مستحيل أقتنع بإن "هاري كين" تم تأسيسه على إنه يكون مهاجم فقط ، مستحيل القدرات العظيمة دي في صناعة الفرص والأهداف تكون قدرة مهاجم بس ، 100% الراجل ده كان بيلعب صانع ألعاب كلاسيكي لأن أتيتيوده بالكرة بيحسسك بكده.
قدرة "كين" في انه يتحول لصانع ألعاب ويعمل Key Passes في النقط العمياء اللي بيتحرك فيها "سون" بالأخص بجانب "كلوسيفسكي" هي قدرة غير طبيعية بصراحة وحقيقي قدرة مثيرة للاعجاب والاهتمام.
الراجل عنده Game Awareness غير طبيعي بيخليه يعرف امتى وفين ينزل يستلم في الثلث الأوسط ، وفي وقت تحركه لاستلام الكرة بيستغل "سون" استدراج "كين" لدفاع المنافس وبيخليه Out of Position عشان يتحرك في المساحة المخلقة ياخد فيها التمريرة المفتاحية.
"هاري كين" مش بس مهاجم فتاك قصاد الشبكة وفينيشر أنيق ومتمرس في إنهاء الهجمات وجول ماشين زي ما قال الكتاب ، لأ الراجل مهاجم متكامل حرفياً جامع بكل الصفات اللي يتمناها أي كوتش في المهاجم بتاعه.
"هاري كين" حقيقي هو اللاعب الإنجليزي الوحيد اللي يستحق كل كلمة بتتقال في حقه من الألف للياء ، مهاجم World Class متكامل بمعنى الكلمة .