فطام ابنتي اتعبني...انقذوني

جوهرة الغرب. · 2015-09-08, 11:34

السلام عليكم
اريد ان افطم ابنتي قالولي ادهني صدرك بالقهوة ...لكن ابنتي والفت بزاف وماقدرتش تقاوم ملغري عافتها رضعت منها هكذاك بالقهوة خصوصا في الليل ...ماتقدرش ترقد بلابيها ...عييت معاها هاذي يومين وانا معاها وبدون فاادة ....
واش لازم ندير ....عاونوني اصحاب التجربة ارجوكم

مرام 92 · 2015-09-08, 11:43

ديري الحنة لصدرك هاد اللي نسمع بيه

amani38 · 2015-09-08, 11:51

السلام عليكم اختي ..
اولا اختي يجب ان تعلمي ان الفطام تجربة قاسية للطفل و الام معا .. خاصة ادا الطفل كبر و تعود عليها او تعود يرقد بيها .. لدا تحلي بالصبر و البال الطويييييل
انا فطمت ابني مؤخرا على 14 شهر .. و صدقيني كان متعود عيها بشكل فظييييع .. شوفي بصح قطعتها ضربة وحدة مش بالتدريج
اولا على حساب عمر ابنتك .. كلما تطلب الرضاعة لهيها بحاجة و لو من الممنوعات ،، ياووغت سائل في القرعة الصغيرة ،، حليب كوندي للطفال ،، لعبة يخرجها باباها برا و هكدا حتى تكملي النهار
و طبعا في فترة القيلولة رقديها بلابيها و الافضل يعاونك زوجك
كي يلحق الليل و هو الاصعب ،، انا كنت نغيب تماما عن نظرو و نخلي باباه يرقدو طبعا بعد بكاااااااء طويل و صراخ .. عفسي على قلبك و لا تستسلمي الليلة الولى هي الاصعب و من بعد تسهال العملية بادن الله
ايلا تفطن في الليل كيما وليدي و تطلبها .. اعطيها الماء فقط و اياكي تعطيها بيبرون و تولي في ادمان جديد و نفس المسلسل يتعاود كي تحبي تفطميها على البيبرون
قريت في كتاب للطب النبوي عن خلطو الكمون بالخل .. تعجنيها و تحطيها فوق صدرك لتخفيف اللاحتقان .. درتها و ابني رجع يعاف المنظر و الرائحة
كل طفل يختلف .. انا قعدت شهر باه نساها و تعلم يرقد بلابيها .. و للان بعد مرور 4 اشهر مازال مرات يتفكرها و يحوس عليها ..يقولك هادا اول انفصال حقيقي يعيشه الطفل لدا اصبري و كبري قلبك حتى تفوت المرحلة الصعبة و طبعا لازم يكون عندك سبب قوي للفطام باه ما تتراجعيش او تضعفي امام بكاء بنتك .. انا الحمل المفاجئ هو اللي كان السبب
توكلي على الله و ربي يعينك و يعيني

جوهرة الغرب. · 2015-09-08, 12:11

اقتباس:

