بسم الله الرحمان الرحيم السلام عليكم اخواتي بما انه بقالي بعض من اللحم المرحي فكرت نعمل بيه طبق شهي ويكفي جميع افراد العائلة و طيبت طبق كريات الكفتة باللحم المرحي والخضار المقادير - لحم مرحي - حبة بصل متوسطة ومرحية - حبة كابويا متوسطة ومرحية - حبة جزر مرحية - 2 فصوص ثوم - حبة بيض -معدنوس - التوابل : مغرفة صغيرة فلفل اسود، مغرفة ص فلفل احمر ، ملح ، قليل من الكركم الطريقة : نخلط كل المقادير ونشكلهم على شكل كريات نقليهم فالزيت شوية حتى يتماسكو ثم نحضر لاصوص الطماطم ب زوج طماطم مرحيين + مغرفة صغيرة طماطم مصبرة + قليل من الزيت + ملح + رشة معدنوس نضع الكفتة في لاصوص ونخليها تتجمر وبعدها نقدم الطبق شهية طيبة ونتمنى تعجبكم الطريقة والطبق وتجربوه لانه شهي و يكفي لجميع افراد العائلة