اولا السلام عليكم .....نقولكم حاجة خاوتي......علابالكم بلي الارقام لي تمدها الدولة حول نسبة البطالة كامل غلط في غلط....نقولك علاه؟....تبع معايا برك وانا نقولك...انا خدمت مع مديرية التشغيل مدة عامين فالعقود ...وخدمت مع وكالة القرض المصغر في احدى ولايات الوسط...وعلابالي كيفاش يحسبو ....نبدا بنفسي ...انا مثلا عندي عام ملي خلاصلي عقد العمل...و مارانيش خدام في الوقت الحالي ...لكن عندهم انا ضرك راني محسوب عندهم مزلت خدام ...باش يضخمو الارقام برك...وكاين تاني الاشخاص ليمدولهم 3 ملاين سنتيم في اطار القرض المصغر يحسبو كل واحد عطاولو ب 1.5 منصب شغل مخلوق - يرحم باباك واحد تعطيلو 3 ملاين خلاص خرج مالغرقة؟؟؟-...و لي يعطولهم 40 مليون يحسبوه خدم 2 خدامين يعني 3 مناصب اذا حسبنا معاهم صاحب المشروع...و هو فحقيقة الامر ما يخدم حتى واحد او يخدم معاه واحد بلا تسجيل في الضمان الاجتماعي و يعطيلو 2 فراكات ....لكن الدولة تحسبو خدام رسمي....زيد لي يخدمو في اطار الشبكة الاجتماعية مساكن يحسبوهم ضمن مناصب العمل المخلوقة ....و زيد و زيد و زيد....يعني رايحة كامل بريكولاج في بريكولاج....ونصف الشعب كامل راه يبريكولي....اما مسؤولينا يقولك نسبة البطالة مزيدش على 10%...وهي كلها ارقام مغلوطة وتعبرش على الواقع و الحقيقة....يعني gonflage fi gonflage باش برك المسؤولين يرضاو عليهم ويخلوهم في المناصب تاعهم و الا يرقوهم....وهادي حقيقة انا عشتها... واحد ماقالي....و انت احسب مديريات التشغيل تاع 48 ولاية شحال يطلعو من منصب واهي في الاحصائيات لي يبعتوها للوزارة ....و تطلع النسبة العامة كلها مغلوطة وماهيش حقيقية 100%.....والله يا اخواني هادي هي الحقيقة.....وحسبي الله ونعم الوكيل