ادخلو رجاءايا بنات الاغواط وحراير الجزاير الكل

[ذات النورين]

السلام عليكم ورحمة الله
كيفكم يا الحراير بخير
راني نحوس على بنات الاغواط. خصوصا وممكن اي وحدة تقدر تفيدني ما تبخلش عليا
لاني عييت تاع الصح
غير كيما. انتقلت الى مدينة الاغواط نسكن ماشاء الله ناسها طيبين ولكن فيها الغبار ياسر يعني مهما نمسح ونغسل نضرب طلة بعد لحظات وتيتي تيتي مثل ما رحتي مثل ما جيتي هههههههه
فكيفاش راكم تعملو يا بنات. الاغواط لقيتو حل
وزيد راني كاريا مؤقتا راجلي راه. يبني ومازاااال ماخلصت الدار وما نحكيلكمش على الكوارث لي لقيتهم وين كريت بحكم انه ريتشوصي في الطابق الارضي كل انواع الحشرات وجدتهم ههههههه
وشنيت حربا.دامية. عليهم بقالي غير لقرلو ما حبش يروح سييت. كلش والومصر يقعد ههههه وهذه مشكلة اخرى
وبالنسبة للمحلات قصدي الاواني والملابس المخير وينهو واين يقع افيدوني من فضلكم
وكثر خيركم مسبقا

[مجنونة بحبكم]

السلام عليك اختي والله راني حسيت بيك حنا تاني عندناهاد المشكل في غرداية ماعليك غير تصبري ماتكثري التحف والمابل و.....لانها تتعبك حوول غلق النوافد وضعي ذلك الجوا الدي يمنع دخول الهواء كان الله في العون

[FATIMANOOR]

السلام عليكم اختي الكريمة
بالنسبة للحشرات كاين واحد الاكياس صغار لونهم اخضر توع غبرة سمحيلي نسيت الإسم شريتهم من عند كنكايري فالمقام و الله قعام كامل ما شفتش قرلو
و بالنسبة للغبرة كامل رانا نعانو منها حلي تواقي بدلي لهوا و عاودي صكريهم و النقا دايماً و راك و خلاص