ساعدوني ...ابنتي لا تشرب الماء

[جوهرة الغرب.]

السلام عليكم
اخوتي اخواتي ...بنتي عندها 5 اشهر ربي يحفظهالي ماتحبش تشربلي الماء ...ترضع صدري ....وراني خايفة كي نجي نمدلها تاكل ماتبقاش تشربلي وتنشفلي من الماء كيفاه لازم ندير
للعلم انو كي زادت شربتها ماء زمزم هو فقط اللي شرباتو قيمة كاس كبير وكي كمل ماحبتليش كي نحطهولها في فمها تعيفو وتحب تتقيا ...في الاول قلت بلاك لاتيتين لانو ماتحكمش السوسات وبقيت نمدلها بالمغرف ولكن نفس الشيء ...
ماذا سأفعل معها هل هناك طريقة ناجحة.....ارجوكم ساعدوني

[*أم جابر*]

السلام عليكم اختي انا كي زيدت الاول قالتلي الطبيبة ما تعطولهمش الماء حتى ل6اشهر ومادام ترضع صدرك ما تخافيش راهو الحليب ديالك يكفي انا بنتي في عمرها 4 اشهر مازال ما مديتلهاش الماء كامل ماتخافيش ما تنشف ما والو لوكان جسمها يحتاج الماء ما تلرميهش تشربو و الله اعلم ربي يحفظهالك و يجعلها من الصالحين
و اذا اصريتي على الشرب ديريلها شوية سكر

[Simassim]

جوهرة ماتقلقيش روحك البيبي مايحسش بالعطش لانه يشرب الحليب في كمية كبيرة ماء وزيد راه البرد هاد اليامات ماتخافيش عليها مارحش تنشفلك لوكان كان أوت بالاك لكن الحليب راه غداء كامل للرضع ويعوضهم حتى الماء

[nariumen007]

هو الحليب فيه كامل الفيتامينات و الاساسيات سبحان الله
و اذا قلب الام مبردش عليك و على الطبيب يكون عندو احسن تشخيص

[جوهرة الغرب.]

الحمد لله على نعم الله التي لا تعد ولا تحصى
بارك الله فيكن اخواتي الكريمات ربي يحفظلنا ابنائنا وبناتنا ...

[ندى جزائرية وافتخر]

عادي حنونتي ما تتقلقي ما والو تخيلي انا بنتي كانت ترضع صدري فقط
ماتحكملي لا سوسات لا بيبرون هبلت خلاص حتى فقدت الامل وكان حليبي ناقص
حتى رحنا للعمرة كان عندها تسعة اشهر شربت ماء زمزم كي بنتك هههههههههه
ومن ثم الحمد لله بدات تشرب فالبيبرون لحليب الماء العصير .............

[kikimnarim2]

الحليب من صدرك يكفي ويزيد الى حبيتي جوعيها مليح ومديلها بالشوية بالشوية حتى توالف بيه

[blueflames]

انا تاني كنت كيما نتي دايما متقلقة كي مايشربش الما ويقولولي لازم تولفيه ضرك ينشف ،وكي بدا ياكل عاد وحدو يطلب الما ضرك الحمد لله يشرب بدون توقف ،وكان يرضع من صدري وحليب الام راهو 99%ما مكلاه تتقلقي

[jawada22]

لي يشرب حليب الصدر ما يحتاجش الماء انت اعطيها بالمغرف الصغيرة كل مرة قطرة و راح توالفه غي اصبري عليها و تحمليها مدة اسبوع و انت تعطيها بالمغرف هادا ادا كانت تاكل تحتاج الماء