الرقاق من يد امي ح ق

آسيا 27 · 2016-04-09, 18:41

[IMG][/IMG]

مسا الخير
اليوم جبتلكم حاجة من من تحضير امي هي طيبتها وانا صورت كالعادة خخخخخخخ
الرقاق هو كامل الناس تديرو مي تختلف التسميات كاين اللي يسميه شخشوخة و كائن اللي يسميه ثريد و كل واحد وكيفاه يطيبلو المرقة حمرا ولا بيضا
المهم كثرت الهدرة انا جبتلكم العجين كيفاه يطيب
باسم الله
العجين فيه كمية سميد رطب شوية ملح و ماء و من بعد الى العجان يتعجن مليح و اذا شفتو العجين يابس زيدو مرة على مرة رشة وانتما تعجنو حتى يدير فقاعات تاع هوا
ااااااه نسيت البتران ماشي الكهربائي امي راهي تقول هاذا ههههههههههه علابالي بلي يعجبكم الحال

اقتباس:

[IMG]

[/IMG]

من بعد خلو العجين يريح شوية و شكلوه كريات صغار على حسب الطاجين و لا الحاجة اللي رايحين تطيبو فيها و خلوه يريح مرة اخرى باه يساعدكما كي تجو تحلوه ورقات بالزيت
طريقة التشكيل رايحة نشرحها بالصور :
[IMG]

[/IMG]

[IMG]

[/IMG]

[IMG][IMG]

[/IMG][/IMG]

[IMG][IMG]

[/IMG][/IMG]

[IMG]

[/IMG]

[IMG]

[/IMG]
شوفو شحال رقاق و مافيهم ولا تقب انا كي نديرو يجي كي الخريطة تاع موزمبيق

خخخخخخخخ ما خرجتش لماماتي حبيبتي

[IMG]

[/IMG]

[IMG]

[/IMG]

راني كملت الحمد لله مركز التحميل هبلني

يالله موضوعي ماشي باطل

اللي تدخل تحط دعاوي الخير لامي و ابي ااااااااه و عندي شرط في دعاوي الخير لازم يكونو من القلب ماشي اللي ما تفوتش السقف هههههههههههه

تحياتي ليكم جمييييعا
موااااح كبييييييرة باااااااي

[IMG]

[/IMG]

karimazaki · 2016-04-09, 19:27

الله يعطيها الصحة ويطولها في عمرها هذا هو تريد تاع للصح رقيق و الحبة قد اختها

جازيا ام البنات · 2016-04-09, 19:28

ماشاء الله عليك وعلى مامتك ربي يخليهالك يطول في عمرها يارب وادا مازال ماحجتش ربي يكتبلها حجة الى البقاع المقدسة هي وباباك وربي يفرحها بيك ادا مازال مفرحتش
نصيحة نعطيهالك من القلب بروفيطي تعلمي من ماماك ماكانش مدرسة احسن من الام قصدي الكوزينة وبالتوفيق

ام عبدو و ملاك · 2016-04-09, 19:29

اااااااااااااااااااااااااامممممممممممممممممم اسيا نموت عليها احنا نقولولها المفرمسة خرجتلكم تشهي ربي يخليلك اميمتك ويشدلك فيها

oum islem · 2016-04-09, 19:29

ح ق هي رموز اسم ماماك ولا الكنية تاعها خخخخ ؟.؟؟؟
ربي يخليلك ماماك وباباك حبايب قلبك ويفرحهم بيك وبوليداتك ويرزقهم زيارة الكعبة ويكونو من اهل الجنة يارب

يسلمو يدين الغالية الحرة بنت لاحرار ما شاء الله مسمن وعليه الكلام
ويستاهل 6 نجوم مش 5
ويعطيك الصحة انت كي تفكرتينا وصورتي وحطيتي الموضوع ان شاء الله يستفادو منو البنات

أم محمد تاج · 2016-04-09, 19:36

ماشاء الله ولا حول ولا قوة الا بالله العلي العظيم تبارك الرحمان في ذوك اليدين وذيك الخدمة المتقونة ربي يحفظهم ويحفظلك ميمتك وباباك يارب هاي ليك دعوة من صمصوووم صمصووووم قلبي

الرجاء الاماني المجد · 2016-04-09, 19:38

يعطيها الصحة اسيا ربي يحفظهلك بصح انا لوكان نقعد 100 سنة مندريش هدا الرقق الله يبارك تحفة

hawa19 · 2016-04-09, 20:03

يعطيها الصحه ماماك و ربي يخليهالك هي و باباك و يطول في عمارهم و يخليهم لبعضاهم مفرمسه و عليها الكلام الله يبارك الله يبارك نتاع حراير لا ثقبه لا حاشيه قوليلها راكي حره الحراير و ربي يعطيك صحتك
انا كي نديرها امي ظل تعيط على الحواشي

oum anouar · 2016-04-09, 20:10

ما شاء الله روعة روعة خدمة متقونة تاع الصح ربي يحفظلك لميمة

فايزة1207 · 2016-04-09, 20:29

ربي يحفظلك والديك اختي
امك فحلة ونص و25

x ام رحاب x · 2016-04-09, 20:35

ماعندي مانقول غير ماشاء الله تبارك الرحمان فحلة وانجبت فحلة مثلك الله يحفضالكم من كل سوء وان شاء الله ربي يكتبلهم حجة في بيت النبي تسلم ايديها وبوسيلنا راصها في بلاصتنا يالعزيزة