بقعة زيت هل من حل

[املي في ربي]

السلام عليكن
عندي مشكلة ان شاء الله نلقا الحل عندكن
عندي جلابة شريتها غالية توشاتلي بالزيت عندها مدة هل من حل بقعة كبيرة

[قطوفها دانية]

vanishe مجرباتو رشاشة بخاخ ترشي على البقعة وواحد ربع ساعة تغسليها هايل وردي هو

[.ام زكرياء.]

اختي احنا نغسلو هاديك القطعة تع الزيت باصابون الطرف ولا يولو صابون الحجرة ونخلوها تريح ونشلوها مجربة
ولا ازبس تع الماعن تان مجرب
واخر حل الفليت او الفليطوكس وو ينفع حتى مع بقع الحبر وهادو كامل مجربتهم انا ونفعوني الحمدلله

[amira19]

صابون حجرة ضربة ضربة خليه فوق كل البقعة و مبعد حكيها مليح

[حور2]

عن تجربه رشي طالك الاطفال وخليها ليلة كاملة والصبح انفضيها فقط من غير غسل

[أم محمد علي]

أختي عن تجربة
تبعيني مليح
الجلابة تكون ناشفة مليح
والصابو ن حجرة شمخيه وأطليه في مكان الزيت وخليه في الشمس ينشف مليح ثم أغسليها
جربيها ورجعيلي الخبر
ماكش كما صابون حجرة في بزاف أمور

[raghado]

صابونة الطرف على البقعة ومن بعد اغسليها

[peggy1980]

خذي صابون الحجرة وشمخي مكان البقعة وحكي عليها الصابون مليح ثم حطيها تنشف ثم عاودي اغسليها بالماء

[lina1986]

ديري طالك الأطفال على الثوب مباشرة طريقة مجربة وناجحة

[**أمة الرحمن **]

ديري isis ولا test المهم سائل غسل الأواني مجرب و فعااااااال و جربي معاه صابون الطرف ان شاء الله تروحلك كوني متهنية

[achrafwac]

خذي صابون الحجرة وشمخي مكان البقعة وحكي عليها الصابون مليح ثم حطيها تنشف ثم عاودي اغسليها بالماء

[crono]

نأخذ قطعة من الصابون و في القليل من الماء الساخن ثم نأخذ الملابس الملطخة بالزيت ونقوم بتمرير الصابونة المبللة على بقعة الزيت حتى يتغلغل الصابون في انسجة ثم نتركها مدة 4 ساعات أو أكثر ثم نقوم بغسلها بطريقة عادية
- هناك طريقة اخرى دائما استعملها لكنها تخفف من بقع الزيت وهي استعمال الفرينة وبواسطة اليد نفركها قليلا على القماش أو الملابس أو غطاء الطاولة ونتركها بعض الوقت حتى تمتص الزيت ثم نغسل بطريقة عادية.

[أم عبد الكريم]

انا نستعمل صابون الجحرة نبللو بشوية ماء و نحك البقعة حتان تبياض نخليها تنشف من بعد نغسلها عادي

[crono]

تمممم الرد