انو عمرو مادار علاقة عاطفية اقصد تجربة مع امراة وعلاقة صدقيني نعرفو وهو حكالي يعني يتحدث معهم من اجل التحدث وفقط كي كان يعمل او بنات عائلة او جيران التحية وفقط يعني خجول تقدري تقولي من جهة

[النجمة القطبية]

واضح انو يعانى من مشكل نفسي وكما يبدو هذا معروف لديه
ﻻزم يتخذ خطوة ايجابية في الحياة ان اراد ان ينجح ويتوكل على الله ﻻن من ﻻ يتفاعل مع الناس ﻻ احد يتفاعل معه
ربي يرزقو ويصلح اﻻحوال

[mrmilano1984]

نعم اكيد عندو مشكلة نفسية كبيرة فيه هو حمد لله ماهوش مهبول او فاقد عقلو ويميز ولكن كما نقولو متيقر في راسو فعلا ويخمم هكا بزاف مالحل هل الحجامة تنفع ام لا رقا من قبل لاشيء عندو
عندو عقدة من النساء

[mother of maria]

مشكلة نفسية الحل
طبيب نفسي و بسبب العقدة لن يدهب اليه لانه بخير (على حسبه)
......... حاولي ان تكوني الطبيبة النفسانية و لك أجر