الى اهل الخبرة في البناء

[yako02]

السلام عليكم و رحمة الله تعالى و بركاته
اخوتي اهل الخبرة في البناء انا عندي مشكل و ان شاء اله نلقى الحل عندكم
مشكلتي هي الدالة تاع البيت نعاني منها بزاف خاصة في فصل الشتاء عند سقوط الامطار و هي بسسب فهامة البناء لي دارلنا الدالة قال لبابا انو يديرها مائلة شوية و غير مستوية حتى لا تتجمع المياه عند سقوط المطر و لكن كانت الكارثة انه كل الامطار التي تتساقط تبقى راكدة فوق الالسطح حتى نروح انا نخرجها و تخيلو المعاناة اخراج مياه الامطار الباردة في فصل الشتاء مع البرد القارص و انا نقوم باخراجها حتى لا تفسد سقف البيت
واش حلها هدي الدالة هل لازم نديرو دالة رقيقة فوقها غير لالاسمنت او ما هو الحل من فضلكم اريد حل مع جميع التكاليف ا<ا امكن
شكرا مسبقا

[seridz]

زوج شكاير سيما و نيفليو هديك لبلاصة

[samovitch]

[IMG]file:///C:/Users/bismi%20alah/Desktop/Sans%20titre.png[/IMG]

salam t3awdo diro une pente la dalle majich plat
ani mfhmk b schema

[samovitch]

الله الغالب منقدرش نحمل الروابط ماتطلعش الصورة

[yako02]

المشاركة الأصلية كتبت بواسطة samovitch

الله الغالب منقدرش نحمل الروابط ماتطلعش الصورة

شكرا اخي على الاجابة حتى لو ان صورة لا تظهر

[عبد الباسط آل القاضي]

السلام عليكم ورحمته وبركاته
شوف خويا ؛ كاين زوج نصائح ؛ والثالثة ايلا تقدر تكون مليحة بزاف ؛ تقدر ديروا أشاب للدالة وديرولها الميزابات يعني اسطونات تخرج الماء من السطح ؛ وكاين ايلا تقدرو ماليا ديرولها كوش كيرلاج وتتهنى ؛ اما لاشاب نتاع الاسمنت بلاك تبقى نفس المشكلة لاخاطر بطول المدة يفسد الدالة ؛ ولكن كي يكون الماء عنده مين يخرج ماعليهش والحل الامثل كوش كيرلاج وانسى

['' أمة الرحمن '']

يجب اعادة صب الشكل المنحدر كي لاتتجمع المياه مجددا و من الأفضل ان أمكن وضع مساكة متعددة الطبقات
أما عن فكرة تبليط السطح فهي غير ناجحة و أنصحكم بعدم اللجوء إليه

[yako02]

شكرا لكم جميعا بارك الله فيكم

[tareska]

اللهم أنت ربي لا إله إلا أنت خلقتني و أنا عبدك وأنا على عهدك ووعدك ما استطعت ، أعوذ بك من شر ما صنعت ، أبوء لك بنعمتك على و أبوء لك بذنبي فاغفر لي فإنه لا يغفر الذنوب إلا أنت

[azpak]

السلام عليكم ورحمة الله تعالى وبركاته
...شوف نعطيك نصيحة ذهبية ...
ديرلها لاشاب بلاتري دنيفو تكون فيها 5 سم بيطون نيفو
واصلبها ماشي باليد والطالوش كيما يديرو فالزهر نهار الدالة
صلبها بليراقل مافيهمش العوج ...مريقلين وديرلها ساقية فالنص تدي الما...
وربي يسهلك