هل الله إبتلاني ام انا مسحورة

[abdo nadir]

السلام عليكم ورحمه الله تعالى وبركاته انا اليوم حبيت نفرغ قلبي بلاك تفيدوني بحاجه ولا تريحوني بكلامات
المهم أنا بنت على قدر عالي من الجمال وربي أنعم عليا بيه الحمد لله من كل جيهة متربية ومن عايلة محترمة محجبة
مانيش نزكي في نفسي لكن بشهادة الجميع سمعتي مثل المسك عند جيرانا وكل أهلي وكل من يعرفني .وشاطرة في شغل الدار خياطة طبخ قاطو كل شي المهم ألف واحد يتمناني المشكل إنه ماكتبلي حتى واحد من الألف هذو يتقدملي في الأسبوع على الأقل خطاب ولا إثنين وكل مانقولو خلاص تبطل لحكايه الوقت يجري ومانكذبش عليكم بديت نوسوس كل مانروح لبلاصه يقولولي كيفاه ماتزوجتيش لضرك هذا السؤال عقدني وكرهني كاين اللي قالولي راكي مسحورة وأنا ساعات نقول بلي ربي إبتلاني بتأخر الزواج وهذا التعطيل وهل ممكن الله يجرب إنسان في هذا الموضوع قولولي واش ندير باه نطرد الوسواس والشيطان هذا وربي يجازيكم الخير أدعو لنا

[jihanne]

خاطب والا زوج فالسمانة
:d


رقي

[Floona]

نفس مشكل صديقتي

كي نكون معاهل حتى نكره كل يوم يجيها عريس

والنتيجة مازالها في دارهم

قامت برقية شرعية واكتشفت ان بها سحر ربي يعافينا

انتي رقي ومافيهاش عيب اقطعي الشك باليقين

ربي يرزقك ان شاء الله

[فارس وجواد]

السلام عليكم :
أختي لست خبيرا و لكن حسب علمي , أن السحر لا يخفى عن الإنسان المسحور ,
فالسحر له أعراض من خلالها يعرف الأنسان أن به سحر ,
و ليس بالضرورة كل من تعطل مشروع زواجها أو تأخر , تقول بي سحر ,
فأين المكتوب من كل هذا , أين التوكل على الله ,
أما بخصوص الكلام الناس , إجابة بسيطة , مختصرة , كافية و وافية ,
مازال المكتوب ما كتبش .

[الجسم في غربة والروح في وطن]

ـ يا اختي والله غير كان الي يعرفني يقولي كيفاه ما تزوجتيش شاطرة او لحمد لله متربية احسن تربية و بشادتي الجامعية و الشغل ما عندي ما نحكيلكمي ما كانش المكتوب و لكن كنت كل ما نسمع بوحدة تخطبة نفرحلها من قلبي او كنت كي نصلي ندعي للي نعرفهم كتر مني في السن او ماشي متزوجات و الله يا اختي كي جاني مكتوبي في سن 33 سنة او راجلي بينا 6سنين واله عوضني ربي صبري كل خير اعطاني زوج او اب او اخ او حبيب الحمد لله كيما نوصفو قليل يا أختي احبي لغيركي ما تحبين لنفسكي او عمرك لتقولي وعلاش انا هكدا او زيدي ادعي لغيركي عن ظهر غيب والل ديما ربي يعطي على حساب القلوب ربي يرزقك بزوج الصالح ((((كين واحد المثل شعبي يقول الي بارت على زهرها دارت ))) والله تعياي ربي يرزقك

[life is life]

صراحة اختي الناس تتطور و العرب يزيدو في الجهل تاعهم

صراحة انا سمعت بشيء حصل مع العديد من الفتيات و هو يسمى سحر الرباط

يعني من التخاريف و الشعوذة الله يهديهم

و كي يديرو هاد الشيء للفتاة لا يمكنها ان تتزوج ابدا

كاين لي يديروه لبناتهم خوفا عليهم و كاين الحسادين لي يديروه لبنات الناس باه ما يتزوجوش


