اقتباس:
المشاركة الأصلية كتبت بواسطة omrami
 السلام عليكم
ممكن خواتاتي تعطوني مقادير تاع قاطو pain d'epice
لي دارتو سليمة يعلى
شكرا ليكم |
اختي الوصفة كالآتي
المقادير: 150غ زبدة طرية-كاس سكر ناعم مش معمر-2صفار بيض-ملعقة صغيرة خميرة الحلوى-ملعقة صغيرة فاني-نصف علبة تاع خبز التوابل مرحي او مسكرفج يعني كي ترحيه في الروبو ما لازمش يتعجن لازم يبقى متناثر-250غ نشاء
للكريمة: 100غ فوندون تخدميه بيدك حتى يطرى-100غ زبدة -ملعقة كاكاو
تضربيهم مليح بالباتور حتى تولي كريمةو من الاحسن تطولي شوي بالباتور
وممكن تستغني على الكريمة بالمعجون
للتزيين :شيكولا -اصابع من خبز التوابل(تقطعي الخبز على شكل صبيعات كيما السيجار)
تخلطي كل مقادير العجين مع بعض حتى تتحصلي على عجينة طرية وتتلاصق في اليد ما لازمش تجي ناشفة باش كي نعودو نرشو في النشاء اثناء فتح العجينة ما تيبسش
ديري الشكل لي حبيتي طيبيهم على180درجة مدة20د
بعد ما يبردو اطلي الطبقة العلوية فقط بالشيكولا ولصقيها مع اخرى مش مطلية بواسطة الكريمة ثم حطي فوقها اصبع من الخبز وز9ينيها بخطوط الشيكولا
الشيكولا ذوبتها على النار مباشرة دارت 100غ شيكولا مع زوج مغارف ماء وتبقى تحرك لكن على نار هادئة وغير تبدأ تذوب نحيها وكملي حركي