اقتباس:
المشاركة الأصلية كتبت بواسطة *نسمات الجنان*
كفاش كنتي تراجعي المواد الاساسية وجبتي هذو النقاط في لباك الثاني وشكراا؟
وماهي الاخطاء التي خلاتك مدتيش مليح في الباك الاول في المواد الاساسية
|
اهلا اختاه
كنت في الباك لول ناقصة بزااااف في الرياضيات الباقي شوي شوي
ايا من عاودت ركزت على الرياضيات كنت نقرا في القسم نسقسي الاستاذ على اتفه حاجة المهم نفهم و نعاود في الدار نحل وش حلينا في القسم و من نكملوا وحدة نروح طول لمرجعي المفضل سلاسل الاستاذ مصطفاي عبد العزيز مرتبهم تصاعديا يعني من السهل للصعب
العلوم الباك لول كنت مهمشة الكتاب المدرسي يعني نهزو غير في القسم منستخدموش طوول في الدار ، ايا من عاودت الباك و شفت المتفوقين كامل يشكروا فيه ايا بديت من نقرا درس في القسم و اكيد رح نحلوا انشطة الكتاب انا نتبع و نحاول نجاوب مع الاستاذة من نروح للدار نهز الكلاصار (المصنف اي كراس العلوم ) و نبدا نقرا و نشوف الكتاب يعني نحل شفهيا
ايا من نكملوا الوحدة نروح نهز الكتاب في يوم فراغ كبير كيما الثلاثاء العشية ولا الويكاند و نبدا نحل من بداية ذيك الوحدة حتى نكمل و الرسومات تقريبا نركز عليهم لانهم نفسهم يتحطوا في الباك
و كنكمل من الكتاب نشوف روحي اذا فهمت مليح نروح نحل الباكات السابقة لذيك الوحدة و اذا مفهمتش نسقسي الاستاذة كنروحلها ،،،،،
اهم شي و اهم نصيحة في العلوم التمهيد (السند) اي ذلك الذين يكتب في بداية التمرين ،،،هو الجواب
مثال لغرض دراسة اليات تركيب البروتين اجرينا ،،،،،،،،،،
نتي روحي لورقة الاوساخ و كتبي اليات تركيب البروتين النسخ و الترجمة ،،،، يعني كل كلمة تقريها افهمي المطلوب
و ننصحك من ضرك تعلمي منهجية العلوم من تحليل تفسير ،،،،،
الفيزيا مادتي المفضلة ههه بالرغم انني لم اتحصل فيها على النقطة التي اردتها
الفيزيااااا نقلك كفاه ديري معاها
تبعي في القسم و من الاحسن ركزي على التجارب ،،،تلقي في النت اذا مدرتوش في القسم
دروس الفيزيا كأنها مناقشة ،،،،،
ننصحك من تقري درس راجعيه في الدار و شوفي فيديوات استاذ شريفي
من تكملي الوحدة هزي كتاب المغني و حلي منه و كل ما تلقاي فكرة جديدة اكتبيها في كراس خاص بالملاحظات ،،،باه ترجعيوا في المراجعة
كتاب المغني رائععععع و من بعد حلي سلاسل استاذ شريفي
و كاين وحدة رح تقروها رح تجيك سامطة و هي الميكانيك بالصح منبعد رح تكونلك هيا الوحدة المفضلة لانو اسئلتها تتكرر نفسها
ركزي مع استاذ شريفي و الا مفهمتيش شوفي استاذ مولاي عمر
الاخطاء تع العام لول هي :
شريت كتب بزاااااااااف و في الاخير معتمدتهمش ، كنت كل مرة نجيب تمرين من كتاب و يجيني تقريبا نفس الفكرة، انا ننصحك متكثريش الكتب واحد يكفي و راهم كاينين في النت
و الخلعة كنت مدايرة الباك كأنو حاجة مرعبة ولا فيلم رعب هههه و هو عاديييي
مكنتش نقرا قدقد مرة نقرا عشرة لالا
كنت كيمنقراش نندم و نفشل و نحبس و هو لازم تكملي ما تستسلميش
كنت حاطة حلم في راسي بصح مخططتلوش يعني نقول برك
و كايييييين بزاف من نتذكرهم نكتبهملكم
ربي يوفقك
