منتديات الجلفة لكل الجزائريين و العرب - عرض مشاركة واحدة - ملف الحلويات المجربة بالصور
عرض مشاركة واحدة
قديم 2010-09-05, 17:01   رقم المشاركة : 3
معلومات العضو
سارة1995
عضو محترف
 
إحصائية العضو










افتراضي


الرغيفة
المقادير:
1كاس زبدة ذائبة
1 كاس ماء الزهر
1 بيضة
شوية ملح
فرينة
نشاء نحلوا بيه العجينة
عسل
زيت للقلي لوز مدشش للزينة
التحضير:نضع الزبدة + ماء الزهر + البيضة+ ملح و نخلطهم مع بعض ثم نضيف الفرينة حتى تتجمع العجينة تكون متماسكة تدلك شوية فقط ترتاح 5 د.
نحلها بالمايزينة اي نحل و نرش مايزينة و نحلها رقيقة حوالي 22 ملم,و نلوي كالحربوشو ندخلها للثلاجة تشد روحها حوالي 1د او اكثر حسب وقتك ,ثم تقطعي الحرابيش ديالك قطع بسمك 5 سم و توقفيهم و تخبزيهم يكونو رقاق مبعد تقليهم و تعسليهم و ترشيهم باللوز و الصور توضح اكثر يجوا رائعين .







لمقادير
العجينة
هد العجينة تجي هايلة كي نكونو نحلوها نتمنى تجربوها
كيلو فرينة - ملعقة كبيرة ملح -
نصف كوب زبدة او مارغرين دائبة(الكوب=240ملل)
من 400 إلى 450 مليلتر ماء حسب حاجة العجينة.
تحضير العجينة
في اناءالعجن نضع الفرينة+السمن و ينزل الماء قليلا قليلا مع العجن لمدة 3 دقائق
و نزيد نعجن 4 دقائق حتى تبيض العجينة
نغطيها و تترك ترتاح ربع ساعة
ثم تشكل على هيئة رولو طويل يقطع إلى 12 قطعة متساوية


كل قطعة تشكل على هيئة كرة صغيرة و تغطى بفوطة و تترك ترتاح لمدة نصف ساعة
بعد مرور نصف ساعة ترش طاولةالعمل بالنشا
و توضع عليها كرة العجينة و ترش بالنشا كذلك
ونحلها في مشينة الرشتة ونرصها في السنيوة بين كل طبقة وطبقة عجينة نعمل طبقةسمن حتى نلحق 7طبقات عجين الطبقة الاخيرة ما ندهنوهاش
تحضير الحشوة
3كيل لوز مرحي خشين+كيل سكر +راس مع صغيرة قرفةونرشبالماء زهر شوية

نحط طبقة الحشو وااتاكد من السماكة ندخا الاصبع ونقارن في كا الجهات في السينية


نغطي الحشوة ب ستة طبقات عجين بين كل طبقة وطبقة طبقة سمن والطبقة الاخيرة نتركها ناشفة ندهنها بصفار البيض المحلول بشوية حليب ونقسم البقلاوة
بالعجينة المتبقية نعمل وردات ونزين بيهم البقلاوة





نعاود ندهن الوجه بصفار البيض



وندخال السنيوة في كوشة مسخنة 220° وتترك حوالي 1 ساعة مع مراقبة البقلاوة كل ربع ساعة
كي نخرجها نعسلها بعسيلة باردة ونتلاكها على الاقل يوم باش تتشرب مليح





المكونات

150 غ زبدة
250 غ شوكولا نوار
150 غ سكر احرش
60 غ فرينة
فانيلا
3 بيضات
رشة ملح
100 مكسرات حسب الرغبة انا استعملت جوز + كاجو

الطريقة
نذوب الزبدة على نار هادئة ثم نغطس الفرشاة فيها وندهن المول ونتركه جانبا
نذوب الشوكولا على حمام مائي
ثم نخلط الشوكولا مع الزبدة ونتركها
نخفق 3 بيضات مع كمية السكر والفانيلا حتى نتحصل على مزيج رغوي



نضيف له خليط الشوكولا والزبدة ونمزج جيدا

بعدها نضيف الفرينة ورشة الملح
ونخلط الكل ثم نضيف المكسرات ونترك حبات لنزين بها الوجه
ونضع المزيج في المول المدهون بالزبدة


ندخله الى فرن مسخن مسبقا 180 درجة لمدة 15 دقيقة
بعدما نطفىء الفرن نترك المول داخله لمدة 10 دقائق
بعدما يبرد نهائيا ندخله الى الثلاجة لمدة ساعتين

نقسمه الى مربعات ويقدم


مقـآدير العجينة:
500غ زبدة طرية
250غ فلان فآني
4 بيض
2 كيس فآني
150 غ نشـآ
فرينة حسب الإحتيآج
2 كيس خميرة كيميآئية
مقـآدير الشآربآت:
كأس ونصف مـآء
3 م ك سكر
مـآء زهر
عصير 1 و 1/2 ليمون
للتغليف :
سكر قلآصي
طريقة التحضير :
تخفق الزبدة مع الفلان بالخلآط الكهربآئي جيدآ حتى يصبح كالكريمة
يضآف البيض والفآنيليآ ويخلط الكل جيدآ ويضآف النشآ ويخلط ثم
تضآف الفرينة مع الخمآرة ويخلط حتى نتحصل على عجينة طرية
تشكل حرآبيش وتقطع على شكل مقروظآت وتصف في صينية الفرن


