خـــاوتي تـعيشو اذا فــهمتو فــهموني قبل ما أجــن ؟؟

[ألم بلا أمل]

بــداية الـسلام عليكم اخـوتي
مـا رأيـت منـكم صـراحة مـن احـساس بـالآخـرين و صــراحة بـالرأي يــجعلنـي أضـع بين أيــديـكم حــكايتـي قــبل أن أصــاب بــالجـنون لأنـي حــقا لم أفــهم شــيئ و الــيكم :
طـول عـمري ضـد العلاقات و اخترت خـطيبي بـطريقة يـقولو عـليها تقـليدية و قلت عليها تـرضي ربـي .... اتـخرجت من الجامعة واشـتغلت و الـكل يـشهد بـأخلاقـي و الـحمد الله اتـقدملي لأنو يـعرف عايلتنا و أخـلاقي و طلب رؤيـة شرعـية و بالـصدفة طـلع خويا صـديق خـوه الملتزم المتدين وافقنا و تمت الرؤية و أمــلى عــلي لائـحة الـممـنوعات و قــبلت لأني بـطبعي تـربيت على الـحدود بكـلشي و اصر العرس بـعد شهرين رفـضت لأنـي ما نعـرفوش و فـعلا وافق و اتفقنا على شهر معين عـجبني الـتزامو و قـوة شـخصيتو و تـدينو على حسب كلامو .. بـعد الـخطبة كان قـليل وين يكلمني وبالعـكس فـرحت لأنو ملتزم و درنا فاتـحة و كـانت فـرحتو لا توصـف
و حـتى بـعد الـفاتحة كـان يـكلمني مـرة بالأسبوع في وقت محدد و في ساعة محددة و احترت يعني كأنو حاسب ليها عمرو ما عيط بـوقت آخـر اللـقاء هو اللي كان مـصر نتـلاقو قبل الفاتحة رفضت لقيتو بعد الفاتحة والو حـتى شـافني قـريب نـفضها مـعاه تـبدل شـوية و كنت دايما نحـسو مـخبي حاجـة و كـي نــصارحو يــقلي موسوسة وراكـي ذكية و أكبر من عمرك و افهــمو ؟؟ حبـيت نبـطل و كنت غير نبـكي بيني بين روحي و لعنت الشـيطان و قلت لا نقـربلو و نحـاول نفـهمو أيا تـصورو مـرضت و وصـلت لسبـيطار و هو ماعلابالـوش علا خاطر يعيط غير بالوقت و صارحتو و طلـيت الـفراق قلي عـندك حـق و سـاعفـيني ما عنديـش خــبرة في التعامل مع المرا _( للـعلم هو مـواليد 1970 ؟؟؟؟ و ما يعرفش يتعامل ؟؟ قـلت بالاك فارق السن 11 سـنة هو اللي خـلانا بـعاد و ديـتها في روحـي و قلت ماعليش نـقرب أنا خــاصة كي أصـر ما نتـفارقوش و وعدني يتبدل
تــلاقينا بــعد شــهرين من الفاتحة لاول مـرة و بــدا يتـغير و فــرحت
قـــرب الـعرس تبـدل كـل كـلامو و وعودو قـالي حـتى باه نـخرجو نـشر حوايج الـدار كـيما وعـدني رفـض و قال المـجتمع و لـوكان خـارج الـولايـة نـروحو اهـنا لا ؟؟ قالي حتى خاوتي واحد مايخرج مع مرتو و هـو لي كان يـقولي لازم نبنو دارنا و نخايرو مع بعضانا و راي 2 خير من 1 ؟؟؟كـذبت على روحـي و اتحـملت و بــصراحة كان مــقدرني لأبــعد حـد و عمرو ما غلط فيا مي كـان دايما يبق غير ينظر ليا و ساهي حتى قريب جنيت
كــمثال يــراقبني مـن بــعيد و يــشوفني بلا ما علابالي و ما يجيش يقولي حتى واش راك و صارحني بيها مؤخرا كي قتلو ماراكش مهتم ؟؟؟ مع انو متأكد من اخلاقي و هو اول واحد بحياتي
المـهم اتـفقنا نـروحو لـدارنا نهار العرس على خاطر هو عـندو دارو و من بـعد نـسافرو ولاية أخرى نـحوسو تــصورو هــو عــمرو ما حـكا معاي باللـيل و كــي جـربتو مــرة كــوبا عـليا و بالغد رد و ما لقاش سبة و قالي غلطة و فوتـيها و فاتت
قبل العرس بشهر قالي واش رايك نــروحو أي ولاية نــحوسو مي نــرجعو و ما نباتـوش و حــتى نهار العرس لازمـني نــوصلك و نـدي السيارة (سيارتو) و نـرجع تــشوكيت قـتلو علاه يـوصلنا واحـد و يـروح و انا نبق وحـدي في دار جديدة حـتى ترجع قال يرحم ربي
