كل الخضر والفواكه يجب نقعها بالماء والملح لمدة 10 د لا اكثر للتخلص من المواد الميميائية
بالنسبة لجاج العرب تلقاه في الارياف والا اللي عندهم الفيرمات ،
بالنسبة للموضوع الأصلي ، ارى ان آكلات اجدادنا اكثر صحية من الأكلات المعاصرة ، يمكنك الاطلاع على قسم الطبخ لتعرف ، ان معظم اكلاتنا الحديثة من المقالي , والمعجنات هادي بيتزا والغدوة شوصون والتونة والمصبرات ، ولي قراتان اللي اغلبهم مواد مقليه ترجع للفور!!! حتى السلاطة ولاو يديروها بالمقرون والروز ويعمروها بالمايوناز ، ويسموها سلاطة!!!!!! معظم اكلاتنا بالكريمة الطازجة والطحين الأبيض حتى الفواكه باه يأكلوهم بالكرام شانتي !!!!!!!على العكس في القديم كانو يفطرو بالكسرة تاع القمح الكامل او الشعير ، مع الحليب وزبدة طبيعية ناتجة عن بقرة تغذات بشكل طبيعي بعيد عن الهرمونات والادوية
وتاع درك يفطرو بالبيمو والكرواصون ، مع حليب الشكارة ماء وزغاريد،
تاع بكري يتغداو الخضر الطبيعية في وقتها ، او العجائن الكاملة ، ممكن مع اللحم
تاع درك التشيكن بورقر، ولا لي فريت مع مايوناز وهريسة،وباقيطة خبز وباطة ياوورت
ملاحظة: المقرون او الكسرة اذا كانت معمولة بالقمح الكامل ، تاكلها طول حياتك ماتسمانش
الشحمة او الزبدة تاع البقرات ، لوكان تكون تعمل مجهود كبير يوميا ، ماتسمانش
الالياف الخشبية الموجودة في البقول والحبوب ، كون توالف عليها مدة من الزمن ، ماتكوليش المعدة تاعك