[سطايفية بكل فخر]

بلعقل برك اخي
بداية شوف روحك وشا تحب تقرا
اذا كنت تحب العلوم اختر العلوم الطبية كالطب والصيدلة وطب الاسنان والبيطرة ومدارس العلوم الوطنية
اذا تحب مواد الحفظ والادب والتعليم خير مدارس عليا للاساتذة
اذا تحب الرياضيات والفيزيا اختر تخصصات تقينة مث لي ذكرتهم
ثانيا فيما يخص العمل والمستقبل التخصص الوحيد لي يسنيو كونطرا عمل هوما تاع الاساتذة الباقي كلو مش مضمون
الا انو المدارس العليا لديها اولوية على الجامعات
بالنسبة للمدرة متعددة التقنيات لازم تفوت قسم تحضيري متعدد تقنيات وتقرا فيه عامين بلا متعاود ولازم تعقب مسابقة وطنية وعلى اساسها يبعثوك للمدرسة لي باغيها لكن فيها كلاسمون ايضا هناك تخصصات بزاف تابعة ليها
بالنسبة للمدرسة العليا للاعلام الالي تخرج مهندس دولة في الاعلام وعندك اولوية تخدم في بوست مهندس دولة في اي كونكور تعقبو لوكن كيما قتلك عندكم اولوية وليست مضمونة
بالنسبة للمحروقات والالكترونيك رجعوهم ل م د يعني بلا ماستر مدير بيهم والو لازم تقرا وتجيبز وتلحق دراسات عليا لما لا
اذا كنت تحب الكيميياء خير المحروقات لانو مجالها كيميائي اما اذا تحب الفيزياء والكهرباء خير الالكترونيك ولعلمك هذا التخصص الوحيد العلمي لي يدرس بالانجليزية وسقس عليه الاخ صلاح يجاوبك على فرص العمل
بالنسبة للمدرسة العليا للتكنولوجا تدخل طول تقرا فيها وتخرج مهندس دولة في احد تخصصاتها
اقرا هذا امقال عليها
https://univ.ency-education.com/enst-technologie.html
+
معهد الاتصلات السلكية ولا سلكية مليح ايضا اخي وعندكم فرص عمل كثيرة لكن ايضا مش مضمونة ايضا لكنهم تقريبا يلقاو عملفي شركات الهاتف جيزي موبيليس اتصالات الجزائر
او في الشركات تاع ليريزو سقسي ايضا الاخ صلاح عليه
بالنسبة للمصريفية لازم تعقب الكونكور وكي تنجح لازم تلقا بنك يدفع رسوم دراستك وتخدم طول عندو يعني تسنيي كونطرا معاه

كل التخصصات متاحة اليك وهذا صعب
خمم مليح وصلي صلاة الاستخارة وشاور الاهل وشوف وشا حاب تقرا وربي يوفق ان شاء الله