و تــغير و اصـبح كـيما رانـي حابــة مــهتم بيـا يــتصل غــيور يــخاف عــليتا و أكــثر و بـدا التحـضير للعرس اتـصورو مد الدار لصاحبو واجل العرس قال غاضني بعد يومـين رجـعها و طلب يبق العرس بوقتو قال راني دبرتلو هو دار ؟؟؟ و مافهمت والو و فــوتتها
آخر يوم بينا كـلمتو الصباح نــلقاه يــحكي غــير بــسرعة و مــخو ماشي معايا قلت بالاك من الخدمة جاني لعشية تــقول علــيه ماء يــغلي تــرجيتو يــقولي واش بيـه الـمهم فـي الأخير غير ساكت و يــخمم و حسيتو مخبي حاجة كبيرة مي رفض يصارحني كالعادة و قالي سلمي على الوالدة كالعادة و راح
بــعد يــومين كنت أمام الخياطة اتــصلت أخــتو و قاتـلي واش بيكم انت و ياه حـرت قلتلها عـادي قاتـلي راه لــقانا نــخدمو القاطو للــعرس زعـف و قال ما كان ماعرس ماوالو قاتلي راه مارهوش مليح
خــممت فيه ماشي في روحي و اتصلت بيه رفــض يرد من بعد سـاعة بعثلي مسج *** صباح الخير سامحيني راني كرهت روحي و كرهت العرس أنا واحد ما يستاهلكش سامحيني على واش درت معاك و ربي يسهل عليك ***
و رفض يـواجهني و خليتلو وقت و قلت بالاك زعفان و اتصلت بيه والو ما يردش و اتصلت بأختو قلتلها فهمني واش صـرا قاتــلي راه غيــر زعــفان و ما يتـكلم حتـى مـع واحـد من الـدار
المـهم اتـصل بيه خويا باه يفهم منو العرس بقالو شهر قالو -- أختك صبرت علي كثير و كانت معايا مرا ما شفت عليها غير الخير مي المـشكل في أنا و فض المـكتوب -- و بعثلي قلي *** سامحيني مــا نــيش حــاب نــظلمك أكـــثر مــن هـــكـذا ؟؟ راه المـشكل فيا أنا علابالي ربـي راح يــعاقبني مـي أنا واحـد ما يســتاهلكش *** و اطـــلقنا ؟؟؟؟
بـكيت و صـبرت و و لغيت كلشي و قلت بالاك ماكانش مرتاح معايا لقيتو متصل بيا بعد أسبوعين يـقولي كانت غلـطة و كنت برك قالق سامحيني و خلي كلشي كيما راه و خلينا نرجــعو رفضت حتى تنتــحاور مــعاه و رفضتو
عــدت مــدة طــويلة و ما نيش قادرة ننــسى و قلبي معــمر عــلى خاطر ماواجهــتوش بــواش دار مــعايا كامل و حاســة روحــي كل يــموت نـموت أكـثر قالولي راه اللي حاسب روحو مدين على علاقة غير شرعية مع واحدة مي ما صدقت ما كذبت و أكدولي كان خاطب و بطل وهما خبو علينا ؟؟؟و تــدينو الـتزامو للأسف كـذب في كـذب على علاقة بواحدة سبحان الله
فـــهموني زعــما عــلاش دار هــكذا تــحملت قلقـتو و تــحجرو حتى تــغير و كي تغير قالي في لمان و هو اللي كان مصر نواصلو و رفض الانفصال
علاه راح و علاه رجع و علاه كان غريب و ساهي و ما حبش نتفارقو علاه طلب الفراق بلا سبة و بالوقت اللي تغير فيه للأحسن و علاه رجع علاه كان يقولي موسوسة و قال لخويا راهي تحملتني و أنا الغلطة فيا علاه قالي سامحيني واش درت معاك يعني علابالو كان معذبني مي يتظاهر علاه صبرت معاه و ساعفتو و وقت اللي فرحت بكاني و عــلاه رجع
رايــحة نــجن و لــولا رحمة ربي سبحانو لا تمنــيت الــموت ولا هــذي الــتجربة
جـــاوبــوني برايــكم بالاك نـــشوف لي مت نيش قلدرة نـــشوفو
و سأــــامحوني على الاطالة و الازعاج
يا بنات و يا رجال فهموني واش اللي قادر يخلي راجل يدير هكذا ؟؟؟؟؟؟؟؟؟؟؟؟

