[اريماس]

السلام عليكم ارجو من كل من قرا مشكلتي ان يساعدني بالنصيحة ولكم مني كل الشكر
عمري 35 سنة عازبة مشكلتي اني في شهر فيفري اتاخرت الدورة عندي 20 يوم ولما روحت اخصائية نساء دارتلي ايكو غرافي قالت انو عندي فيبروم في الرحم لكن ليس في الجوف حجمو 3 ونصف سنتيم وقالتلي ماتقلقيش مادام ماكانش اعراض ماشي مشكلة وبامكانك تتزوجي وتنجبي عادي وصفلتلي ديوفاستون شربت مدة خمس ايام حبتين في اليوم ووقفت الدواء ونزلت عليا في اليوم السادس من التوقيف ثم شربت من يوم 16 من الدورة حتى 25 حبتين في اليوم واليوم عندي 8 ايام بعد توقيف الدواء ومانزلتش الدورة راني مقلقة ياسر ومافهمتش قدش نزيد نستنى مه العلم اني في مدينة صغيرة فيها اخصائية وحدة وراهي عطلة امومة باغية نعرف برك قداش نزيد نستنى واذا ماهبطوش عليا وقتاش نزيد نشرب الديوفاستون وهل التاخير عندو علاقة بالفيبروم مع ان موضوع الفيبروم مازال يقلقني وخائفة من تاثيراته على الانجاب خاصة وانا مقبلة على مشروع زواج ارجوكم افيدوني وجزاكم الله كل الخير