[ام شمسو محمد]

ام هزورة ماشاء الله عليك نتي ثاني ما يخصكش فحولية و نشاط و النار تشعل الله يبارك
و كلامك الرائع هذاك اخجلني ...علابالي بلي راكي في التعليم و لكن اسلوبك يدل بلي راكي متخصصة في اللغة ماشاء الله فصاحة تامة و لسان حلو ...نقولك برك بلي راني كيما نتيا عندي احساس عميق بالالتزام تجاه المنتدى و القسم و حاسة بالمسؤولية في الحفاظ على الصرح الى ان يظهر جيل جديد يحمل الشعلة و نريحو حنا ....نتقاعدو ههههههه
سقسيتيني ام هزار على برنامجي ...و مع اني نشوف برنامجك مركز خير من تاعي بصح نوصفولك باش مانضيعش الاطراء الجميل تاع سؤالك
حنا مانرقدوش بكري يعني بين 11 و 12 راكي عارفة مع الصيف و السخانة لولاد ما يقدروش يخرجو في النهار و نخليوهم يعوضوها في الليل مايدخلوش حتى لبعد صلاة العشاء...بصح في الصباح نجاهد باش نوضهم بكري لاني نكره نومة الصباح تتعبني نفسيا هههههه
قتلك ننوضو للفجر حسب التيسير ربي يوفقنا لصالح الاعمال ...نحاول بعد الفجر نلزم نفسي باتيان الاذكار ...
على 6.30 صباحا ننوض نهائيا من النوم مجبرة اختك مش مختارة ههههه....زوجي موظف لازم نوض قبلو باش نصدرو و الا يا ويلي ....نسمع مانكره .
بعد حصة العناية الصباحية بالنفس نحب ندير جلسة قرانية عندها تاثير عجيب على باقي اليوم ...حتى ولو ربع ساعة فيها خير كثير
مع الدور مع الاطفال اطعامهم و تنظيفاتهم و تدارك مخلفاتهم مانبداش الشغل حتى ل 8.00 و انا بكل صراحة مخلصة لاسلوب الفراشة
-نبدا بترتيب الفراش ....اللي يكون طبعا مباشرة بعدما نوضو ..
-نغسل ماعن لفطور
-نرتب و نفرز و نرجع لحوايج لاماكنهم .
-نبدا الغسيل .
-نمسح و نكنس و نسيق .
-نرجع نرتب المطبخ و نبدا الوجبات ...في وقتهم يكونو واجدين نطيب برك ...
-و نتفقد حاجة في الدار نخدمها ....طبعا هذي المهمة دايما كاينة ...صارلك كاش نهار لقيتي روحك ماعندك ماتخدمي ؟!...حلم مستحيل ههههههه.
بعد هذا المجهود اللي ممكن يستمر بين ساعتين الى 3 ساعات نكون بالفعل مرتاحة نفسيا لباقي اليوم
الوقت التالي مفتوح ممكن نقضيه مع الاطفال او في الانترنت او في زيارة ....
لنعود بعد العصر و اذكار المساء للروتين المسائي اللي فيه اعداد العشاء و التنظيفات المرافقة ..
و نرجعو مجددا لدورة الوجود ...انا نتعمد البساطة ام هزار في جداولي ...اي شكل من اشكال الضغط يخليني نعيش في توتر و قلق فقدان كلي للسيطرة ..مالا نساعف روحي خيرلي هههههه...


-