[أمّ عبد الله]

السلام عليكم ورمة الله وبركاته
أنا رأيي من رأي الأخت أم سراج وملاك .... كي تكون الوصفات في مواضيع مستقلة أحسن ... هكذا ما تضيعش بين الصفحات وكي نحوسو عليها نلقاوها بسهولة

ها هي الوصفة تاع ليسوفلي

Chaussons soufflés



هذو الشوصون كنا نشريوهم من عند بيتزريا لكم كيما تعرفو مصداقية البيتزريات هههههه
يجيو منفوخييييين و بنان
مقادير العجينة

ثلاث كؤوس فرينة
ملعقتين صغرتين خميرة الخباز
ملعقة كبيرة سكر
ملعقتين صغيرتين ملح
بيضة
ملعقتين اكل زيت
1/4 كاس حليب دافئ
ماء دافئ
نخلط الكونات الجافة مع الزيت و البيضة
ثم نظيف الحليب و الماء حتى الحصول على عجينة طرية نعجنها و نقسمها الى سبعة كرات نخليوها ترتاح نص ساعة حتى ساعة اكيد نغطيها ببلاستيك و قماش


الحشو
جبن مبشور
زيتون اخضر مقطع
لحم مفروم مع الفطر محمرين في المقلة مع شوي زيت ملح و فلفل اسود
طماطم و فلفل مرحين و مملحين مطهين لمدة دقيقتين مع ملعقة زيت


باستعمال الفرينة نفرد العجينة و السمك يكون رقيق
نحطها في الصينية مرشوشة بالفرينة فقط
ندهن نصها بالطماطم و الفلفل
نضع كمية من اللحم و الفطر و الزيتون
و الجبن المبشور
نغلق الحواف بالماء

نخليهم يرتاحو نص ساعة و نسخن الفرن 220 درجة
نحطهم يطيبو راح يتنفخو و يحمارو من الأسفل
نشعل الفرن من فوق و ندهنهم بالزيت و نردهم يحمارو من فوق
نقدموهم سخنين مع مشروب و سلطة


الحشوة ممكن نغيروها كيما نحبو
انا و حدة من الكرات عملتها بيزا متوسطة الحجم



و الف هنا و شفا
ان شاء الله تعجبكم يارب

وهذا رابط الموضوع : https://www.djelfa.info/vb/showpost....05&postcount=1