المشاركة الأصلية كتبت بواسطة amani38

السلام عليكم اختي ..
اولا اختي يجب ان تعلمي ان الفطام تجربة قاسية للطفل و الام معا .. خاصة ادا الطفل كبر و تعود عليها او تعود يرقد بيها .. لدا تحلي بالصبر و البال الطويييييل
انا فطمت ابني مؤخرا على 14 شهر .. و صدقيني كان متعود عيها بشكل فظييييع .. شوفي بصح قطعتها ضربة وحدة مش بالتدريج
اولا على حساب عمر ابنتك .. كلما تطلب الرضاعة لهيها بحاجة و لو من الممنوعات ،، ياووغت سائل في القرعة الصغيرة ،، حليب كوندي للطفال ،، لعبة يخرجها باباها برا و هكدا حتى تكملي النهار
و طبعا في فترة القيلولة رقديها بلابيها و الافضل يعاونك زوجك
كي يلحق الليل و هو الاصعب ،، انا كنت نغيب تماما عن نظرو و نخلي باباه يرقدو طبعا بعد بكاااااااء طويل و صراخ .. عفسي على قلبك و لا تستسلمي الليلة الولى هي الاصعب و من بعد تسهال العملية بادن الله
ايلا تفطن في الليل كيما وليدي و تطلبها .. اعطيها الماء فقط و اياكي تعطيها بيبرون و تولي في ادمان جديد و نفس المسلسل يتعاود كي تحبي تفطميها على البيبرون
قريت في كتاب للطب النبوي عن خلطو الكمون بالخل .. تعجنيها و تحطيها فوق صدرك لتخفيف اللاحتقان .. درتها و ابني رجع يعاف المنظر و الرائحة
كل طفل يختلف .. انا قعدت شهر باه نساها و تعلم يرقد بلابيها .. و للان بعد مرور 4 اشهر مازال مرات يتفكرها و يحوس عليها ..يقولك هادا اول انفصال حقيقي يعيشه الطفل لدا اصبري و كبري قلبك حتى تفوت المرحلة الصعبة و طبعا لازم يكون عندك سبب قوي للفطام باه ما تتراجعيش او تضعفي امام بكاء بنتك .. انا الحمل المفاجئ هو اللي كان السبب
توكلي على الله و ربي يعينك و يعيني

حطيتي يدك عل الجرح حنونة انا تاني بنتي راهي في 14شهر والسبب هو تنوض كل ربع ساعة ترضع ماترقد ماتخليني نرقد وهذ الشي في الليل فقط في النهار قاع متحوسش عليها ...في الحقيقة باباها يصبح خدام بكري ومانحبش نعذبوا صح كي تبقا قريبة ليا تعاند وتشحن عليها وراني بعيدة عل دارنا ...قوليلي تسما كنتي كل ليلة مدة شهر تتحملي في البكا نتاعو وقاع محطحاش في فمو...ياختي انا بنتي متسكتش وماترقدش بلابيها هذا هو المشكل....

sorour15 · 2015-09-08, 12:29

انا تاني ولدي عام ونص فاالنهار ميطلبهاش وفالليل منحكيش كل دقيقة واللله منرقد ربي يكون معانا يقولو مليح المعدنوس للاحتقان تع الثدي

جوهرة الغرب. · 2015-09-08, 12:32

اقتباس:

المشاركة الأصلية كتبت بواسطة sorour15

انا تاني ولدي عام ونص فاالنهار ميطلبهاش وفالليل منحكيش كل دقيقة واللله منرقد ربي يكون معانا يقولو مليح المعدنوس للاحتقان تع الثدي

ربي يقاوينا اختي....راكي تفطمي فيه
قوليلي ولدك عل قداه ناض يتمشا ...بوسيهولي

amani38 · 2015-09-08, 13:32

اايييييه يا اختي فكرتيني في ايام صعبة .. كنت حاسبة روحي الوحيدة اللي ولدها دايرها سوسات
فعلا .. ولدي مكانش يرقد ساعتين متواصلتين في الليل بلاما يطلبها .. نحطو في بلاصتو يرقد .. تفوت ساعة و ينوض حتى خلاص قريب هبلت من قلة النوم و النرفزة و العصبية ..
و زوجك لاااااازم يساعدك في النوم تاع الليل حتى لو اول اسبوع فقط .. خاطر نوللي كي تشوفك تتفكرها و تتفكر بللي راكي حارمتها منها تزيد تهبل .. لازم متشوفكش و لازم زوجك يضحي شوية باه نوم بنتو يتعدل و باه انتي تاني تلقاي راحتك النفسية و الجسدية و تصبحي ناشطة مشي مهلوووووكة من النوم بالقطرة .... اه ربي يقدرنا و خلاص
و صدقيني بعد اسبوع راح تلاحظي الفرق .. و توللي بنتك متنوضش خاطر عارفة بللي مغاديش تلقاها ،، الطفل درك راه دكي و يعرف
كاش استفسار راني هنا

amani38 · 2015-09-08, 13:51

ايه و نزيدك من الشعر بيت .. حتى انا كنت نبكي و نقول محااااااال ولدي ينساها.. قاع الدراري ينفطمو الا ولدي مستحيل يتفطم .. كنت دايرة هاد الشي مهمة مستحيلة و حتى انا بعيدة على دارنا بزاف و ما لقيتش الدعم الا من زوجي .. و طبعا عليك بالدعاء و الاستعانة بالله و صدقيني راح تمر هاد الفترة و تنسايها و تصبح ماضي
ربي يعينك