[حلاوة الإسلام]

ما فهمت والو يا أحتي


بصح اخطيييك منو هذا واش نقلك ماتعمريش راسك

وربي يجيب لي فيه الخير ويرزقك

[الصحة النفسية]

السلام عليكم و رحمة الله : أختي قرأت مشكلتك حرفا حرفا ، نصيحتي لك خطيبك هو الوحيد المخول لتبرير موقفه ، فلا داعي لفتح أبواب التخمينات والشكوك لأنها قد تأخذك في طريق لا رجعة منه ، لذا حاولي مواجهته إجعليه يصارحك ، كوني معه لينة ،أي لا تحسسيه أنه في موقف ضعف أو أنه متهم ، فقط حاولي أن توصلي له فكرة أنك قلقة و تريدين معرفة المزيد من التفاصيل حول حياته من باب المصارحة قبل الزواج ، و أعيد و أكرر لا داعي للتخمينات ، فلا أحد منا يعرف الظروف الحقيقية التي جعلت خطيبك يتصرف هكذا و لا يحق لنا أن نبرر موقفه أو نعارضه فلا يمكن إطلاق أحكام جزافية ، أختي حاولي معه باللين فهو أدرى وأعلم بأسبابه، و إذا كان فعلا يخفي عنك شيئا سوف يصارحك به ، و شي آخر لا تستمعي لوسوسة الناس حول ماض خطيبك ، فإذا لم تري شيئا بأم عينيك فلا تصدقيه فالأمور التي نسمعها تختلف عن الأمور التي نراها و نتحقق منها.......لذا واجهي خطيبك، أتركي له فرصة المصارحة .....وفقك الله أخيتي.

[ألم بلا أمل]

المشاركة الأصلية كتبت بواسطة فتاة الاسلام2

ما فهمت والو يا أحتي


بصح اخطيييك منو هذا واش نقلك ماتعمريش راسك

وربي يجيب لي فيه الخير ويرزقك

و الله دارنا و صحباتي و الكل احتارو و حرفيا نفس واش قلتي مي الله غالب راسي ما بغاش يفرغ والــو ؟؟؟
الله يخليك اختي على الرد

[ألم بلا أمل]

المشاركة الأصلية كتبت بواسطة imène ait

السلام عليكم و رحمة الله : أختي قرأت مشكلتك حرفا حرفا ، نصيحتي لك خطيبك هو الوحيد المخول لتبرير موقفه ، فلا داعي لفتح أبواب التخمينات والشكوك لأنها قد تأخذك في طريق لا رجعة منه ، لذا حاولي مواجهته إجعليه يصارحك ، كوني معه لينة ،أي لا تحسسيه أنه في موقف ضعف أو أنه متهم ، فقط حاولي أن توصلي له فكرة أنك قلقة و تريدين معرفة المزيد من التفاصيل حول حياته من باب المصارحة قبل الزواج ، و أعيد و أكرر لا داعي للتخمينات ، فلا أحد منا يعرف الظروف الحقيقية التي جعلت خطيبك يتصرف هكذا و لا يحق لنا أن نبرر موقفه أو نعارضه فلا يمكن إطلاق أحكام جزافية ، أختي حاولي معه باللين فهو أدرى وأعلم بأسبابه، و إذا كان فعلا يخفي عنك شيئا سوف يصارحك به ، و شي آخر لا تستمعي لوسوسة الناس حول ماض خطيبك ، فإذا لم تري شيئا بأم عينيك فلا تصدقيه فالأمور التي نسمعها تختلف عن الأمور التي نراها و نتحقق منها.......لذا واجهي خطيبك، أتركي له فرصة المصارحة .....وفقك الله أخيتي.

