تحليــة الفلون و الكراميل

[ladymillion]

بسم الله الرحمن الرحيم

السلام عليكم زائرات موضوعي

- تحلية الفلون والكراميل



ملاحظة : هذه التحلية من صنعي ولم يتم إقتباس الوصفة بأكملها من أي وصفة أخرى فقط الشكل موالفين نشوفوه في محلات حلويات والوصفة من تركيبي
نتمنى تعجبكم حبيباتي


المقادير بسيطة والطريقة أسهل ( لكن اسمحولي ماصورتش الخطوات وبعض الصور راحولي بالخطأ )

بسم الله :

مقادير العجينة :

150غ مارغارين طرية + 100غ سكر ناعم + رشة ملح +1 صفار بيضة +رشة خميرة الحلوى + م ص فاني + فرينة نلم بيها العجينة //// نخليها ترتاح 20د في الثلاجة // ندهن لي مول نتاع الالمنيوم بالمارغارين ونلبسهم بالعجينة ونسويها مليح ونثقبها بالشوكة حتى نكمل كمية العجين ونحطهم يطيبو على 180° يحمارو من تحت ونخرجهم يبردوا مليح باش ننزعهم من لي مول ونحطهم بجنب


تحضير الفلون :



نحتاج باكي فلون نوارة ذوق كراميل (عوضت الفلون في بلاصة لاموس وجيلاتين ووووو ، وكذلك حبيت نبسط فيها)
2 كؤوس حليب بارد
1 م ك سكر
2 مربعات صغيرة شوكولا
1م ص نيسكافي ( نذوبها في حليب دافي قبل مانخلطها في الحليب والفلون)
1 م ك نشا نحلطها ونحلها مع 3 م ك ماء بارد

- في كاسرونة حطيت الحليب والفلون + السكر + شوكولا + نيسكافي مذوبة ونحركها فوق النار مع التحريك المستمر حتى يغلي الحليب ، مبعد نلوح النشا المحلل في الماء ونبقى نحرك حتى نتحصلو على سائل يكون شويا خاثر
نحط الخليط في مول السيليكون ونخليه يحكم روحو شويا ونحطو في الثلاجة عادي حتى يجمد (( مول السيليكون لي استعملتو نصف كرة حجم كبير )) وكل وحدة واش متوفر عندها

والآن نوجد تاغتولات
نحتاج ( نيسلي كراميليزي + شوكولا مقطعة أي نوع متوفر عندك )



نحط نيسلي في التاغتولات ونزيد الشوكولا مقطعة
ونجبد الفلون بعد مايكون جمد وننزعو بالشوي من سيليكون ونحطو فوق الحبة




التزيين حسب الذوق وتقدري حتى تغلفيهم بالشوكولا ذايبة (انا درت لاجولي + كاكاو اسود )

هاهو شكل النتيجة النهائية عند التقديم تحلية بسيطة ومتواضعة وتحمر لوجه خاصة لخدود //// نتمنى تعجبكم

[ام احمدي]

راااااااااااااااااااااائعة يسلمووووووووو حنونة
وهدوك الوردات كيفاه شكلتيهم كل مرة تخرجيلنا بحاجة فووووووووووووور

[ام محمد78]

روووووووووووعة
مبدعة اختي ladymillion

[ladymillion]

المشاركة الأصلية كتبت بواسطة ام احمدي

راااااااااااااااااااااائعة يسلمووووووووو حنونة
وهدوك الوردات كيفاه شكلتيهم كل مرة تخرجيلنا بحاجة فووووووووووووور

أم احمدي الوردات هاذوك ساهلين ذوبت شوكولا عادي وحطيتها في لابوش وقصيت لبوش غير شويا باش تخرجلي خطوط رقيقة واستعملت مول السيليكون نصف كرة حجم صغير قلبتو ورشمت الوردات على النصف كرة وحطيتها تجمد ونزعتها برفق وزينت بيها . بوركتي حبيبتي هذا من ذوقك


مشكووووووووووورة ام محمد

[طالبة النجاحْ~]

روعة يعطيك الصحة

[ام سراج وملاك]

روووووعة ليدي مشكووووووورة على الوصفة الرائعة

[ارزاق]

يعطيك الصحة عجبتني الوصفة باينة اممممم وعجبوني كثر هدوك البوبيات هههههه

[ام اماسي]

هاااااايلة الوصفة

[um alaa]

دائما متالقة بارك الله فيك

[هالة اسماء]

روووووووووووعة ما شاء الله

[lyzzabel]

روووووعة ،، فيييييييلم ،، مانيفييييييك ،، فنتااااااستيك ،، تححححححفة هههههه واش نزيدك تالمون عجبتني كتبت اول كلمات جاوني في بالي ،، يسلمو يدييييييييييك

[ladymillion]

تسلمواااا حبيباتي نورتوا موضوعي
ليزا ههههههههههههههه بزايد يكفيه وبزاف عليه هههههههههه
بارك الله فيكن

[أم محمد تاج]

وااااااو ووواااااااوووووو وممممممممممم ووووو مممممممممممممممممممممممممم والله بسيطة وراقية وتححححفة
شعرة شقيت لداركم كون ماحطيتيهاش ههههههههههه
تسلمي يالحبيييبة

[ladymillion]

أم محمد الله يسلمك بالحبيبة ولوكان شقيتي وشرفتينا مرحباااااااااااااااا بيك حبوبة

[tokio hotel]

فناننننننننننننننننننننننننننننة اختى ليدى يعطيك الصحة