الى YACINE soso
السلام عليكم
البغرير
مقدار كاسين من الدقيق الرقيق كيما نسميوه احنا لرطب
و مقدار واحد من فرينة السقينة او جواد
ملح و مغرفة صغيرة قهوة نتاع سكر
وماء فاتر
و خميرة الخباز ملعقتين اكل و باكي خميرة الحلوة
وقليل جدا من الزيت فقط
المراحل
الخميرة تكوني خليتها تخمر في قليل من الماء
تاخذين الدقيق يتغربل ونضيف له جميع المواد
ثم نضيف الخمارة و الماء بالتدريج و يدلك متل الخبز
ثم بالتدريج نضيف الماء حتى يتكون لنا سائل وانت دائما
ترفعين العجينة و تلقيها لغاية ان يتكون لك عجينة سائلة
تحكمي صيار نتاع الدقيق تضعيه فوق قدرة
تنزلي هذاك العجينة السائلة
راح تتكون ليك في الصيار عجينة او علك نتاع العجينة
تحكمي هذاك العجينة تكوريها مليح و تضعينها في قماش نضيف مثل لكومبرس نتاع الدوا
تربطيها مليح و تجعلي لها خيط و ضعيها في القدر نتاع البغرير و خليها تخمر حوالي
نصف او عشرين دقيقة
و من بعد خذي مقلاة نتاع تفال و طيبي فيها
راح يجي مثل الشهدة
للملاحظة دعي دوما هديك الكمسة نتاع الكومبرس في القدر لان السر فيها
لانه فيها الخميرة
و شهية طيبة
طبعا بعد التعسال بالزبدة و العسل