مشكلتي

[مشكلتي]

السلام عليكم أرجوكم ضعوا موضوعي بسرعة لأني في حالة و الله ما حبست من البكاء، و راني حامل ، المهم، مشكلتي زوجي يضربني كي يتنرفز و يسبني، ماشي ديما، بصح كي يتنرفز يولي عبد واحد آخر، و ما رحمنيش حتى و أنا حامل، مع العلم أنا برانية و متزوجة في ولاية غير ولايتي، دايما نخوفوا بأهلي و نقولوا بابا عمرو ما يرضالي الذل اللي راني عايشة فيه، بصح عمري ما حكيت، إلا اليوم عيطت لماما نبكيلها، لأنو ما عندي حتى واحد، واش قالتلي، قالتلي كلمة تمنيت كون انشقت الأرض و بلعتني، قالتلي أحمدي ربي راكي كنتي رايحة تبوري كون ما تزوجش بيك، أنا قريب هبلت، قولتلها ماما واش راكي تهدري، قالتلي اإيه ما كنتيش علابالك بيها هاذي كنتي بايرة..... يا خاوتي، أنا اتخطبت و عمري 22 عام، و ما كتبش المكتوب و فسخت بعد 3 سنين خطبة، و كي وليت 28 عام اتخطبت لزوجي الحالي و درك راني 29، و الله غاضتني بالزاف الهدرة هاذي و ماللي كنت نبكي من راجلي و ليت نبكي من ماما، اتصدمت و غلقت تيليفوني، ومانيش حابة نزيد نحكي معاها،.

[thmaster100]

اكثري من الاذكار , الدعاء والصلاة

ان شاء الله ربي يجيب المودة بينكم

[seridz]

لا حول و لا قوة الا بالله اختي ما تسلكك غير السجادة اخلصي النية و ادعي و اشكي همومك لربي و زوجك ربي يهديه و انت حاولي تبعدي على الامور اللي تنرفزو و كي تشوفيه في حالة صفاء ذهني احكي معاه بطريقة ظريفة و فكريه بلي انتي مرتو حبيبتو و انتي ام ولادو و هذا النرفزة ا تجيب حتى نتجية لا ليك لا ليه و فكريه بربي سبحانو و ان شاء الله تتسقم لحوال و ربي يهنيكم و تاوي عشرتكم اما امك مديريش عليها هي من خوفها عليك معرفتش تختار الكلمات هذا مكان

[الحزين المبتسم]

السلام عليكم

صراحة الكلام القاسي من أقرب الناس أشد الجروح إيلاما

في هذا الموقف أختي أمك هي أمك تذكري هذا وبرها واجب وربما موقفها هذا كما يفعل كثير من الأمهات في التعامل القاسي مع بناتهن ليس لأنهن يكرهنهن بل بالعكس ربما تريدك أن تشعري بمسؤوليتك الخاصة أو أن تجعلي هموم بيتك خاصة بك ... والله أعلم

فيما يخص تصرف زوجك تجاهك نقول لا حول ولا قوة إلا بالله ولا شك أن هذا التصرف غير مقبول

ذكرتي أن زوجك عند غضبه يشتد عليك فمعرفة سبب غضبه إحدى الخطوات الواجبة عسى أن يكون هناك جزئية غائبة ويمكن تداركها

باختصار الخطوة الأولى أختي حاولي البحث عن أسباب هذا الغضب لزوجك فان عرفتي ذلك واستدركتي ولاحظت تحسن العلاقة بينكما فهذا خير وهذا مانرجوه

أما اذا كان غير ذلك فيصبح تدخل الأهل للنصح والتقويم ضروري

نسأل الله أن يفرج كربك ويصلح حالك

[خالد عنابي2]

لا حول ولا قوة الا بالله ماهذا الكلام !

ينظرون للمرأة على انها سلعة لازم " يليكيديوها " وان ذلك هو المهم والاهم ويجب عليها ان تتحمل كل شيئ المهم ما ترجعش لبيت ابوها !

هذه عصبية جاهلية وليست من الاسلام

حاولي التكلم مع ابوكي او مع اهل زوجك لا يمكن ان يضربك وانتي حامل

مثل هذه المواضيع يجب ان يراها من يحارب المراة العاملة لا لشيئ سوى لانها عاملة حتى لو كانت مهنة شريفة

[amira19]

اختي ادخلي لدردشة المتزوجات نعاونوك

[رميسة الجزائرية]

اصبري اختاه وانا متيقنة انه بعد ولادتك ستتغير معاملته لك
حاولي ان لاتغضبيه حاولي ان تتجاهلي اي شيء يغضبه
كوني لطيفة في التعامل معه حتى لايغضب
اصلا هدا والله ماهو من حقوو يضربك بصح ماعندك ماديري حاولي تصبري هدا ماكان
ماديريش على ماماك اكيد ماتقصدش ممكن حبات تخوفك برك باش تحكمي في راجلك وتسايريه

[Chaima h]

ربي معاك ان شاء الله

[مسمار جحا 19]

بسم الله والصلاة والصلاة والسلام على رسول الله

اختي ربي يعاونك على الشي الي راكي فيه ومآلك لله تعالى صلي واستغفري وادعي أولا لزوجك بالهداية وحاولي تتقربي منوا وحاولي تعرفي الاسباب الي تخليه يقلق ويولي في حالة مشي طبيعية وحاولي تتجنبيها وحاولي ترضيه قدر الامكان حتى إلا تقلق أنتي حاولي ترضيه باللسان الحلو والكلمة الطيبة لان الرجل مهما كان شدة القلق الي راه فيه صدقيني كلمة حلوة من امراة تخليه ينسى همومو وكل مشاكلو وفي مايخص يماك بلاك حاولت تقولك تصبري على الضر الي راكي فيه بصح غلطت في الهدرة اعذريها وادعيلها بالخير وهذي مهما كان يماك وعندها حق تغلط معاك مي انتي لالا وربي العالمين امرنا نطيعوهم في كلش ماعدا كي يامرونا بالشرك بالله ختي الدنيا صعيبة وعندك يغرك شيطان تقولي في بالك نطلق ولا حاجة كيما هكذا شوفي برك المجتمع كيفاش يشوف لامراة مطلقة حتى الا كانت هي على حق
اصبري لله تعالى خاصة انك حامل وهذ الولد معندو حتى دخل في مشاكل والديه ومن حقو يعيش في راحة
ختي صلي وادعي ربي يهدي راجلك ويهدي امك ويهديك انتي ويهدينا معاك

[انغام المنى]

اختي هذي امك باك قالتلك هكذا باش تصبري وتشدي دارك اعرفي برك كيفاش تكسبيه وهواكيد ما وش رايح يزيد يعاودها وربي يكون معاك

[غير هام]

السلام عليكم

ربي يفرج عليك ما تشكي لحتى حد كاين ربي

[حبيبة زوجها]

ربي يفرج عليك يااختي

[jirardo]

ربي يفرج عليك
ربي يهدي أمك و زوجك

[نور الرحمة]

ان شاء الله يفرج عليك اختى وسلمي امرك لربك

[صفاء الروح]

rabi yfarag 3lik wyahdi zawjk