اليوم كنت فالطرامواي وقفت قدامي واحد الحاجة عندها تليفون قالتلي يا ولدي شوفلي نميرو راجل فطيمة وعيطلي فيه الله يسترك
قعدت حوس طالع هابط في قائمة الأسماء ملقيتش الإسم
قلتلها الحاجة ملقيتوش قالتلي سميلي الأسامي لي في التليفون
قلتلها :
احمد ..حسين ..هشام ..سناء ...يوسف... منير
خطفتلي التليفون من يدي و هي زعفانة قالتلي يا خسارة القراية لي قريتوها
ياك حسين هو راجل فطيمة
او راحت قدام للباب باش تهبط و هي تمتم و انا قعدت نتفكر قرايتي لي قريتها من الإبتدائي لليوم ...
أنتوما قريتو بلي حسين هو راجل فطيمة و لا غير انا 🙂💔