هل مسموح للمتربص بالدراسة

[walid.milano]

هل مسموح لشخص نجح في مسابقة وهو في حالة تربص هل يعطى له 4 ساعات بمزاولة الدراسة

هل يخول لي القانون تغيب 04 ساعات من أجل الدراسة علما أن التخصص ليس نفس النشاط الذي أزاوله.

انا الان نجحت عون ادارة وراني ادرس ماستر تخصص خارج تماما عن الادارة

[toulay]

سلام عليكم
يا اخي من حقك تقرا وتخدم نمدلك مثال يقراو معاي وحدين يخدمو وفي نفس الوقت يقراو وتاني قراو معاي وحدين كانو يقراو فالمعهد والجامعة في نفس الوقت
لكان خايف يديروك exclu فالجامعة بسبب الغياب متخافش راهم يهدرو برك ومايديرو فيها حاجة
نصيحة من عندي متسمحش فالماستر لانها occasion كاينين وحدين يتمناو باش يقراو بصح الله غالب
كمل ماستر واقرا مليح فالفصول ومتخممش بزاف راهو كل شيء يفوت ومتبقاش تقول راني نعيا وووووو
courage برك
بالتوفيق

[walid.milano]

المشكلة الان راني متربص في العمل هل يحق لي 4 ساعات دراسة في الاسبوع

[toulay]

ومبعد من حقك تقرا وعندك كيما قلتي le droit تاع 4 ساعات
صدقني يا اخي او كل شيء يفوت خفة وانت راك تقلق في روحك وتخمم باطل اخطيك من التخمام
كيما قتلك la fois passée تقدر تعوض مع les autres groupes على حساب الخدمة تاعك و en plus كاين للويكاند تاعهم خميس وجمعة بصح السبت يقراو وهاذي مليحة ليك لانو السبت راح يكون عندك le vide متخدمش معناها راح تفوتو تقرا
وتاني راني مديتلك un exemple على وحدين يقراو ويخدمو في نفس الوقت
خلاص درك انسى هذا sujet لانو كون تبقى تخمم فيه يوليلك cauchemard بعيد الشر
بالتوفيق وربي يسهل ان شاء الله

[بوسماحة 31]

من قانون الاساسي العام للوظيفة العمومية

المادة 87 : يخضع المتربص إلى نفس واجبات الموظفين ويتمتع بنفس حقوقهم، مع مراعاة أحكام هذا القانون الأساسي.

المادة 208 : يمكـن الموظــف، شريـطة تقديــم مبــرر مسبــق، الاستفــادة من رخــص للتغيــب دون فقدان الراتــب في الحالات الآتية :
- لمتابعة دراسات ترتبط بنشاطاته الممارسة، في حدود أربع (4) ساعات في الأسبوع تتماشى مع ضرورات المصلحة، أو للمشاركة في الامتحانات أو المسابقات لفترة تساوي الفترة التي تستغرقها،

وتبقى فقط تفاهمات...... مع رئيس المصلحة أو المسؤول المباشر عليك....وأصدقاء العمل...
يمكن من رئيس المصلحة أن يساعدك حتى بيوم كامل .....أو أكثر .......حسب الادارة....