راني مفتون

[فريد2014]

السلام عليكم

والله رانا في زمن فتنة سبحان الله

تشغل التلفاز ترى أمرأة متبرجة

في النشرة امرأة سافرة

في الاحوال الجوية امرأة

تغلق التلفاز وتخرج للشارع تنضر الى الامام النساء بالجملة

تدير وجهك وتغض بصرك نحو اليمين امراة

تستغفر وتدير وجهك نحو اليسار امرأة

تنضر الى السماء كدلك في العمارات امراة تنشر الغسيل او تتفرج على الشارع

تدخل محل او تدهب لتستخرج اوراقك امرأة

وين تروح كاين النسا

أنا لست ضد وجود المرأة

بصح والله بزاف عليكم فتنتمونا عن ديننا والله لم نعد نقدر على غض البصر

لم أعد أقدر ان اضبط نفسي على النساء الله غالب وزيد راهم يلبسوا لبسة طايحك ko

الضربة القاضية معندك ما تزيد تنوض موراها

مؤخرا فقط قطعت علاقة مع فتاة لانني احاول ان اتوب من العلاقات المحرمة بصح ما قدرتش

والله النساء راهم يتبلاو عليا وانا عبد ضعيف وقد جعل الله في نفسي حبا للنساء

قطعت كل العلاقات مع الفتيات لانني اريد ان اتزوج واخاف ان اسقط في فتاة قد اقامت علاقات من قبل

صحيح انني اخطأت واقمت علاقات مع فتيات بصح الله غالب انا انسان ضعيف ورانا عايشين في وقت تاع فتنة

انا ماشي صحابي جليل راني نهدر من قلبي تعمرت ومقدرتش

المشكلة انا نفسي ضعيفة وماعنديش باش نتزوج عندي غير مكتوب قليل وجبيت نخطب بصح قاع راهم يتشرطوا

واللي نروح نخطبها تتشرط عليا عندي غير 20 مليون ونسكن مع والديا

راني رايح نهبل مقدرتش نتحكم في نفسي ومكالاه تقوقلولي صوم لانني جربت نصوم وما سلكتش

يارب فرج علي وارزقني زوجة صالحة

[فريد2014]

ونزيدكم حاجة انا تاجر

والتجارة مع النساء فيها صوالح ماكانلاه نهدروا

غي خلو البير بغطاه

لم اعد اتحمل لهذا اخرجت ما في قلبي هنا راني رايح نطردق

[مريم الصابرة]

السلام عليكم
والله هذي مليحة هذي قالتلهم إرقدو حبيت يا خويا ننسخطو يعني تنوض تلقى غير الرجال لازم حنا ضرك نموتو قاع باه نرضوك واشبيك خويا لو تعرف ربي وباغي توب ما تاثر فيك حتى وحدة وراك قلت باللي بغيت توب معناها موالف الأامور هذي يا خونا العيب راه فيك ماراهش فالنسا علاه المرا قاتلك دير علاقة معايا بالسيف لو كل اللي راهم متدينين خمو كيما إنت يتوبو لما يموتو كامل النسا لو كامل قتلونا علاه يا خويا ما فهمتكش إنت موالف بالعلاقات وموالف بالنسا وضرك بانلك المشكل فيهم
فهمني علاه ما قدرتش تغض البصر نقولك علاه لأنو إنت تحب النسا لو ما تشوفش فيهم شوفة خاطية تفوت عادي وما علابالكش مهما تلبس خونا المشكل فيك روح ريقلي روحك وتوب
الله يهديك مزية الموت بيد ربي
شكرا

[ولد حمد الباتني]

قال الله تعالى
" ألم تكن أرض الله واسعة فتهاجروا فيها ..."
خويا خفت على دينك وتفتنت والمعاصي والذنوب ووو هز الكابة وروح عيش في أدرار ولا تندوف والله الذي لارب سواه ماتشوفش مرا
أما تبقاو فالمدينة الباهية والخدمة والتحواس والجو وو وتقولو معاصي وتشكيو وماقدرناش وو فلا
ماتتمسخروش بربي سبحانو ، والله لا يكلف نفسا الا وسعها، وماكانش حجة أمام الله عز وجل يوم القيامة وقد قال :
" ألم تكن أرض الله واسعة واسعة فتهاجروا فيها ..."
كلامي ثقيل عليك ولكن هذا هو دين الله عز وجل ....

