في ما يخص لامونة بالكريمة

الوهرانية 1 · 2013-05-22, 20:26

السلام عليكن اخواتي الكريمات
طبعا رانا عايلة وحدة بالرغم من اننا في اماكن مختلفة يجمعنا منتدى واحد اصبحنا نتكلمو عليه في كل مكان في العمل في السوق في قاعات الحلاقة و.........و.........و........
حديثي راح يكون على اللامونة الي حطيتها وبالمناسبة نشكر كل الاخوات الي جربوها

بغيت نقول للاخوات ان هاد الوصفة اجتهدت فيها وكانت مجرد فكرة طبعا ماشي ابتكار لانها معروفة وموجودة في المحلات لكن اجتهاد في انني نصنعها ونجربها بمقاديري الخاصة وبعجينة انا نستعملها مند سنوات في المالح والحلو وبقيت نجرب العجينة درتها خبز وكعك وبريوش وكرواصو ولامونة بالسكر
وفي يوم قلت نجربها لامونة كيما تع برى ونحشيها جربتها 3 مرات في الرابعة صورتها ليكم والصراحة انا ندير عيني ميزاني لانو هاد العجينة ولات صحبتي تفهمني ونفهمها لكن من اجلكن اخواتي عبرت بالمقادير المضبوطة و حطيت الوصفة بالتفاصيل واقسم بالله العلي العظيم ان هده الوصفة كانت نتيجة تجربة خاصة ولا حتى واحد اعطاني الوصفة ولا اخدتها من مكان ما
اقول هدا الكلام لان فيه اخت قالت في ردها انها اديرها دائما وسمعتها في اداعة وهران
وانا متاكدة من كلامي صح الي يهمني هو انني افدت الاخوات
بصح ثاني تعليقات كيما هاك راهي تحطم المعنويات
واسمحولي اخواتي الكريمات على الاطالة
ياك يقولو ناس زمان الدبانة متقتلش بصح توجع الخاطر
تحياتي

touta2010 · 2013-05-22, 20:54

حنونة انا وحدة من جربوها وكل من كلاها عندي عجباته وقلتلهم جبتها من عند وحدة وهرانية هههههههههه وفرت كثير بيها ولحد الان نديرها وندعيلك حتى اني مرة بعثتها الامي هههههههه
ربي يجازيك ومايهمك من كلام الناس ياجمييييل

الوهرانية 1 · 2013-05-22, 21:03

اقتباس:

المشاركة الأصلية كتبت بواسطة touta2010

حنونة انا وحدة من جربوها وكل من كلاها عندي عجباته وقلتلهم جبتها من عند وحدة وهرانية هههههههههه وفرت كثير بيها ولحد الان نديرها وندعيلك حتى اني مرة بعثتها الامي هههههههه
ربي يجازيك ومايهمك من كلام الناس ياجمييييل

شكرا حبيبة كلامك حلو كيما قلبك

linat · 2013-05-22, 21:03

ya3tik saha ya wahraniya wa ya3tik rabi matatmanaye amine rani nhabekkkkkkkkkkk bezeeeeeeeeeeeef wa rani nastana fi les resetes taw3ak wa mercccccccccccccccciiiiiiiiieeeeeeeeeeeeeee

الوهرانية 1 · 2013-05-22, 21:05

اقتباس:

المشاركة الأصلية كتبت بواسطة linat

ya3tik saha ya wahraniya wa ya3tik rabi matatmanaye amine rani nhabekkkkkkkkkkk bezeeeeeeeeeeeef wa rani nastana fi les resetes taw3ak wa mercccccccccccccccciiiiiiiiieeeeeeeeeeeeeee

شكرا يا غالية ربي يخليك

لينا11 · 2013-05-22, 21:06

ياحنونة كل وحدة هنا تدير حاجة تنويها صدقة جارية ولوجه الله

انتي المهم افدتي خوتاتك وفرحتي بزاف عايلات هذاك هو المهم

واغلب الوصفات متشابهة مع الاختلاف طبعا وانتي اجتهدتي وربي يبارك فيك

شخصيا والله نويت نجربها بصح مع مرضي للاسف استعصى عليا بصح راهي في راسي وقلبي نجربها دعيلي معاك برك نرتح وننعت لك تطبيقي

ربي يبارك فيك ويعطيك قد نيتك ويفرحك كيما فرحتي ولاد وبنات نساء ورجال عجايز وعجوزات

الوهرانية 1 · 2013-05-22, 21:11

اقتباس:

المشاركة الأصلية كتبت بواسطة لينا11

ياحنونة كل وحدة هنا تدير حاجة تنويها صدقة جارية ولوجه الله

انتي المهم افدتي خوتاتك وفرحتي بزاف عايلات هذاك هو المهم

واغلب الوصفات متشابهة مع الاختلاف طبعا وانتي اجتهدتي وربي يبارك فيك

شخصيا والله نويت نجربها بصح مع مرضي للاسف استعصى عليا بصح راهي في راسي وقلبي نجربها دعيلي معاك برك نرتح وننعت لك تطبيقي

