مشكلتي

[مشكلتي]

صح عيدكم و تقبل الله منا و منكم و غفر لنا و لكم

انا اليوم ماشي عيد عندي
العائلة باكملها ما يتكلموش مع بعض . شحنات الكره و الشجار .منذ 5 سنوات و نحن نجوزو العيد و ما نتكلموش مع بعض ....و خاصة انا.. لاني الوحيدة المتدينة و الملتزمة بالدين . لا ازكي عن نفسي فانا مبتدئة و تائبة جديدة و احتاج للمساعدة من طرف اهلي و يشجعوني و لكن تحطمت علاقاتنا منذ ارتدائي الحجاب الشرعي و عدم مصافحة اولاد اعمامي و اخوالي .بابا ما يهدرش معايا منذ 7 اشهر .صرات حادثة حيث ان واحد من الاخوة المتدينين جاء باش يخطبني و بابا دار حالة ... صراخ الى ان رفضت الاخ و انا ابعثت شخص يتوسط و يصلح بيننا ولكن ابي رفض . ذهبت مرارا لاكلمه و افهمه اني اتبع القران و السنة و لست في تعصب ديني لارتدائي الحجاب الشرعي . و الحجاب تاع السروال و ليكات ماهوش حجاب ... انتظرته لرجوعه الى البيت و لكن عندما علم اني انتظره . عيط لامي في البورتابل و قال لها لن ارجع هذه الليلة حتى تخليني بنتك ترونكيل . و الا ساموت . شوكيت ......و يما خافت بزاف
انا اليوم اخواتي الصغار ما جاوش يهنو لي للعيد لانهم كارهوني لتديني و يحتاقروني لان ابي و امي احتقروني . يعني اتبعوه و تعلمو منهم . ما يحتارمونيش . و يعيطو عليا و يشنفو .انا الاخت الكبرى في البيت و اهلي ساكتين و حرموني نعيط عليهم .باش يحتارموني و شوفو اليوم ما جاوش عند اختهم الكبرى . شافو رواحهم...
اليوم انا ما رحتش ابارك العيد لابي لاني في اكتئاب ربي وحدو عارف . و قعدت في غرفتي و نمت حتى الظهر ثم الصلاة ثم نمت حتى 16 سا . لم اشرب القهوة . لم اكل . نستنى يخرج بابا باش ناكل .
2 اخواتي ثاني تشاجرت مع يما ... الحالة كارثة في البيت . نتمنى برك نتزوج و نروح من هاذ الدار
عييت والله صديقاتي تزوجن و دارو حياتهم و علاقتهم مع اهلهم جيدة اللهم بارك لهن

[مياسم الصمت]

فرج الله همك أختي ويسر أمرك ورزقك الزوج الصالح والذرية الصالحة ان شاء الله

["راجية الجنة"]

سلام عليكم

يسر الله أمرك اختي ورزقك الزوج الصالح الذي تتمنينه يارب

[exellance]

بارك الله فيك اختي
اصبري فربما هذا ابتلاء من الله تعالى وتمسكي بدينك رغم كل شيء

[manothebest]

ربي معاكـ أخية
وحاولي ما تقطعيش العلاقات أختي
مثلا ادي النيمرو تاع بنات خالاتكـ وبنات وبنات واهدري معاهم نورمااااااال باه ما يقولوش متعقدة احكي معاهم خحكايات نورمااال
++
اهدي مع خالاتك وعماتك
روحي قبلي على خوالكـ وعمامكـ
وعلى باباكـ عادي
هكذا صدقيني يرجعو ليكـ
لأنهم يقولولكـ أنو نتي السبب أنو لافامي ما يجوناش
منبعد كي تديري هاكـ وتقربيهم منكـ يجو لا فامي ليكم وترجع الأمور طبيعية
وكي يجيكـ راجل متخلق اقبلي بيه مش شرط يكون ملتحي ووو المهم يكون متدين ومتخلق وتعرفوه مليح
وربي يرجعلكـ أهلكـ إن شاء الله ويزقكـ بزوج صالح اللي يقدرلكـ ظروفكـ

[أناييس الربيع]

للأسف لست أدري لماذا بعض العائلات الجزائر ترفض

بناتها ارتداء الجلباب رغم أنه سترة ،

بالأمس فقط دخلت في نقاش مع واحدة حول عدم اقتناع

الأهل أو المجتمع بالجلباب والله صدمت بالأجوبة فهم في

نظريهم أنهن إما متشددات للدين أو أنهن هربن من معصيت أرتكبت

وكما خفي أعظم .