[الفولاذ الحي]

السلام عليكم
لقد لحظت في كثير من مواضيع حول التبرج هو ارجاع كل سلوكات الشباب السيئة الى المرأة فقط وكأن شباب غير مسؤوليين (مساكين)
بداية هناك نقطتيين اساسيتين
1- الحجاب هو فرض على كل فتاة -2/المراة هي فتنة الرجل و لكن. هذا ليس سبب لتبرير المعاكسات و التحرشات
1/COLOR-حتى الفتيات متحجبات حجاب شرعي يتعرضون للمعكسات
2-شخصيا و الله و الله و الله لم اعاكس فتاة في حياتي رغم اني درست مع فتيات يلبسن jeans slim لكن انا متربي و متخلق و لدي شخصية و عقل سوي اميز بيه بين الحلال و الحرام ....سوال ها انا حالة خاصة ام اني من المريخ

3-الاسلام موجه للعقلاء و اقوياء الارادة و ليس لمرضى القلوب و ضعاف الشخصية فعندما يري شعر فتاة يصبح مثل المجنون كأنه اول مرة يرى امرأة في حياته ظاهرة عجيبة
4-نلاحظ معاكسة فتيات غير غير جميلات اعتذر 1/10 علامة جمال ( لا جمال الوجه /لا جمال الجسم/ و لا جمال اللباس) لكن مرضى القلوب لا يهمه ذلك المهم امراة و فقط مثل الحيوان يخضع لغرائزه............................اه تذكرت العطر هو السبب لدرجة ان مرضى القلوب غير قادرين على تحكم في سلو كاتهم و لماذا انا العطر لا يفتنني??????
5-لنفترض ان العطر لهذه الدرجة يفتن و هل انت ليس للك عقل و ارادة لتتحكم في سلوكك ام تريد ان تقول لي ان الفتاة و ضعت سكين على رقبتك لتجبرك على معاكستها عجب العجائب
6-الاساس هما التربية و الاخلاق و الدين و الا حسب تفكير كثير من الاعضاء فكل من يدرس في الخارج او يعمل في اوروبا او امريكا يقومون بزنا و المحرمات و معاكسات النساء ليل نهار الاجابة لاﻻو الف لا لان المربي يبقى مربي

7-حسب تفكير كثير من الاعضاء معاكسة الشباب(مرضى القلوب) للفتيات هو سلوك سوي و عادي وطبيعي و الخطأ كله يأتي من الفتاة

ولصاحب الموضوع هل كل النساء في الشارع او في الادرات و في اي مكان هن جميلات و صغيرات في السن فقد تجد نساء في 20 و في 40 و في 60 ....الخ و اظن ان نساء في 50 لا يفتنون شاب في العشرينات

[سجل أنا جزائري]

طرح تاعك ضحكني رغم أنو ما تقولوه صحيح وين تروح تلقى نساء بكل أشكال يتفنن في اظهار مفاتنهن و كامل رجال اللي عندو ايمان في قلبو يعاني من فتنة هذي حتى بالمتزوجين

الرسول صلى الله عليه و سلم قال ما تركت على أمتي من بعدي فتنة أضر من فتنة النساء

لكن واحد لازم يصبر و يقوي ايمانو و يحاول يعفي نفسو

يقول الله وهو أصدق وأعزّ القائلين: {وَمَن يَتَّقِ اللهَ يَجعَلْ لَهُ مَخْرَجًا * وَيَرزُقهُ مِن حَيْثُ لَا يَحْتَسِبُ}

ربي يجب الخير ان شاء الله هذا وش نطلبو

[سارة نورر]

قلهآ وآنت سآجد

اقرب مايكون العبد الى ربه وهو ساجد:



تريد زوجة محبة



قل وأنت ساجد :

(ربنا هب لنا من أزواجنا وذرياتنا قرة أعين و اجعلنا للمتقين إماما)

[كلنا راحلون]

اسمحلي خويا نتا عضو قديم معانا ومعذور غيرت عضويتك

عندي تعقيب ماعجبنيش

المشاركة الأصلية كتبت بواسطة فريد2014

السلام عليكم

كدلك في العمارات امراة تنشر الغسيل او تتفرج على الشارع



احاول ان اتوب من العلاقات المحرمة بصح ما قدرتش

قلتها بنفسك تنشر ملابس وانت تنظر الى متزوجة سمحلي

توبة مفتوحة وماتدرش لوم فيهم شخصيا انظر الى فتاة متبرجة بتقنية hd نظارات شمسية





هل درست علم تناقض

المشاركة الأصلية كتبت بواسطة فريد2014

السلام عليكم








لانني اريد ان اتزوج واخاف ان اسقط في فتاة قد اقامت علاقات من قبل .......................تزوج وتتشرط خاطيها ومادا عنك وماضيك