و كاين احتمال تاني انو كاش واحد راهو يسيء لسمعتك وكلي ربي سبحانو

و ما ديريش ثقة فلجيران لي قلتيلنا عليهم كاين لي يضحكلك في وجهك و يهدر في ظهرك


المهم ما عليك فعله اولا سقسي امك بلاك كاش واحد دارلك الرباط هذا خوفا عليك وقتها لازم يتنحا بالرقية عمركم و لا تبادرو السحر بالسحر ،، و اذا قاتلك لالا

فانصحك اختي بالرقية الشرعية و الاكثار من الاستغفار

لا حول و لا قوة الا بالله شحال نديــgوتي كي نسمع بأمور هاك

ربي يكون معك اختي و يرزقك بالزوج و الصالح

سلام

[life is life]

المشاركة الأصلية كتبت بواسطة watani2013

ـ يا اختي والله غير كان الي يعرفني يقولي كيفاه ما تزوجتيش شاطرة او لحمد لله متربية احسن تربية و بشادتي الجامعية و الشغل ما عندي ما نحكيلكمي ما كانش المكتوب و لكن كنت كل ما نسمع بوحدة تخطبة نفرحلها من قلبي او كنت كي نصلي ندعي للي نعرفهم كتر مني في السن او ماشي متزوجات و الله يا اختي كي جاني مكتوبي في سن 33 سنة او راجلي بينا 6سنين واله عوضني ربي صبري كل خير اعطاني زوج او اب او اخ او حبيب الحمد لله كيما نوصفو قليل يا أختي احبي لغيركي ما تحبين لنفسكي او عمرك لتقولي وعلاش انا هكدا او زيدي ادعي لغيركي عن ظهر غيب والل ديما ربي يعطي على حساب القلوب ربي يرزقك بزوج الصالح ((((كين واحد المثل شعبي يقول الي بارت على زهرها دارت ))) والله تعياي ربي يرزقك

الله يبارك اختي و ربي يديم المحبة

"""" الصابر ينال """"

[samirabahi]

السلام عليكم اختي انا نسميها هده الحالة وليست مشكل لان هده الحالة وين تروحي تصيبيها اختي ان شاء الله يرزقك ويرزقنا الزوج الصالح ان شاء الله واحد مايكدبش على روحوا ويقول مارنيش مقلقة على هده الحالة نعم نتقلقوا بزاف سرتوا مع الاوضاع لرانا فيها لكن نقولوا الحمد الله لي يجي من عند الله مرحبى بيه اما ادا كانت من عند العبد فنقول حسبي الله ونعم الوكيل .

[abdo nadir]

المشاركة الأصلية كتبت بواسطة samirabahi

السلام عليكم اختي انا نسميها هده الحالة وليست مشكل لان هده الحالة وين تروحي تصيبيها اختي ان شاء الله يرزقك ويرزقنا الزوج الصالح ان شاء الله واحد مايكدبش على روحوا ويقول مارنيش مقلقة على هده الحالة نعم نتقلقوا بزاف سرتوا مع الاوضاع لرانا فيها لكن نقولوا الحمد الله لي يجي من عند الله مرحبى بيه اما ادا كانت من عند العبد فنقول حسبي الله ونعم الوكيل .

شكرا أختي على الرد ربي يجيب اللي فيها الخير

[" أبو عبود"]

بصح كم عمرك حتى راكي موسوسة كيما هاك؟

[abdo nadir]

المشاركة الأصلية كتبت بواسطة " أبو عبود"

بصح كم عمرك حتى راكي موسوسة كيما هاك؟

انا ماشي موسوسة الناس وصلتني للوسواس عندي 29 سنة

[راية الاسلام1]

السلاام عليكم
أختي هذا ان لم يكن سحرا فعين او حسد
سااارعي الى الرقية قبل فوات الاوااان
الناس اصبحت لا ترحم، والحقد والغيرة ملات قلووبهم
نصيحة لوجه الله ارقي نفسك عند مختص
وهو سيعرف ان كنت مسحوورة ام لا
موفقة حبيبتي