وحتى أصحاب اللحية لا يحبونه في نظرهم أيضاً أنهم منافقون

ولكن مايؤلمني انت لا تريدي جلباب وآخر لا يحب اللحية

لكن رجاء لماذ الطعن فيهم ومعاداتهم .

ألا تحب الستر لأبنتك أو أختك زينها بالجلباب واختر لها زوجا

ترى فيه أخلاقه ودينه قبل لحيته

وأسأل الله أن يثبتك أخيتي ولا تقطعي رحمك

حاولي ولا تيأسي من روح الله

[zeyyan]

السلام عليكم و رحمة الله و بركاته

أسأل الله لك الثبات و الصبرولا تقطعي صلتك بأهلك
لأن الامر سيتأزم أكثر لا قدر الله
فإنه توجد بعض الامور البسيطة تقومين بها لجلب
أفراد عائلتك لكي يتفهموا الامر منها
أن تتركي بعض الكتب التي تتكلم في الموضوع على مرأئ أهلك
دون ان يشعروا بأنها موجه إليهم و بدافع الفضول سيطلعون عليها
زيادة صوت التلفاز حين يتطرقون للموضوع في حصص دينية
حاولي جاهدة كسب والدتك في صفك و قنعيها بحجج واقعية
الدعاء لأهلك بالهداية


بارك الله فيك و في مسعاك ووفقك لما يحبه و يرضاه

[Jack-Sparow]

السلام عليكم و رحمة الله

كم هي كثيرة قصص بعض الإخوة و الأخوات في مثل هذا الموقف هذا يهمش و يحتقر و الآخر يطرد و يهجر ...

أسأل الله أن يفرج عنكِ و أن ييسر لكِ أموركِ و يهدي أهلكِ

قال تعالى : " فإن مع العسر يسرا * إن مع العسر يسرا "

[صبرينة ام الفضل]

سياسة الهروب ليست حلا

لا تظني انه بزواجك تتخلصين من المشاكل....ابدا

راجعي نفسك وليني لاهلك ....صدقيني اهلك عزوتك وعزك حتى امام الزوج الذي تبحثين عنه

والقلوب بيد الرحمن يصرفها كيف يشاء ..فاجتهدي في الدعاء واقسم لك غير حانثة في يميني ان دعوت الباري واجتهدت ستتغير امورك بالكلية ...

[djamila21000]

ربي يثبتك أختي

[عين الصقر]

ربي يثبتك ويصبرك الأخت الفاضلة ..
إبتغاء مرضاة الله اولى
ربي يهديهم , وربما هذا اختبار من عند الله لصبرك , سحابة وتفوت ان شاء الله
انتي عامليهم بالتي هي احسن . في الأخير هذه عائلتك

[وصال سلام]

الاعضاء كفاو وفاو عندهم الحق حاولي تقربيهم ليك تدي اجر صلة الرحم اللي قطعك ومهما كان هاذو عايلتك والديك

كون حتى دور راسو باباك روحي عيدي عليه وسلمي على راسو خليه يدير وش يحب نفس الشي مع امك وخاوتك راح يتفكرو هذي الجاست

راهم دوكا يقلك ماجاتش تعيد علينا حتى , روحي اجري عيدي عليهم وقوليلهم يسامحوك كي ما عيدتيش عليهم

ربي يفرج عليك دنيا واخرة


طوبى للغرباء

[naamane3]

لا تكلي ولا تملي ولا تسأمي من التكلم مع ابيك
لان رب العالمين يقول وصاحبهما في الدنيا معروفا
ثم اكيد انك تعلمي ان هذا ابتلاء من رب العالمين
وما ابتلاك الا لانه يحبك فهنيئا لك حب رب العالمين
فاصبري واثبتي والله ناصرك باذن الله
واعلمي ان دعائك وقيامك في رمضان لن يضيع
وان شاء الله سيعوضك الله خير

[SAMRA 33]

لا تفشلي اخيتي ولاتكتئبي ما دمتي في طريق الحق وادعي ربي يهدي اهلك وحاولي بكل الطرق تحسني علاقتك بهم رغم صدهم لك اكيد ستلين قوبهم ففي الاخير انتي ابنتهم وهم اهلك ومستحيل الدم يصبح ماء
ربي يوفقك ويثبتك ويصبرك

[7anine 87]

يخي عمبالك بلي راكى على الحق مالا لازم تصبري اختى الكريمة ولازم تبدلى كل جهدك باه تصلحى الاحوال مع والديك خاصة ماتمليش حاولى وحاولى باه تدى الرضاية وكان على الاقتناع ربي يهديهم ان شاء الله حبيبتى ادعي ربي وهو ليفرج كربك