صحيح انني اخطأت واقمت علاقات مع فتيات ..............................حابها سلفية عفيفة لا تشاهد تلفزة ياو راك تحلم



باش نتزوج عندي غير مكتوب قليل وجبيت نخطب بصح قاع راهم يتشرطوا .............ههههههههه يكذبو عليك مرن عقلك

واللي نروح نخطبها تتشرط عليا عندي غير 20 مليون ونسكن مع والديا .......................شكون متبرجة ولا عفيفة



ارزقني زوجة صالحة

سمحلي كسرت كما تدين تدان ولي رد2 باه نساعدك

خايف متواجدين يحزمو حقائبهم ويخرجو من كوكب جلفون خطي خاوتي لازم نساعدوه حرام مسكين

رد2في مساء مو هلا مو هلا





على فكرة انت تعجبني كونك صرحت نقطة ضعفك ساهلة مزية ماكنش عدويا في حياتي يومية

[كلنا راحلون]

المشاركة الأصلية كتبت بواسطة سارة نورر

قلهآ وآنت سآجد

اقرب مايكون العبد الى ربه وهو ساجد:



تريد زوجة محبة



قل وأنت ساجد :

(ربنا هب لنا من أزواجنا وذرياتنا قرة أعين و اجعلنا للمتقين إماما)

هو يقول لا اريد صيام فمعنى واضح وتوبة مفتوحة

[الألماسة]

المشاركة الأصلية كتبت بواسطة ولد حمد الباتني

قال الله تعالى
" ألم تكن أرض الله واسعة واسعة فتهاجروا فيها ..."
خويا خفت على دينك وتفتنت والمعاصي والذنوب ووو هز الكابة وروح عيش في أدرار ولا تندوف والله الذي لارب سواه ماتشوفش مرا
أما تبقاو فالمدينة الباهية والخدمة والتحواس والجو وو وتقولو معاصي وتشكيو وماقدرناش وو فلا
ماتتمسخروش بربي سبحانو ، والله لا يكلف نفسا الا وسعها، وماكانش حجة أمام الله عز وجل يوم القيامة وقد قال :
" ألم تكن أرض الله واسعة واسعة فتهاجروا فيها ..."
كلامي ثقيل عليك ولكن هذا هو دين الله عز وجل ....

[ولد حمد الباتني]

المشاركة الأصلية كتبت بواسطة الألماسة

شكرا الالماسة ..

[biologie2001]

انت تقول انك اقمت علاقات كثيرة و الان تريد الزواج و تخاف ان تكون من تختارها قد اقامت علاقات قبلك .... في هده الدنيا تاكد انه كما تدين تدان و ان نصفك الثاني سيكون بنفس اخلاقك فالطيبات للطيبون

[loufa]

ربي يفرج عليك ويلوحلك بنت الحلال

[eBusiness]

واش نقولك أخي الكريم، بنات من كرتون، إن أنت طلبتها لعلاقة غير شرعية تخرج معك وتسافر معك دون أن تطلب منك شيئا بل هي في الغالب من تدفع تكاليف الفندق والرحلة أما إن طلبتها في الحلال فهي نفس الفتاة لكنها تطلب الملايين، بإختصار أغلب بنات اليوم يسهلون عليك الحرام ويصعبون عليك الحلال ومن يقول العكس فهو لا يعرف شيئا عن حقيقة بنات الكرتون والأخ أقر وإعترف بأنه أخطئ وهو أقر بحقيقة لا بد من عدم تجاهلها وهي أن الكثير الكثير وليس كل بنات اليوم يتعمدن عرض أنفسهن وأجسادهن على الشباب والكثير الكثير من الشباب يقع في الإثم، على كل حال كلا الطرفين مذنب في أمر مثل هذا لكن لنكن صادقين بنات اليوم أغلبهن يصلحن لكل شيئ إلا للزواج والسلام عليكم ورحمة الله تعالى وبركاته يا أكابر

[nari21]

والله ياخي انت لي نفسك ضعيفة وبزاف لخاطر كان جيت تقيل كان هدا الصوالح كامل يبنولك نورمال بصح انت حتى وتتزوج في ميزاك راح يحبسو النسا ميخورجوش ولا ينقارضو الله يهديك ويفرج عليك ويرزقك ببنت لحلال والله مشكلتك اضحك انت ماشيت مع بنات راح يديوهم رجال ورك خايف تدي واحدة ماشو معها من قبل ماهدا التنقض اخي