أشــهر و انا نــحاول نــخليه يــصارحـني مــرة يـقولي عـندك حـق ساعفـيني بـرك مرة يـقول راك موسوسة وصـلت شكيت فــيه مــريض نــفسيا حـتى صـح مـع العرس طــلق خــلاص و عاود طـلب الــرجوع
احــنا تــفارقنا و ممكن الاجابة عــندو غـير هـو ما نيش قادرة ننـسى هــذي مــدة طــويلة و خلاص تفارقــنا مي حـياتي حابـسة ....؟؟؟
عــلى بالـي وجـعتلك راســك مـعايا ربي يحفظك و يــرزقك ما تتمناي يا رب شـــكرا

[فانيسا]

ربي ايكون معاك هدا انسان غامض ممكن ايكون مخبي حاجة كبيرة ومقدرش ايصارحك لان كاين لي يخدع بالمضاهر لي يبان متدين وهو مخبي خرايب ربي فيه غير الخير ادعي ربي ايسهلك وتنساي ومتخمميش بزاف هكدا ولا اكثر كون تزوجتو رايحة اتكون الخسارة اكبر ربي ايعوضك لي فيه الخير ان شاء الله

[ألم بلا أمل]

المشاركة الأصلية كتبت بواسطة فانيسا

ربي ايكون معاك هدا انسان غامض ممكن ايكون مخبي حاجة كبيرة ومقدرش ايصارحك لان كاين لي يخدع بالمضاهر لي يبان متدين وهو مخبي خرايب ربي فيه غير الخير ادعي ربي ايسهلك وتنساي ومتخمميش بزاف هكدا ولا اكثر كون تزوجتو رايحة اتكون الخسارة اكبر ربي ايعوضك لي فيه الخير ان شاء الله

و فــلا ماراهــوش متـدين كيـما ادعــى و احــساسي يقولي الحاجة اللي مـخبيها كبـيرة عـجزت نتــوقف على التـفكير و التـساؤءل
مـحتاجة داعواتكم باه ننـسى واثقة في ربي سبـحانو
ربــي يــفرحك اخــتي و ينــورلك حيـاتك

[msam3i2010]

من تجربتي يمكنني القول : هذا الراجل في عمرو 42 سنة و اكيد طول مدة العزوبية اثرت فيه ... و خصوصا اذا كان ذو اخلاق و ليس له تجارب قديمة و هذا هو الكبت .... اكيد ان اهله هم من ضغطوا عليه للزواج منك .... اعتقد انه فاقد الثقة في نفسه و لهذا يحتقرها و يرى نفسه ما يستاهلش و خصوصا اذا كنتي ذات اخلاق و لم تؤثر الدنيا فيك ..... هو راه يتهرب من الزواج لانه تعرض للكثير من التعليقات السلبية من مجتمعنا المجرم و التي اثرت فيه و خصوصا انك قلت انه يملك بيت و سيارة

احسن شيء اتركوه على راحتوا (رسالة موجهة لكي و للعائلتين) ..... هذا النوع من الرجال و خصوصا اذا كان ذو اخلاق عالية (لا ادري ممكن تأكدي لي هذا) هو حلم كل فتات و لكن انغلق على نفسه ....

اما الحل فلا ادري

[ألم بلا أمل]

المشاركة الأصلية كتبت بواسطة msam3i2010

من تجربتي يمكنني القول : هذا الراجل في عمرو 42 سنة و اكيد طول مدة العزوبية اثرت فيه ... و خصوصا اذا كان ذو اخلاق و ليس له تجارب قديمة و هذا هو الكبت .... اكيد ان اهله هم من ضغطوا عليه للزواج منك .... اعتقد انه فاقد الثقة في نفسه و لهذا يحتقرها و يرى نفسه ما يستاهلش و خصوصا اذا كنتي ذات اخلاق و لم تؤثر الدنيا فيك ..... هو راه يتهرب من الزواج لانه تعرض للكثير من التعليقات السلبية من مجتمعنا المجرم و التي اثرت فيه و خصوصا انك قلت انه يملك بيت و سيارة

احسن شيء اتركوه على راحتوا (رسالة موجهة لكي و للعائلتين) ..... هذا النوع من الرجال و خصوصا اذا كان ذو اخلاق عالية (لا ادري ممكن تأكدي لي هذا) هو حلم كل فتات و لكن انغلق على نفسه ....

