السلام عليكم و رحمة الله تعالى و بركاته أخواتي الكريمات نظرا لاقتراح الأخت ام هجورة ربي يهنيها و يرزقها من نعيمه باش نخصص موضوع لكل تطبيق للعجينة البرونزية ........................................ ان شاء الله رايحة نبدا بالميلفاي الي يحبوه الصغار قبل الكبار و باش تقدمي لعايلتك و أطفالك حاجة مليحة و من تحت يديك و تقدميها بكل ثقة و سرور و ضمان من نظافة واتقان و بنة لا تختلف عن ميلفاي محلات الحلويات نقترح عليك هاد العجينة الي اسهل منها ما رايحة تلقاي و حبيت أشير أنه كاين أخواتي حراير الكوزينة ربي يحفظهم طبقوها في كوزينة الحنونة رزيقة https://www.djelfa.info/vb/showthread...2035455&page=4 و هدا رابط الوصفة للعجينة البرونزية https://www.djelfa.info/vb/showthread.php?t=1978686 نفتح العجينة بالرولو على شكل مستطيل و نقسمها ادا حبيتي الى ثلاث و نضعها في صينية الكوشة و نثقبها بالشوكة مليح و ندخلها للفرن حتى طيب من الفوق و التحت راهي ما تديش الوقت في الطياب عسوها برك و ادا ما قسمتيهاش و هي عجينة عادي كي تطهى قسميها غي بالعقل و سايسي عليها راهي هشيشة بزاف و بين كل طبقة ضعي الكريمة الي معتمدة من طرفك و أنا رايحة نحط لك كريمة مليحة و بسيطة و ضعي الفوندو المعروف باش تحصلي على شكل الميلفاي المعتاد وخليه يبرد في الثلاجة مدة و من بعد قطعيه حسب الحجم الي حبيتي كبار ولا صغار ................................ [/SIZE] كريمة الميلفاي هي تاني ساهلة شوفي نصف لتر حليب مع 2 مغارف كبار مايزينة مع 3 ملاعق كبار سكر عادي و لفاني و خلطي بارد في بارد و من بعد حطيها فوق النار و نخلط حتى تثقال الكريمة شوية و نحيها من النار ونضيف ليها قيس ملعقة كبيرة زيدة و نخلط مليح حتى تذوب الزبدة و نغطي الكريمة بساشي و نخليها بجيه حتى تبرد باش نستعملها .............................. الفوندو أو قلاصاج الميلفاي نديرو حوالي كاس سكر قلاصي و نضيف ليه قيس ملعقة كبيرة حليب و نخلط مليح و عينك هي ميزانك ما يجي تقيل ما خفيف و من بعد نحي منه شوية و ضيفي له كاكاو اسود من الأحسن و خلطي مليح باش تعملي بيه خطوط الميلفاي تفضلن الصور توضح أكثر هـــــــــــام أخواتي الكريمات و بعد عدة تجارب لي الي حابة تجرب الميلفاي تكيل بكاس شاي يعني كاس ماء مع كاس زيت لأنه بهاد المكيال ان شاء الله رايحين تتحصلو على حوالي 5 الى 6 حبات ميلفاي و اكيد ادا حبيتي كمية اكثر ضاعفي المكونات في أمان الله [/SIZE]