[مشكلتي]

[size="5"]السلام عليكم
راح نحكيلكم على قصتي الي متعبتني بزااااف
من اربعة اشهر او اكثر تقريبا حسيت في الليل بتعب شديد وحسيت انو راح يغمى عليا مشيت للمستشفى وعملولي تحليل ودارولي سيروم ومالقاو عندي اي شيء
المهم رجعنا للبيت وانا مش عارفة اش بيا المهم حاسة انو كل اعضاء جسم متوقفة وبقيت على هادي الحالة ايام
ومشيت لطبيب خاص وعملت تحاليل اخرى على الدم والكالسيوم والغدة الدرقية ونفس الشيء مكاين والو
وبقيت نحس بالفشلة وانو كل اعضاء جسمي راح تتوقف عن العمل
قالولي راه ممكن موضوع رقية مشيت ورقيت ثاني بقيت نفس الشيء نرتاح يوم ونتعب ايام
قاتلي ماما ممكن راها مجرد حالة نفسية ومااتفكريش فيها تروح عليك
انا مش نفكر فيها بصح هي تتفكر فيا كل مانكون جالسة تجيني الالام في جهة الصدر جهة القلب مشيت لطبيب القلب ثاني مكاين والو غير قولون
لدرجة انو الطبيب الي نمشي ليه ونقولو بالاللام ومايلقى عندي والو يعطيني ادوية اعصاب وطبعا مش ناكل فيها
صرت غير نفكر في حالتي واني رايحة نموت ولات عندي الخلعة والخوف الشديد
طول اليوم مش في عقلي غير ساكتة ونفكر وموسوسة
حتى خطيبي الي تتمناه اي بنت مش مهتمة بيه وهو عارف بحالتي[/size]
تعبت من حالتي هادي وماعرفتش اش بيا كل مرة نقول راه وقت ويوفوت بصح طولت عليا بزااااف راني في اشهر اتبدلت تماما وليت غير ذابلة وساكتة ومانخدم والو في الدار
قريت انو ممكن قولون عصبي بصح كي قريت عليه انو مش مرض خطير بصح رايحة نهبل منو نفسيا حاسة انو اعصابي على شعرة
ارجوكم ساعدوني