السلام عليكم و رحمة الله تعالى و بركاته كيف احوالكم خياتي ربي يحفظكم و يهنيكم و يرزقكم ما تتمناو قولو امين .................................................. ....................... اليوم جبت ليكم بان كيك بسيط في مكوناته و في تحضيره المكونات مع الطريقة مباشرة تخلطي 2 حبتين بيض مع 4 اربع مغارف سكر عادي خلطيهم مليح و من بعد ضيفي ملعقة صغيرة فانيلا و خلطي و ضيفي 5 خمس مغارف كبار ماء و مغرف صغيرة خميرة الحلوى و خلطي مليح و من بعد ضيفي 6 ست مغارف كبار فرينة مغربلة و خلطي مليح و رايحة تتحصلي على خليط شوية ثقيل غطيه و خليه يرتاح حوالي ربع ساعة و من بعد طيبيه عادي في مقلاة ما تلصقش حطيه فوق فوطة يبرد شوية و من بعد ديريه في طبسي و غلفيه ببلاستيك شفاف ليستهلك في الصباح و بصحتكم مسبقا ملاحظة هاد الكمية تعطيك حوالي عشر حبات تفضلن الصور و اعتذر عن ردائتهم جودة الكاميرا عيانة ههههه اه نسيت راني في صدد تحضير صفحة على الفيس اسمها مطبخ أمنية غفران الي حبت تزورني مرحبا بيها في أمان الله