اما الحل فلا ادري

الله يـخليك على الــرد ... حــبيت نــقلك واللـه عــلى العـكس هـو قــرر يـخــطب قبل حتى ما يعلمو أهلو و كـان مــصر العرس و كلشي في شـهرين
الأخـــلاق ..؟؟؟ غامــض كــثير لــدرجة واحــد ما قــدر يــحكم عـليه و كايـن أمــور تـخليـني نــشك يـكذب و يــتهرب كــثير من المـواجهة و الـحوار حــتى الناس الكل واحـد مافـهم عليهو زيــد يــوعد و ينــسى كـثير و قالــو على علاقة بـواحدة من مدة ؟؟؟ ... ما عـنــدوش تــجارب ؟؟ اللـه أعــلم مــؤخـرا عـــرفت اللي كان يخـطب و يبـطل و دارها لــواحدة من عايـلتهم بعد ما حضرو للخطبة و تـفاهمو قالهم لا لا ما عجبـتنيش علا بيها ما بغاوش اهـلو يــدخلو و هو لي قرر يخطبني و على الـعكس راه بــراحتو حتى الــرجوع أنا ودارنا مــستحيل نــقبلو
صــدقني نــحترم رأيك و أول مــرة نــعرف اللي كاين راجــل ينــغلق عـلى نـفسو لــدرجة يــحتقرها ؟؟؟ صـح اعتــقدت الراجـل ممـكن يتـعقد مـن عــمرو مي كي يلق لي تفهـمو يـعيش حــياتو عادي
عــموما مـــشكور و يــهمني جــدا رأيـــكم

[nibrasse76]

والله يا اخت أسوء ما يكرهه الرجل عند الاقتراب من الزواج هو المراة النكدية ..يعني يشقى ويتميزر سنين شبابه باه فالاخر يرتاح ويستقر ..مش يتزوج "بومة " تنوح فوق دماغه على الصغيره والكبيره ...شوفي تأكدي ان هذا الشخص برمج حياته ومارسها وعاش سنين طويلة بدونك ...صعب ان تدخلي فجأة في حياته وتصبحي كل شيئ ...الله غالب المراة كلما زاد تعلمها في المدارس ..كلما زاد جهلها باسس وقواعد الحياة الزوجية وآدابها ...اسمحي لي على خلاف الاخوة المتدخلين ان اقول انك انت السبب في نفور الرجل ...لانه ببساطة احس بان العزوبية احسن من الارتباط بمجموعة من المشاكل والمضايقات ...اخيرا لماذا لا يكون الخطأ فيك انت ؟؟ لماذا تتصورون دائما انكم ملائكة الرحمة ..خاصة اذا كان الرجل ولد فاميلا ومتربي ...؟؟ ربما تنقصك الكثير من الخبرة والتجارب وفي هذه الاحوال احسن حل هو الابتعاد عن العناد ..بالنسبة للناس اكيد اذا فشل زواجك راح يضحكوا عليك ...وحتى اهلك ربما ...الحياة ليست بالبساطة التي تبدوا لك .عذرا منك ربما اذا تجاوزت شيئا ما .

[**مياس تسنيم**]

وش نقولك صعيبة بزاف تولي تسقسي في روحك كل يوم علاه دار هاك وهو كفاه خمم ووو متكثريش على روحك الايام تجري وانتي حابسة في بلاصتك بلاك هذي نتيجة صلاة الاستخارة و الخيرة فيما اختاره الله
ابحثي في هذه التجربة عن تصرفات اخطئتي فيها او تنازلتي عن اشياء ليس من المفروض التنازل عنها لتفاديها في المستقبل حاولي تجاوز هذه المحنة لا تقفي عندها الحياة مستمرة تاكدي ان هناك الافضل

[الجواهر]

قرات القصة و لكني لم افهم النهاية هل انفصلتما ام مازلت مخطوبة؟
لا يمكن فهم تصرفاته فربما هو مسحور او على علاقة مع اخرى و لم يستطع تركها و لكنه لا يستطيع الزواج بها و هو محتار بينكما بين حبه ( القديم ) و زوجة مثالية ( انت )

[ألم بلا أمل]

المشاركة الأصلية كتبت بواسطة nibrasse76

والله يا اخت أسوء ما يكرهه الرجل عند الاقتراب من الزواج هو المراة النكدية ..يعني يشقى ويتميزر سنين شبابه باه فالاخر يرتاح ويستقر ..مش يتزوج "بومة " تنوح فوق دماغه على الصغيره والكبيره ...شوفي تأكدي ان هذا الشخص برمج حياته ومارسها وعاش سنين طويلة بدونك ...صعب ان تدخلي فجأة في حياته وتصبحي كل شيئ ...الله غالب المراة كلما زاد تعلمها في المدارس ..كلما زاد جهلها باسس وقواعد الحياة الزوجية وآدابها ...اسمحي لي على خلاف الاخوة المتدخلين ان اقول انك انت السبب في نفور الرجل ...لانه ببساطة احس بان العزوبية احسن من الارتباط بمجموعة من المشاكل والمضايقات ...اخيرا لماذا لا يكون الخطأ فيك انت ؟؟ لماذا تتصورون دائما انكم ملائكة الرحمة ..خاصة اذا كان الرجل ولد فاميلا ومتربي ...؟؟ ربما تنقصك الكثير من الخبرة والتجارب وفي هذه الاحوال احسن حل هو الابتعاد عن العناد ..بالنسبة للناس اكيد اذا فشل زواجك راح يضحكوا عليك ...وحتى اهلك ربما ...الحياة ليست بالبساطة التي تبدوا لك .عذرا منك ربما اذا تجاوزت شيئا ما .

