السلام عليكم
اولا لازم تحدد واش حاب تقرا في لا فاك
خاطر ادا كنت حاب تسيير وتجارة ..مادابيك تروح تسيير واتصاد
ادا حبيت طب ...وحتى الصيدلة ..والبيولوجيا ووو....هنا اقترح عليك العلوم التجريبة
شعبة الرياضيات ...ممكن دير بها اي حاجة والمعدلات منخفضة على بقية الشعب ...
بصح ماديرش الغلطة اللي انا درتها
انا كنت من شعبة رياضيات
والان راني نكمل قرايتي في الطب
ادا كنت رياضي
راح تنغبن في بداية المشوار
لان شعبة رياضيات ما فيهاش حفظ
ثم ان الطب كله حفظ في حفظ
راح تجيك واعرة عامين ما حفظتش ومن بعد تروح تخلي الرياضيات والفيزياء
وتروح تحكم حيط وتحفظ قدامه
ثم انه في بداية العام راح تلقى صعوبات في بعض المقاييس خاطر
كاين اسس في العلوم الطبيعية ... وماراحش يعاودوهملك في لا فاك
شوية غبينة
بصح في النهاية دايما اصحاب شعبة رياضيات يتفوقوا في جميع الشعب
وهدا عن تجربة
تقني رياضي ...شعبة شابة بزاااف ...بصح ما فيهاش مستقبل في بلادنا
لا انصحك بها
افضل الشعب رياضي
لانها تعلمك كيف تتعايش مع جميع الشعب
حتى ولو لم يكن فيها رياضيات وفيزياء
ولكن ادا كان عندك هدف
مادابيك تبعه من الاول
وتختار شعبتك
ربي يسهلك في الاختيار
تحيتي
سلااااام