مشكلتي .

[مشكلتي]

بسم الله الرحمن الرحيم
اولا انا س أعترف لكم بذنوبي الي خبيتها على والديا وخاوتي وخواتاتي حاسة قلبي راه معمر من الكذب والاعمال السيئة الي راني ندير فيها خاصة هذا العام
كنت متربية مانهدر حتى مع راجل ما نخالط البنات الفاسقات حالي لباس يجي نهار ونتعرف على واحد الشاب في التلفون هذا الشبا كيما يقول خالي لسانو مرمد بالعسل حبيتو بلا مانشوفو وكنت مستعدة نقبل حتى ايلا كان gليل ماشي شباب يعني قابلة بيه ومع جميع العيوب بصح هو مبغانيش قالي نتيا عاقلة ومتربية ومانيش باغي نكمل نفوت بيك وقتي نتي خاطيك التمسخير وانا يابنت الناس راني نتمسخر برك علاقتي بيك ماهياش جادة انا متقبلتش انا بغيتو من قلبي مالغري مشفتهوش متخيلتش يخليني نهار وحدي صدقوني حزنت عليه حتى اهملت نفسي مابقيتش نشوف الدنيا دنيا وليت نستنى غير وينتا يسهل لي ربي في الموت
انا صراحة نصلي ونبطل دايما هاكاك خلاني وبكاني وستنيتو والو كي نكون نستنا فيه وميعيطش قلبي نحس في النار شاعلة فيه
والله والله والله يخاوتي قلبي تقطع على جال واحد منعرفوش ومشكلتي كتومة ومنقدرش نهدر حتى لواحد دموعي فضحوني التلفون منحيهش من يدي نستنى غير وينتا يعيط والو
ايا وحد النهار عيطلي فرحت من قلبي الفرحة مازال ماتمت ونسمع صوت طفلة قاتي انا حنونتو متزيديش تعيطيلو تم دمرت انا منقدرش على خاطر حاسة بلي نموت صدقوني
بكيت حتى رقدت في البالكو والتلج يطيح انا كنت في الاقامة هداك النهار مردت سمانة وانا في اللوبيتال
يجي نهار واحد ىخر عيطلي نيمرو ريبونديت قالي انا واحد باغي نتعرف قتلو باغي تتعرف ياخي الي غلط مرة يتعلم ماشي يزيد يعاودها قالي ايه عندك الصح بصح انا خوه أمين قتلو الله يبارك نتعرف عليك ماكان قدامي غير اني نهدر معاه مجبورة انا مقدرتش نبعد عليه و ما عليا غير نقبل نهدر مع خوه باه نعرف اخبارو
هدي قصتي سامحوني ايلا طولت عليكم قولولي علاه غير انا الي خلصتها ؟هو كي تمسخر بالبنات ويحرق قلبهم زعتما ميخلصهاش ؟؟؟

[فارس الجزائري]

السلام عليكم ورحمة الله تعالى وبركاته

خيرا إن شاء الله

إذا كنت فعلا تريدين النصيحة وإن كنت فعلا تريدين العمل بها فإليك الحل الذي ينهي كل المشاكل

غيري شريحة الهاتف-انتظمي في صلاتك-انتظمي في دراستك-واعلمي أن أهلك وضعوا فيك الثقة حتى تدرسي وتتخرجي فلا تخوني ثقتهم

وكوني كالملكة في منزلكم وشعارك هو – إذا تحوس عليا أرواح البيت أمالية -

بالتوفيق إن شاء الله