شــكرا عـى الـحكم عـليا بـالنكدية و فـعلا كـنت كـذلك تـعرف علاه - ســمحت في حقي و يتـكلم وقت ما يحب و يسكت وقت ما يحب عادي نــصبر
يــوعد كــثير و ينـساني عادي .... يــقولي نـجيك و من بعد ما نحضر روحي و نكون بقمة الفرحة باللحظة الأخيرة يتـراجع يتحجج بالعمل عادي ... عــمري لا حاسـبتو و عــمري ما جــبدتــلو غلطة قــديمة و نــكدية نمــشي بــمشورتو و عــمري ما نــخالف رايــو و عــنيدة صــح ... دارنا ســلفها قبل العرس لصاحبو بــشهر و ندم و رجعها بـعد يومين فوتتـها عــادي ... يــوعد قــدام دارنا و يــخلف و نــغطي نــقول أنا لي تــراجـعت ماشـي هو و نـكدية ...قـــتلو اذا كــان خــدمتي راح تنــقصي من مــسؤوليتي تــجاهك أو تجاه الــدار مـــستعدة نـبــطل من أول يــوم و جــاهلة بأمور الزواج
الــمدارس ؟ أنا ســمحت في الماجستير و خـفت يــزيد يـعمل فارق علمي بينا و هو لليوم ما علابالوش
تــعرف خــويا جـهلي خـلاني نــغطي عـليه و نــخلي أســرارو بيناتنا حتـى بــعد الــفراق و لــعلمك خــويا عــمرها الـثقافة ما عنـدها علاقة بالتعليم الحـمد الله تـربيت على يد راجـل و نــعرف مــليح قــيمة الــراجل
...
عــلمـتـني الــمدارس كـــثير و اللــي عــلمني أكـــثر والــدي راجــل عــرفت مــنو نــقدس الــحياة الــزوجية و و نــغطي على زوجــي و نتــحملو نــوقف مــعاه و خــلصتها ؟؟؟؟؟؟؟؟
شــكرا عــلى الــرد و نتــقبل رأيــكم ســلبي كــان أم ايــجابي على العكس نــقدر صــراحتـكم

[ألم بلا أمل]

المشاركة الأصلية كتبت بواسطة mihad.amira

وش نقولك صعيبة بزاف تولي تسقسي في روحك كل يوم علاه دار هاك وهو كفاه خمم ووو متكثريش على روحك الايام تجري وانتي حابسة في بلاصتك بلاك هذي نتيجة صلاة الاستخارة و الخيرة فيما اختاره الله
ابحثي في هذه التجربة عن تصرفات اخطئتي فيها او تنازلتي عن اشياء ليس من المفروض التنازل عنها لتفاديها في المستقبل حاولي تجاوز هذه المحنة لا تقفي عندها الحياة مستمرة تاكدي ان هناك الافضل

هــي بــالذات كل يـوم نسـقسي روحــي ... ان شـاء الله يــكون فـيها الأفـضل الحمد الله ربي كــريم ألــف شــكـر على المرور

[ألم بلا أمل]

المشاركة الأصلية كتبت بواسطة الجواهر

قرات القصة و لكني لم افهم النهاية هل انفصلتما ام مازلت مخطوبة؟
لا يمكن فهم تصرفاته فربما هو مسحور او على علاقة مع اخرى و لم يستطع تركها و لكنه لا يستطيع الزواج بها و هو محتار بينكما بين حبه ( القديم ) و زوجة مثالية ( انت )

هــذا اللي حــيرني بــعد ما ســمعت انو على علاقـة مع واحــدة و عــلاقة ( ... )
و تـــساءلت عــلاه ما تــزوجهاش و خــلاص مــي هو رجــعلي بالأحــرى طلب الــرجوع و ما قــدرتش نــفقد عقـلي أكـثر مــعاه و رفــضت مــي كــأني كل يوم نــموت أكــثر من الــحيرة .... اللــه الــمسـتعان بــوركت أخــتي