يدخل للفرن مسخن على 180° حتى يطهى


يترك ليبرد ويجهز السيرو
في كسرونة يوضع المـآء والسكر و مآء زهر حسب الرغبة
وعصير الليمون ويترك على نآر حتى يغلي لمدة 5 د
بعد مـآ يبرد القـآطو

يوضع في السيرو


يعد ذلكـ يمرر في السكر قلآصي المرة الأولى

ثم يمرر المرة الثـآنية


يترك قليلآ ثم يمرر المرة الثآلثة والأخيرة


يوضع في صينية


ثم يوضع في أكيـآس ورقية


ملآحظة: الأخت كوثر في السيرو قآلت أن المآء ومآء الزهر
والليمون لوحدهم ولكن انا أحببت أن أضيف ملآعق سكر وأيضآ
هي قآلت 1 ك مآء ولكنه قليل على الحلوى لذلك يجب مضآعفة
مقآدير السيرو والسكر القلآصي حوآلي علبة ونصف أو أكثر حتى علبتين



هذه الكيكة لقيتها في احد المنتديات عجبتني قلت نجربها وحبيت تشفوها نتمنى تعجبكم و نشكر صاحبة الوصفة
المقادير :
4 بيض
1 كاس سكر
1 كاس زيت
1 باطة ياغورت فاني او موز
2 خمارة
200غ فرينة و كل 100 وحدها
4 مغارف كاكاو
التحضير نخبط البيض مع السكر اولا ثم نضيف الزيت ونخبط ثم الياغورت و فانيثم نقسم هذا الخليط الى قسمين,
110غ فرينة نقص منها 2 مغارف فرينة ونضيفوا لل100غ الاخرى من الفرينةو الفرينة لنقصنامنها 2 مغارف نضيف لها الكاكاو و كل خليط نضع له 1 خمارة ونخلط ث م في قالب مدهون نضع مغرف عجين بيض بجانبوا مغرف عجين بني حتى نكمل السطر ثم في سطر الثاني نخالف اي بجانب الخليط الابيض نضع البني و العكس صحيح وندخلها تطيب ونشا الله تعجبكم عندي كيفيات كثيرة من هذا النوع الا عجبتكم نزيد نحط وصفات اخرى و شكراااااا.








نوقة اللوز

500 لوز اوكوكاو
300 غ سكر عادي
100 غ مارغرين
1/2 ملعقة فاني
مبشور ليمون
1/2 كاس حليب
ملون غذائي وردى
عجينة لوز
في كسرونة فوق النار نضع الحليب مع السكر كي يذوب السكر اضيفي المارغرين +اللوز المرحي+الفاني+مبشور الليمون +قطرات ملون وحركي جيدا حتى تصبح ثقيلة ولا تلتصق بالكسرونة ضعيها فوق سطح واتركيها تبرد اعجنيها قليلا
وحليها سميكة واقطعي دوائر
اقطعي وردات من عجينة اللوز بيضاء وردي والصغيرة بيضاء
(اقطعي بمول المارغريت كاين 3 من الكبيرة الى الصغيرة )
ادهني سطح الدائرة بالمعجون والصقي الوردة الكبيرة وفوقها المتوسطة وفي الاخيرالصغيرة وارشقي حبة فضية ورشي باللماع الغذائي وتقدم في كيسات دونتال


المكونات
4 بيضات
100 غ سكر احرش
100غ فرينة
1 خميرة حلوى
رشة ملح
قشور حبة قارص
50 غ زبدة مذوبة
للحشو
100 غ شيكولة + فنجال حليب او معجون
للتزيين 60 غ شيكولة + شوية زبدة

الطريقة
نفصل صفار 4 بيضلت عن البياض
بالخلاط الكهربائي نمزج الصفار وقشور القارص مع اضافة السكر تدريجيا
ثم الزبدة المذابة والخميرة والفرينة
نضرب بياض البيض مع رشة ملح حتى نتحصل على
رغوة سميكة كالثلج نضيفها تدريجيا الى الخليط
السابق ونمزج برفق
نغلف البلاتو بورق الشمع ونضيف المزيج


ندخله الى فرن مسخن مسبقا 180 درجة الى ان يصبح لونه اشقر

نبلل منشفة المطبخ ثم نعصرها جيدا
ونقلب البلاتو عليها ثم ننزع ورق الشمع بلطف
ثم ندورها على شكل رولو ونتركها 5 دقائق


نذوب الشيكولا مع الحليب في حمام مائي
ثم نحل البسكوي ونضيف له الشيكولا ثم نعاود تدويره الى شكله السابق
ثم نزينه بالشيكولة المذابة مع الزبدة ونضعه يبرد في الثلاجة حتى يتماسك


بعدما يبرد نزينه بالسكر قلاصي ونقطعه

ويقدم









رد مع اقتباس