جوهرة الغرب. · 2015-09-08, 14:09

ان شاء الله حنونة راكي عطيتيني امل...حتا انا راني نحس هكذا وتبالي محال تنفطم ...رجعت عصبية وحتا مكتءبة وهي تاني فيها النرفزة وتعاند بزاف....ربي يقدرنا يجعل تعبنا في ميزان الحسنات ...صح لازم زوجي يعاوني معنديش من غيرو وين...شكرا حبيبتي عل الاهتمام.

رقة زمان · 2015-09-08, 14:27

شوفي اختي حتى انا بنتي فطمتها كان عندها عام و5 اشهر وكانت موالفتها بزاف...انا مادرت لا حنه لا والو جبت برك )ستيلو (قلم)(وخربشته في صدري وكي كانت تحب بنتي ترضع كنت نخوفها وصح كانت تخاف وكانت تقولي (يخخخخخ ) حتى سلفتي دارت هاد الطريقه في بنتها ونجحت خير ماضلي طلسي صدرك بالحنه...وكي فطمتها فطمتها ضربه وحده (ههه عقاب)وشريتليها العاب باش تنسى وكان يخرجها باباها تلعب حتى تعيى..وكنت نشبعها في الليل حتى والفت..بصح مرات كانت تنوض تبكي في الليل صبريلها واياكي ايكي تمديلها صدرك..خاص يكون قلبك حجر ههه..يامات وتوالف انا بنتي 3 ايام برك والحمد لله...ونسيت نقلك حاجه ماتخليهاش تشوف حتى وحده ترضع..حتى انا كنت خايفه من الفطام ومنبعد نورمال

جوهرة الغرب. · 2015-09-08, 16:32

ان شاء الله اختي رقة زمان راكم درتولي لكوراج يعطيكم الصحة...كي نسمع بتجاربكم الصعبة تهون تجربتي...نزيد معاها وبربي ننجح شكرا

الطائعة لزوجها · 2015-09-08, 17:11

حتى انا راني كيفكم راني خايفة بزاف جرب باه نفطمها و منجمتش صعيبة بزاف و زادت راها تنوض في السنين ضروها بزاف املا بطلت قاع
و لالا بنتي متخلنيش قاع نرقد في الليل دايرتها سوسات قالتلي امي الشح فيك انتي معطيتيهاش السوسات نهار الي زادت وليت منخرجش مالدار على خطرها
حتى مرض ابي و دخل للمستشفى و مصبنلش garde malade الله يكون في عونا جميعا

fati21 · 2015-09-08, 17:24

اختي ربي يعينك نقولك تجربتي مع وليدي
انا كملتلو عامين باه فطمتو كان يرضع ليل نهار دايرها سوسات فالاول جربت لشي الملح القهوة يمسح ويرضع
روحت لدارنا وقرررت باه مانزيدش نجبدهالو خلاه الليلة الاولي بكا الليل وثاني نهار بعتت للراقي رقالي في قرعة تاع ماء وليت مين يحب يرضع نشربو الماء تعرفي والله مازاد بكا جاتني ساهلة وكنت نحسبها صعيبة
جربي ورديلي لخبر

جوهرة الغرب. · 2015-09-09, 11:13

بارك الله فيكم اخواتي مزالني نعاني من نفس المشكل ربي يصبرني ويقاويني باه مانضعفش

أم ريتاج زهرة · 2015-09-09, 22:05

و الله الحاجة صعيبة بزاف أنا كي فطمت بنتي كان عمرها عامين و 7 أشهر يعني تفهم مليح مليح و دررت معاها كامل الحلول و لكن مرة شافت ولد عم زوجي مسكين مريض و خافت منه من تم قلتلها لخضر ما يبغيش التيتي ولت تخاف حتى أنا عانيت معاها و فطمتها في ضرية و حتى ليكوش حصلت فيه مسكين ربي يشافيه إنشاء الله و يعافيه يعني خوفيها بالإنسان اللي تخافة و بالتوفيق أختي