[همسات ايمانية]

السلام عليكم

اهلا اختي

بالنسبة للطريقة فهي سهلة

اولا بعد تقطيع الراس والاطراف ضعي الكل في قدر عميق ، به ماء يغطيه تماما اضيفي االثوم ( حب ) ممكن راس كامل او اكثر + ملعقة كمون + ملح + فلفل أسود + ربطة معدنوس للذوق
وغطيه وخليه حتى يطيب مليح

بعد ما يطيب قومي بتصفيته ثم افصلي الجزء الذي يؤكل وقطعيه قطع صغيرة واتركيه

ملاحظة تحضري صوص اخرى فيها ثوم مرحي + كمون + طماطم مركزة + حبات طماطم مرحية + فلفل أسود + زيت (( الملح على حساب الحاجة لانك لو درتي في الاول ممكن ما تحتاجيش المهم ذوقي وقدري ))

هنا الافضل لكي ما تاخذيش وقت تطيبي الحميصة لوحدها واضيفيها بعد ما تطيب للصوص
ملاحظة ممكن تضيفي قليل من المرق اللي طاب فيها الزليف للصوص وكاين البعض يرجع المزيج فيها لكن انا لا انصح بهذا لان المق اللي طاب فيها تحوي كمية كبيرة من الدهون وممكن تطلع الكوليسترول بصفة رهيبة
وهنا ايضا اذواق هناك من يضع القرعة مقطعة بالطول في الصوص وهناك من يضع اللفت
ولكن يمكن أيضا تكون بالحميضة فقط
المهم عندما تطيب الصوص ديري البوزلوف وخليه ياخذ بنة المرق ويعقد شويا وقبل ما تطفي ديري كمية لا باس من المعدنوس مقطع رقيق
وشهية طيبة وبالصحة والهنا