[حبة ملفاي]

المشاركة الأصلية كتبت بواسطة saraharaha

أول حاجة الوقاية والأمن الصناعي معهد وطني وافريقي جامعي خاطر كاين تقراها على برا تكوين

ثاني شيء تبدلت عادت نظام ل م د يعني 3 سنين قراية واذا طارلك الماستر خير وخير

الاهم وش معناها هاذي الشعبة :
تخصص كفاه تسير المخاطر الصناعية والوقاية منها باش ميصراوش حوادث في الخدمة يعني مسؤولية فيها عظيمة

يعني تخلي مكان العمل آمن باش العمال يخدمو في ظروف مليحة ومتوقعلهمش حوادث هاذي باختصار ومعرفتش نشرحها مليح بالعربية

فيها تخصصات في العام 3 فيها مثلا : تسيير الأخطار ، بيئة ، أمن الداخلي للمؤسسات وزادو حلو تفرعات جديدة
الدراسة فيها عادية مع الحقرة ووو راكم عارفين طلع عادي شوي قراية برك
المواد لي تدرس أكيد : مات شيمي بيولوجي ميكانيك غضافة إلى مواد في التخصص مثلا:
ولي عجباتو باتنة مرحبا

ذرك المعهد لعام لي فات كثرو فيه الطلبة عادو 1000 طالب مزية حلو القطب الجامعي الجديد فيسديس 10 كلم على باتنة ولا 15 والاقامة وكل شيء ثم تالي معندهمش وين يحطوهم كارثة كبيرة لعام لي فات
ومن كثرو الطلبة بدات يفقد المعهد صمعة تاعو يعني من المفروض 400 ولا 500 طالب اقصى حد

ومن كثرو لي يتخرجو راح تنقص فص العمل مش كيما بكري يعني لي يقلك فيها خدمة راهي كيما الاختصاصات الاخرى نتا وقفازتك وشطارتك وقرايتك

تخصص مليح لكن فلجزاير معندهاش شركات كباار من غير سوناطراك مش كيما الخارج

يعني ممكن نصيحة للطلبة لي يقدر يدير تيكنو في دزاير ولا علوم المادة احسن تسجيل وطني وفيه فروع مليحة في التخصص

معرفتش نشرح بالعربية مليح خاطر لقراية كلش بلفرونسي سما لازم تستعمل كلمات التخصص باش تشرح
وكي عدتو مزال مدخلتوش على لفرونسي راني حاولت نقرب

بالتوفيق
سلام

الله يخليك اختي ....ربي يعطيك ما تتمني انا كنت راح نحطها الاولى

و انت راك عملتي فياخدمة كبيرة ..إذا ماشي مشكل تشوفيلي احسن إختيارات