اقتباس:
المشاركة الأصلية كتبت بواسطة أمير دي زاد
السلام اخي أمين راني قاصد بالخدمة الوطنية اجبارية امر حتمي رد على بعض الأعضاء لي يقولو وعلاه مارهيش اختيارية و زيد انا رحت وين بعثوني و لي يروح واش راح يخسر يسوي الوضعية يعقب او يخرج فائض أحسن من يقعد حتى يصبح عاصي و بعد روشارش و هو عمرو في 30 سنة او أكثر و اذا راني غالط ممكن تفهمني و متقبل اي نقد منك انت او اي شخص اخر
|
خويا كون عقبيتها متهدرش هكذا و ماتقولش هذ الكلام انت ناب عليك ربي و الحمد لله و مبروك عليك نقولهالك من القلب لكن الي راه يفوت فيها مسكين صح يدي 16200 دج و عامين تقاعد لكن كاين لي تموت يماه و ميشوفهاش تتسرق دارو و مش حاضر يموت باباه و مشً حاصر يزوج خوه ولا ختو مشً حاضر البنات يدو في الي بوسط و هوا راهو استرح استعد الى الامام سر و هيا راهي بالخدمة سكنة و زيد تتقلش عليه. عام و يخرج بلاطاي تتكلم عن تقاعد قلي كاينة الخدمة باش نحكيو على التقاعد ؟
اخي اذا انت عندك باباك و خاوتك يوقفوا عند مك اذا مرضت نقولك انا بابا الله يرحموا عندي خويا اكثر مني بعام و يخدم في بلاصة بعيدة 2000 كم في عمق الصحراء باش يريقل امورو يزوج مالا انا كون نروح يما نخليها عند جدار مئة و لا نديها معايا للكازيرنا ؟ اذا درت ملف كفالة نريح عام كامل باش يطلقوني قولي هذا ماشي منكر و كاين بزاف كيما انا ربي بفرجها عليهم و علينا انا المعريفة معنديش عندي ربي يما في الدنيا هذي
اخي نقولك حاجة و اتفكرها ما توزنش الناس على ميزانك كل واحد عنده ظرف يعلم بيه ربنا العالى القدير .
انا ما نحب لا تقاعد تاعهم لا خدمة تاعهم لا 16200 تاعهم ماذابيهم يبنو بيها جامع ولا يمدوها لشكيب خليل مسكين انا نحب يخطوني والسلام
تهلا في روحك و لعقوبة للخدمة خويا و زواج ان شاء الله