البسملة1 يوم 7 ديسمبر درت عيد ميلاد بنوتي الصغيرة قفلت عام إن شاء الله تعيش العمر كلو درتلها تارت باربي و هذي أول تارت باربي درتها بعد تارت سبونج بوب درتو في رمضان لبنتي الكبيرة كي قفلت 6 سنين الوصفة درت باتيسري أم رامي و دوبليت العبر 4 بيض + نص كاس سكر + كاس ميش معمر بين فرينة و مايزينة بصح أنا درت كاس معمر + 4 ملاعق زيت + فانيلا + قرصة خمارة كيميائية أنا درت باكي كاملة درت في مول عادي و زدت درت في علبة الحليب تاع بنتي باش ندير جسم الباربي عجينة السكر خدمتها درت ملعقة غلوكوز + بياض بيضة + السكر تلمتلي مليح و خليتها باتت بصح مصدقتليش بدات تتفتت عاودت وحدة جديدة و زينت بيها ثم ثم ممكن تعطولي نصايحكم على عجينة السكر اللي مالفة ديرها و أجركم على الله نخليكم مع الصور و مدولي رايكم بكل صراحة هذا سبونج بوب اللي درتو لبنتي الكبيرة تعليقاتكم إتهمني باش يا نكمل يا نحبس تحياتي لكل من يدخل موضوعي حتى و ميديرش رد تحياتي ليه