ربي يبارك فيك ويعطيك قد نيتك ويفرحك كيما فرحتي ولاد وبنات نساء ورجال عجايز وعجوزات

حبيبتي الغالية انا منبخل حتى على وحدة وربي عالم ما في قلبي انا كتبت الموضوع حتى تصدقوني برك
ووضحت الامر للاخت
شكرا ليك

الأمنيات · 2013-05-22, 21:13

اهلا باختي وحبيبتي واش راكي انا راني جربتها وعجبتني ومعوله منين نروح لدارنا نديرها لهم
كلام الناس زايد ناقص انتي راكي تفيدي في خواتاتك والاخرين الي ما حبش ما يدخلش
رانا نتعلمو ونستفادوا وربي يجازيك ويجازيك كل اخت تحط وصفه فيها الفايدة

لينا11 · 2013-05-22, 21:14

اختي رانا مصدقينك عسولة

وراني نسنى مزيد من ابدعاتك ياحبيبتي

أم ياسين الزهراء · 2013-05-22, 21:16

اختي انت وصلاتك عند ربي نشكروك بزاف والهدرة فيها فيها وخليك منهم انا درتها وعجبتهم وراكي فكرتيني بيها ان شاء الله نزيد نعاودها ونويت في رمضان نديرهالهم تعيشي اختي

*بيتي مملكتي* · 2013-05-22, 21:52

عزيزتي الوهرانية

أولا نتمنى تكوني بألف خير

ثانيا يقولون إذا أتتك مذمة من ....... فاعلم بأنك الكامل

لست بذلك أقصد تجريح احدهم لكن هذه المقولة اعتمد عليها كثيرا في حياتي لأنها تعبر عن واقعنا المعاش حاليا خاصة

عزيزتي كلنا جربناها (اللامونة) و كانت في القمة و معولة نعاودها حنونة و حتى راني معولة نحطها في صفحتي نتاع الفيس بوك و نقلهم نتاع حنونتي الوهرانية

يقولون كذلك ملؤ السنابل تنحنين تواضعا و نحن نعرفك جيدا عزيزتي لا داعي لأن توضحي ذلك لأحد

و نقولك حاجة كثيرا ما أتعرض لمثل هكذا مواقف في أمور عدة صح تغيضني روحي لكن أواجهها بإبتسامة تجعل من سخر مني يحمر خجلا

أبدا عزيزتي لا تبرري نفسك أمام من يحاول أذيتك خذيها من اختك نصيحة لأن لي تجارب عديدة علمتني الكثير الكثير في هذه الحياة

لأن تبريراتك تزيده فرحا و غبطة بما فعل

و كوني على ثقة أن ثقتي بك و بوصفاتك لا حدود لها حبيبتي الغالية

ربي يوفقك لكل ما فيه الخير و الصلاح

و اعذري صراحتي لأنك عزيزة على قلبي و ربي اللي يعلم

لمسة حنية · 2013-05-22, 21:59

حبيبتي واختى لا تهتمي بي اي احد كيما قتلك زمان ديري علجال ربي
المهم نية الصحيحة
انا عازما نديرها كيما تاعك بصح مزالت مدرتهاش بصح انتظري مفجاءة على قريب هههههه
راني نحب نشهر روحي زعما يارني توحشتك ياختى
كل واحد واختلافه في طياب انا تاني نعمل ساعات من عندكم ساعات من عندي وتقريبا نفسك بصح في اختلاف ورانا كلنا نتعلمو من بعض
ربي يجزززززززيك حنونه ونزيد نعودلك لا تهتمي بكلام ناااس لا يدي ولا يجيب

حب الله لا يعادله حب · 2013-05-22, 22:49

كبري قلبك هذا منتدى فيه الزين والشين والناس معادن حبيبتي كل واحدة لما تحط موضوع لازم تتوقع اي رد وبأي طريقة سواء كان نقد بناء او هادم على هدا انتي شوفي للناس والردود بنظرة ايجابية شوفي اللي حبو موضوعك واللي طبقوا وصفتك شحال يعني هدي اللي هدرت اذا قصدتك تحطملك معنوياتك ماتبانش معاهم خلاص راه عندك الاف المعجبات ماتهتميش بالهوامش عزيزتك
ومن جهة اخرى ممكن ماقصدت شيء او شبهت الوصفة لااكثر ولا اقل تقبلي كل شيء بصدر رحب وماتعمريش راسك بالخاوي كيما يقولو ياااك

*أم كوثر* · 2013-05-23, 07:20

السلام عليكم
هده هي ضريبة النجاح عزيزتي
الشجرة المثمرة ترمى بالحجارة
معليش
كلننا نعرفوك ونعرفوا قيمتك
واللي هدر فيك نقص عليك
ارمي وراك
ورانا نستناو جديدك