ساعدوني كيفاه نفطم ابني

ام قصي04 · 2014-06-06, 18:30

سلام عليكم يا البنات ارجوكم ساعدوني كيفاه نفطم ابني عمره سنة نحيتلو هذ الايام الرضاعة في النهار و نرضعو غير في الليل حتى اليوم لقيت مرا قاتلي ماشي مليح مترضعيهش نهار كامل و مبعد ترضعيه في الليل الحليب يعود مهوش مليح ويضر ولدك حتى خوفتني
والحاجة الثانية راه محبش يشربلي الحليب الصناعي درت بيوميل و ظرك بدلتلو نورسي غير يشربلي 90 بالسيف زوج خطرات في اليوم
انا راني حابة نحبسلو الرضاعة خاطر نشرب في حبوب منع الحمل يعيشكم كل وحدة تقلي كيفاه فطمت ولدها وقداه قعد باه والف بالبيبرونة وصح كاين منها الحليب يضر الصغير كي تعود الرضاعة غير في الليل فقط

بصمة قلم · 2014-06-07, 10:45

وعليكم السلام ورحمة الله
ليست لدي فكرة عن الفطام لكن اردت فقط نصحك اختي
اذا كانت صحتك جيدة فلماذا الفطام الان ، زيدولو شوية مازال صغير
وبالنسبة لعدم ارضاعه في النهار فهذا خطا كبير اختي ،
الطفل بحاجة للحليب وهو مادة اساسية في تغذيته خاصة في الثلاثة سنوات االاولى
رضعيه على الاقل مرة في الصباح و مرة في المساء

ام قصي04 · 2014-06-07, 18:07

اقتباس:

المشاركة الأصلية كتبت بواسطة بصمة قلم

وعليكم السلام ورحمة الله
ليست لدي فكرة عن الفطام لكن اردت فقط نصحك اختي
اذا كانت صحتك جيدة فلماذا الفطام الان ، زيدولو شوية مازال صغير
وبالنسبة لعدم ارضاعه في النهار فهذا خطا كبير اختي ،
الطفل بحاجة للحليب وهو مادة اساسية في تغذيته خاصة في الثلاثة سنوات االاولى
رضعيه على الاقل مرة في الصباح و مرة في المساء

شكرا لك اختي على الرد انا حابة نفطمو لاني منذ بدأت نشرب حبوب منع الحمل وحليبي نقص

Maria dadi · 2014-06-08, 10:56

أختي راكي على خطء متنحيش ابنك الحليب في النهار راهو يكرهو ويعود
مايشوبوش

narcisse83 · 2014-06-16, 14:35

سلام اختي ربي يكون في عونك، ا
لاكان راكي حابه تفطميه صح نحيلو خلاص صدرك حتى الليل و ماتعطيهش، ح راح تجيه واعرة مع الاول و مايحبش يشربلك حتى حاجه بصح صدقيني ابقاي انسيسثي عليه على حليب القرعه، ، و دوك تشوفي ماتجي تفوت سمانه يولي هو اللي يحوس على البيبغون،
و اما ليك اناي حطي التلوة تع القهوة في صدرك، راهو وحدو يولي ينفر منه
و في النهايه نقولك بلي ابنك مازالو صغير عالفطام، علاش ما تاخديش cerazetteراهي ضعيفه من حيث الهرمونات ، و حليبك راح يبقى كيما قبل،
و الله اعلم
سلام اختي

حب ربي*ملأ قلبي · 2014-06-17, 19:42

أختي نقولك تجربتي مع بنتي فطمتها على عام و 8 اشهر كنت حابة نكملها لعامين لكن صحتي ماسمحتش فاللول فطمتها فالنهار و عوظتها بالعصائر بالحليب و الياؤورت بصح تقطع قلبي عليها كي نشوفها تبكي و بقالي كيفاش نفطمها فالليل بصح من بعد ربي هداني لفكرة و نجحتلي الحمدلله بدون عذاب و بكي وووو تجيبي حلبة مرحية و تحطيها عند فراشك كي ينوض يبكي فالليل جيبي فنجان فيه شوي ما و ديري الحلبة تولي كيما العجينة السايلة و تدهني صدرك بيها و تمديهلو بلا ما يحس رايح يشد مرة و يطلقو و لا يتعيف منو لخاطر راه طعمها مر بصح ماتضروش و اذا رفض اعطيه جي بالحليب فالبيبرون مرة زوج و يكرهك بنتي قعدت 3 أيام على هذا الحال و بعدها شربتلي الحليب بصح فالنهار مرة على مرة ديريلو لحليب بالاك يتقبلو
لكن اذا تقدري ترضعيه تقدري تكمليلو مزالو صغير وراه وقت السخانة و ينوض الأسنان ننصحك تدعمي روحك بحبوب ادرار الحليب كيما فيلي و كاين أنواع سالي عليهم على الأقل كمليلو فترة السخانة و بالتوفيق

Rose19 · 2014-06-17, 23:37

السلا م عليكم اولا هناك عدة انواع من حبوب منع الحمل للمراة المرضعة ثانيا ولدك عمره سنة يعني حليب لحظة مناسب ليه توجد كلوريا جنيور للاطفال روعة حتى وزنو يزيد اما بالنسبة للفطام في الصيف يسبب له مشكل وهو عدم الرضاء باي بديل لحليبك اذا انصحك بعدم فطمه في الصيف لانو يشي لان الحليب في الصيف ما ناشوربوهش كثير ابدئ انا ابني في عام ياكل كل شي عودتوا علي الاكل فالحليب صباحا وبعد الضهر ومساء وقبل النوم فقط والباقي ياكل اقدم له عصير ياغورت بسكوت فواكه.. اما ان احببت فاتبعي نصيحة الاخت ضعي شيئ على صدرك لكي يكرهه نحن نضع شيئ مر فيكره صدرك انا ابني نزعت ليه سوسات وضعت ليه دواء احمر فيها كرها عمرو سنتين اما الصغير تمنيت ان ارضعه من صدري لكن .. للاسف ماعنديش حليب المهم لا تفطمي ابنك في الصيف اكليه مليح ينسي صدرك

ام خليل § · 2014-07-05, 00:40

ربي معانااااااااااااااااا

لحن الحياة. · 2014-07-17, 16:09

ديري الحنة في منطقة الرضاعة اختي تاني فطمت بنها على عام