السلام عليكم اخي وسيدي ابو ياسين
اضن انك تعرفني ... فانا من رواد همزة وصل... لكن ارتادها من اجل ابني الذي يدرس سنة رابعة....وقد افادتني مداخلاتك كثيرا... ولم اجد جزاء لك سوى الدعاء لك بالجنة
ولم ارد ان اخلط الامور في همزة وصل فيما يخص ابني الذي يدرس سنة اولى... لانو كارثة حقيقية... حتى قريب نيأس منو
المهم... ابني مرض في صغرو كثيرا... مما اثر على نموه العقلي
.... يعني تفكيرو ثقيل... دخل هاذ العام سنة اولى وما قراش تحضيري لاننو ما لقينالوش بلاصة... لانو عدد التلاميذ في التحضيري محدود... المهم ... اليوم معاناتي في تدريسو اكبر من اني نكتبهالك هنا.... تقريبا لا يستوعب شيئا
... كي رحت للمعلمة تاعو ... بانتلي متقلقة منو لانو حشام وغير حركي ويخرج للمرحاض كثيرا... يعني زادت كملت عليا وعليه.
..
كل يوم نحاول معاه... لا انكر انو فيه تجاوب ... نحاول نقريه دروس القراءة فقط... لاني علبالي الرياضيات راح نهبل انا وياه
اذا امكن نصحي كيف ابدأ معه... مع العلم انو يعرف يحسب الى 30 او اكثر... يعني الطرق الي راك تمدلنا فيها تصلح مع ولدي ولا لا؟؟؟؟
مع العلم اني اشتريت له كتب خارجية تاع الرياضيات الي فيها تلوين وغير ذلك من التمارين المشوقة
بارك الله فيك وفي اولادك