مساعدة

[مشكلتي]

السلام عليكم و رحمة الله


ما علاباليش اذا اللي را ح نقولو مشكلة ولا واش المههم حابة نصايحكم

عندي اربع اشهر زواج و الحمد لله متفاهمين و كل شسئ طبيعي بيناتنا من اسبوع زوجي سافر لفرنسا لكن حاسة نساني راح هاذاك الحب و الشوق ما


يعيطليش عيطلي مرة وحدة قلت بالاك ما عندوش و لا ظروف المهم التمست شحال من عذر مي كي عيطالي قالي راني لباس و قاعد يحكيلي على صاحبو قالي


كل يوم نعيطلو غاضتني روحي و بلعاها ما قلت والو ايا بعثتلو مساجات فالفايسبوك اللي حهولي زعما باش نهدرو بيه كي يروح مي يشوف بلا ما يرد حاسة


روحي وحدة تافهة و صامتة هو يحوس وانا قاتلة روحي عليه مي الله غالب ما نعرفش نكذب اذا حبيت اي واحد يبان عليا ما فهمتش الزوج يكره هاذ العقلية ولا


يكره الاهتمام مانيش عارفة كيفاش نتعامل معاه


جماعة الخير انصحوني خاصة المتزوجين

[نورسين.داية]

يعني أنتي تريدين أن يهاتفكي كل دقيقة مثلا .......؟؟؟؟؟ آو يخسر لزنتي .............

نقولك حاجة ألغي رقمه من هاتفك ......و لما يعودلك قليلو شكون معايا ما عرفتكش .......مليحة هاذي

[nihal159]

ما قلتيلناش أختي راح سياحة أم عمل؛ إذا كان سياحة علاش مارحتش معاه؟؟؟؟ وإذا كان عمل علاش ماخدملكش أوراقك و أخذك معاه؟؟؟؟؟
صراحة أربع أشهر زواج يعني قمة الحب و العواطف؛ كيفاش مايسقسيش عليك؟؟؟؟؟ يعني عندو وقت يحكي كل يوم مع صاحبه وأنتِ ماعندوش الوقت أو المال باش يحكي معاك؟؟؟
هناك نقاط ضل كثيرة في مشكلتك.
أختي مانحبش نوسوسك لكن غلطتي كي تركتيه راح وحده؛ وماتغلطيش روحك ماكانش رجل مايحبش مرتو تبينلو حبها و اهتمامها.

[zalamite]

عادي ادا كان اول مرة يسافر او اول مرة يرو ح لفرنسا اكيد الانسان راح تديه الحالة تما و يبقى لاتي يكتشف و الوقت يجوز عليه بسرعة لاداعي للقلق و الوسواس هده حالة تصرى بزاف و هي لاتعني اطلاقا ان راجلك ما يحوسش عليك او انه ما يحبكش .

[blanche rose]

أيتها العروس الجدييدة
جننك الشوق لزوجك

حبك يجعلك تتمنين أن يكون معك في كل لحظة
يا اما أمامك يا اما الهاتف مفتوح 24سا على 24سا
المهم تشوفيه وتسمعي صوتو..

بصراحة احترت بماذا أنصحك..
هو في الحقيقة لم ينساك لكنه مازال مشتاقا للعزوبية وهذا ما يدل عليه حديثه عن صديقه ..

مرة أخرى لا تتركيه يسافر وحده
أنا شخصيا لا أستطيع تخيل زوجي وحده في دولة أخرى بعيدا عني.

أنا ضد ابتعاد الزوجين عن بعضهما
يوم..يومين..ثلاث .. لكن في نفس البلد.. ربما
لكن خارج البلد لأيااام..هذه صعبة ..

واصلي مراسلته
عبري عن شوقك
واملئي فراغك بقراءة كل مفيد
في الفايس بوك انضمي للصفحات الدينية.والثقافية والصحية ..الخ

فسيرسلون لك معلومات راااائعة..

املئي وقتك وإلا سيجننك الشوق حبيبتي
وزوجك يحبك ..
أتريدين أن يتعلق بك أكثر؟؟
تقربي إلى الله أكثر

ربي يسعدك

[طيور الجنان]

اختي اقراي الخير
اذا راح عمل مافيها والو مايقدرش يديك خاصة اذا كانت ظروفه بعد العرس راكي علابالك و في العمل ماش راح يعطيوه اموال طايلة يعطوه فقط قد مايحتاج هذا هو الاصل.
ممكن صاحبو يعرف فرنسا مليح و يعيط يستفسر منو على الاماكن اللي ممكن يروحلهم.
اختي بينيلو و قوليلو مافيها ماوالو هكذا مايكررهاش مرة اخرى و ربي يهنيك انشالله.

[thorpe]

الاهتمام لا يطلب
الله يسهلك امورك

[أم عبد الكريم]

و الله تحيري في الرجال هاذو كي متكلميهش يقولك ماكيش مهتمة و كي تكلميه كل دقيقة يقولك خنقتيني ....كلميه بالهاتف مرة او مرتين في اليوم للاطمئنان عليه و اشغلي نفسك او روحي عند اهلك هكا ميكونش عندك الوقت و خليه هو لي يرجع يكلمك فيك و يحوس عليك

[blanche rose]

المشاركة الأصلية كتبت بواسطة أم عبد الكريم

و الله تحيري في الرجال هاذو كي متكلميهش يقولك ماكيش مهتمة و كي تكلميه كل دقيقة يقولك خنقتيني ....كلميه بالهاتف مرة او مرتين في اليوم للاطمئنان عليه و اشغلي نفسك او روحي عند اهلك هكا ميكونش عندك الوقت و خليه هو لي يرجع يكلمك فيك و يحوس عليك

الراجل ما يحبك تخنقيه ما يحبك تبعدي عليه
يعني نص نص ..
اهتماااام معتدل
ولازم تشغل روحها خصوصا إذا ما تخدمش لبرا..

[أم سلوى]

احسن شيئ تشغيل نفسك بقراءة القرآن..هكذا يكون لك الأجر والراحة...
الرجال فيهم عقليات مختلفة يعني. اشحال مزال تكتشفي..الكثير....وانت امراءة النساء تتحمل الشقاء والبعد...والسماح

يعني التضحيات كلهم من عندك..و سعي بالك...واتركي له الحرية ....
بالتوفيق لكما...