سلام بارك الله فيك اختي سماسم موضوع قيم الله يجازيك الخير
صح ده من مده اكتشفت ان الخطا منا يعني النص لكبير .علاش حنا نقولو طيبتلكم ولبستكم وووو هذا واجب .لكن هوما يحتاجو الحنان طاقه كبيره من الحنان بدون توقف يحتاجو اذن تسمعهم وصدر يحتويهم يحتاجو يفرغو طاقاتهم مع الماما والبابا
صح انا وليت نقلق وماعنديش الصبر ونعيط ونزعف ونلحق مرات نقول يجيني انهيار عصبي علاش نحوسو على بيت نقي وزجاج لامع وغرف مرتبه وووو وبهذه الطريقه قفزنا على واحد المرحله اللي هي الطفوله قاعدين نقتلو فيها ونندبو حضنا نحوسو على اطفال مثاليين .وهملنا بزاف امور
انا راح تلقايني نعاود ندخل ونشكي بالصح بديت نراجع نفسي نغضب على كل شئ .
يعني نحوسو امر طبق .والله الشي مؤسف
علاش ناس بكري جابو بالعشره وطلعو دكاتره وووو وحنا واحلين في ولادنا وكل شي موفر ليهم الفرق ان ناس بكري كانو همهم يلحقو لقمه العيش والبساطه غالبه حنا تبعنا العصرنه بشكل خاطئ .الله يصلحنا
المهم انا نحاول وان كان نحس روحي بعيده نوفرلهم اكل صحي مش بزاف بالصح وقت ماقدرت ونعلمهم قواعد الحياه النظافه الشخصيه والجانب الديني طبعا هو اللي نبنيو عليه حياتنا .واما الرياضه كنت سجلتهم بيسين وكارتي وحبستهم وضرك راهم مسجلين في كره القدم نحاول مادام طوالو النهارات يخرجو يوميا للبارك يلعبو
والشئ اللي نتبهت ليه وعندهم فيه متعه كي نلعب معاهم يكونو في قمه السعاده .
ولا نحكيلهم على كيفاش كنا نلعبو في الصغر وضرك اذ ا قدرت معوله نخدم معاعم اشياء لرمضان باش نحسسهم قبل الوقت بعظمه الشهر طبعا اذا قدرت عارفين ظروفي
كصنع حصاله النقود .وفوانيس .وبعض اللافتات .المهم هي اشغال بسيطه ولكن عندها تاثير على نفسيتهم ..ومساعدتي في تنظيف البيت لاستقبال الشهر الفضيل .لي عوده سلام
.