لي خياطة تدخل تعيشو محتاجتكم ضروري

[همس الحروف]

السلام عليكم جمعتكم مباركة لي تعرف كيفاه نفصلو ونخيطو سروال كلاسيك تنعتلي كيفاه راني دخلت سونطر نتعلم في الخياطة ودرتلنا الاستاذة درس على سروال كلاسيك وانا كان عندي ضروف ما حضرتش وقاتلي مانعاودلكش الدرس ورحت لبنات ما فهمونش مليح وراني فصلتو بعد ما ديت الباترون من عندهم وقطعت القماش بالصح ما صلاحليش تعيشو تعيشولي تعرف ما تبخلنيش راهي راح تنقطنا عليه في متحان ربي يجازيكم

[همس الحروف]

ولا رد علاش عليكم يا خاوتي كل ما نسال سوال تحقروني وما تردوش عليا قولولي علاش برك ولا قولولي اخرجي من لجروب انت غير مرغوب فيك هنا

[mirichi]

اختي انا منعرفش ولكن كوني صبورة اكيد الاخوات رايحين يردوا عليك و يتحل مشكل كلنا هنا نتعلم من بعضنا البعض

[الخروبية]

السلام عليكم شوفى هذا لكان بيساعدك تحية من الخروبية للجميع سلام ياكرام

[الخروبية]

السلام عليكم انا غلطت اسمحيلى بعتلك الحجاب ليك ارجو المعذرة

[همس الحروف]

وعليكم السلام معليش الاخت خروبية مش مشكل

[همس الحروف]

المشاركة الأصلية كتبت بواسطة mirichi

اختي انا منعرفش ولكن كوني صبورة اكيد الاخوات رايحين يردوا عليك و يتحل مشكل كلنا هنا نتعلم من بعضنا البعض

اسمحيلي والله قلقت كل ماندخل قسم نسال على حاجة عدد المشاهدينبن ربي يبارك والاجابة ربي يجيب وفوتها بصح هذا راني محتاجاتوضروري حتى لقماش فسدتو عندي عليه امتحان حتى حوست في اليوتيوب لقيتم كامل بلغةاجنبية ما فهمت والو

[crono]

المشاركة الأصلية كتبت بواسطة همس الحروف

السلام عليكم جمعتكم مباركة لي تعرف كيفاه نفصلو ونخيطو سروال كلاسيك تنعتلي كيفاه راني دخلت سونطر نتعلم في الخياطة ودرتلنا الاستاذة درس على سروال كلاسيك وانا كان عندي ضروف ما حضرتش وقاتلي مانعاودلكش الدرس ورحت لبنات ما فهمونش مليح وراني فصلتو بعد ما ديت الباترون من عندهم وقطعت القماش بالصح ما صلاحليش تعيشو تعيشولي تعرف ما تبخلنيش راهي راح تنقطنا عليه في متحان ربي يجازيكم

وعليكم سلام أختي
مشفتش سؤالك حت دورك
بصح وش فهمت راكي فصلتيه

نحطلك هاد طريقة خياطة سروال
خيطي قبل الباسان



ثم خيطي من جهات ديال الجانب الامامي ديال السروال
خط الهونشثم الوسط تع لافورش

وهوليك سروال

[همس الحروف]

المشاركة الأصلية كتبت بواسطة crono

وعليكم سلام أختي
مشفتش سؤالك حت دورك
بصح وش فهمت راكي فصلتيه

نحطلك هاد طريقة خياطة سروال
خيطي قبل الباسان



ثم خيطي من جهات ديال الجانب الامامي ديال السروال
خط الهونشثم الوسط تع لافورش

وهوليك سروال

ايه يا اختي فصلتو بصح ما عرفتش كيفاه نلصقهم ما جاونيش كيما الصورة الاولي يجوني بالعكس ياريت تفهميني اختي في واش غلطت ولا لازم ما نقصهمش كيفكيف من جهة وحدة

[موجو جوجو]

اختي حطي صورة سروالك ممكن نقدرو نوضحولك من خلال الصورة تاعك

[همس الحروف]

المشاركة الأصلية كتبت بواسطة موجو جوجو

اختي حطي صورة سروالك ممكن نقدرو نوضحولك من خلال الصورة تاعك

اسمحيل اختي الميكرو ثقيل جربت نصور بصح بورطابلب عيان خرو صور ضلمة حاشاك لقيت هذا الصور بلاك تفهميني ياك نورمالمو يلصقو هكذا
بصح انا يجوني هكذا
https://www.leenas.com/Kuvat/draw_men_pants2.gif
الااذا قلبتهم بصح ما يصلحوش لان وحدة تجي على وجه لقمش ولخرى على ظهرو ان شاءالله تكوني فهمتيي اختي